ਕਾਨਸ ਫਿਲਮ ਫੈਸਟੀਵਲ ‘ਚ ਬਾਲੀਵੁੱਡ ਦੀਆਂ ਖੂਬਸੂਰਤ ਹਸਤੀਆਂ ਲਗਾਤਾਰ ਆਪਣੇ ਫੈਸ਼ਨ ਦਾ ਜਲਵਾ ਦਿਖਾ ਰਹੀਆਂ ਹਨ। ਜਿੱਥੇ ਲੋਕਾਂ ਦੀਆਂ ਨਜ਼ਰਾਂ ਖਾਸ ਤੌਰ ‘ਤੇ ਦੀਪਿਕਾ ਪਾਦੂਕੋਣ ਅਤੇ ਐਸ਼ਵਰਿਆ ਰਾਏ ਬੱਚਨ ਦੇ ਲੁੱਕ ‘ਤੇ ਸਨ। ਆਪਣੇ ਤੀਸਰੇ ਲੁੱਕ ਨਾਲ ਇਨ੍ਹਾਂ ਦੋਵਾਂ ਖੂਬਸੂਰਤ ਔਰਤਾਂ ਨੇ ਰੈੱਡ ਕਾਰਪੇਟ ‘ਤੇ ਹਲਚਲ ਮਚਾ ਦਿੱਤੀ। ਜਿੱਥੇ ਦੀਪਿਕਾ ਲਾਲ ਪਹਿਰਾਵੇ ਵਿੱਚ ਨਜ਼ਰ ਆਈ ,ਉਥੇ ਹੀ ਐਸ਼ਵਰਿਆ ਨੇ ਫਿੱਕੇ ਗੁਲਾਬੀ ਰੰਗ ਦੇ ਡਰਾਮੇਟਿਕ ਗਾਊਨ ‘ਚ ਪਹੁੰਚੀ। ਕਾਨਸ ਫੈਸਟੀਵਲ 17 ਮਈ ਨੂੰ ਸ਼ੁਰੂ ਹੋਇਆ ਸੀ ਅਤੇ ਪਹਿਲੇ ਦਿਨ ਸਾਰੇ ਕਲਾਕਾਰਾਂ ਨੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਸੀ।
ਤੀਜੇ ਦਿਨ ਵੀ ਦੀਪਿਕਾ ਲਾਲ ਰੰਗ ਦੇ ਗਾਊਨ ‘ਚ ਨਜ਼ਰ ਆਈ, ਉਥੇ ਹੀ ਐਸ਼ਵਰਿਆ ਰਾਏ ਨੇ ਪਰਪਲ ਡਰੈੱਸ ਨਾਲ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਐਸ਼ਵਰਿਆ ਦੀ ਪਹਿਰਾਵੇ ਵਿਚ ਜਿਸ ਚੀਜ਼ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਉਹ ਸੀ ਉਸ ਦੇ ਮੋਢੇ ਦੇ ਪਿਛਲੇ ਪਾਸੇ ਦਾ ਡਿਜ਼ਾਈਨ। ਜੇਕਰ ਤੀਜੇ ਦਿਨ ਲਈ ਦੀਪਿਕਾ ਪਾਦੂਕੋਣ ਦੇ ਲੁੱਕ ਦੀ ਗੱਲ ਕੀਤੀ ਜਾਵੇ ਤਾਂ ਤਸਵੀਰਾਂ ਵਿੱਚ, ਦੀਪਿਕਾ ਨੂੰ ਲੁਈਸ ਵਿਟਨ ਦੀ ਪਤਲੀ ਪੱਟੀ, ਇੱਕ ਪੈਪਲਮ ਟੌਪ, ਅਤੇ ਇੱਕ ਵੱਡੀ ਸਕਰਟ, ਹੀਰੇ ਦੇ ਹਾਰ ਦੇ ਨਾਲ ਸਜੀ ਹੋਈ ਵੇਖਿਆ ਜਾ ਸਕਦਾ ਹੈ।
ਉਸ ਦੇ ਨੈਕਪੀਸ ਨੇ ਉਸ ਦੀ ਲੁੱਕਸ ਨੂੰ ਕੰਪਲੀਟ ਕਰ ਦਿੱਤਾ ਤੇ ਦੀਪਿਕਾ ਨੇ ਆਪਣੇ ਵਾਲਾਂ ਦਾ ਇੱਕ ਸਟਾਈਲਿਸ਼ ਪੌਨੀਟੇਲ ਬਣਾਇਆ ਹੋਇਆ ਸੀ। ਦੂਜੇ ਪਾਸੇ, ਜੇਕਰ ਐਸ਼ਵਰਿਆ ਰਾਏ ਦੇ ਲੁੱਕਸ ਦੀ ਗੱਲ ਕਰੀਏ ਤਾਂ ਉਸ ਨੇ ਆਪਣੇ ਲਾਈਟ ਪਰਪਲ ਪਹਿਰਾਵੇ ਲਈ ਇੱਕ ਸ਼ੈੱਲ-ਆਕਾਰ ਦੇ ਢਾਂਚੇ ਦੇ ਕੋਲ ਇੱਕ ਮਰਮੇਡ-ਸ਼ੈਲੀ ਦਾ ਸਿਲੂਏਟ ਚੁਣਿਆ ਜੋ ਉਸ ਦੇ ਮੋਢਿਆਂ ਦੇ ਪਿੱਛੇ ਲਟਕਦਾ ਹੋਇਆ ਨਜ਼ਰ ਆ ਰਿਹਾ ਸੀ।ਐਸ਼ਵਰਿਆ ਦੀ ਇਸ ਡਰੈਸ ਨੂੰ ਇੰਡੀਅਨ ਡਿਜ਼ਾਈਨਰ ਗੌਰਵ ਗੁਪਤਾ ਨੇ ਤਿਆਰ ਕੀਤਾ ਹੈ। ਆਪਣੇ ਇਸ ਪਿਆਰੇ ਜਿਹੇ ਗਾਊਨ ਨਾਲ ਐਸ਼ਵਰਿਆ ਨੇ ਹੀਰੇ ਦੇ ਬੇਹੱਦ ਖੂਬਸੂਰਤ ਸਕਿਨ ਟੱਚਡ ਇਅਰਿੰਗਸ ਪਾਏ ਹੋਏ ਸਨ। ਐਸ਼ਵਰਿਆ ਦੇ ਇਨ੍ਹਾਂ ਇਅਰਿੰਗਸ ਨੂੰ ਲੋਕਾਂ ਨੇ ਬਹੁਤ ਪਸੰਦ ਕੀਤਾ।
