‘ਬੇਬੀ ਡੌਲ’ ਗੀਤ ਨਾਲ ਘਰ-ਘਰ ਮਸ਼ਹੂਰ ਹੋਈ ਗਾਇਕਾ ਕਨਿਕਾ ਕਪੂਰ ਵਿਆਹ ਦੇ ਬੰਧਨ ‘ਚ ਬੱਝ ਗਈ ਹੈ। ਕਨਿਕਾ ਅਤੇ ਗੌਤਮ ਦੇ ਵਿਆਹ ਦੀਆਂ ਰਸਮਾਂ ਲੰਡਨ ‘ਚ ਹੋ ਰਹੀਆਂ ਹਨ। ਸੋਸ਼ਲ ਮੀਡੀਆ ਉੱਤੇ ਬਹੁਤ ਹੀ ਤੇਜ਼ੀ ਦੇ ਨਾਲ ਕਨਿਕਾ ਕਪੂਰ ਦੇ ਵਿਆਹ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਜਿਸ ‘ਚ ਦੋਵੇਂ ਇਕੱਠੇ ਕਾਫੀ ਕਿਊਟ ਲੱਗ ਰਹੇ ਹਨ। ਕਨਿਕਾ ਦੁਲਹਨ ਦੇ ਰੂਪ ਵਿੱਚ ਤਬਾਹੀ ਮਚਾ ਰਹੀ ਹੈ, ਉਥੇ ਹੀ ਲਾੜਾ ਰਾਜਾ ਗੌਤਮ ਵੀ ਦਿੱਖ ਦੇ ਮਾਮਲੇ ਵਿੱਚ ਆਪਣੀ ਪਤਨੀ ਕਨਿਕਾ ਨੂੰ ਸਖ਼ਤ ਟੱਕਰ ਦੇ ਰਿਹਾ ਹੈ।
ਦੱਸ ਦਈਏ ਕਨਿਕਾ ਦੇ ਪਤੀ ਗੌਤਮ ਲੰਡਨ ‘ਚ ਕਾਰੋਬਾਰੀ ਹਨ। ਆਪਣੇ ਦੂਜੇ ਵਿਆਹ ਤੋਂ ਗਾਇਕਾ ਕਨਿਕਾ ਬਹੁਤ ਜ਼ਿਆਦਾ ਖ਼ੁਸ਼ ਹਨ। ਸੋਸ਼ਲ ਮੀਡੀਆ ਉੱਤੇ ਕਨਿਕਾ ਤੇ ਗੌਤਮ ਦੇ ਪ੍ਰੀ-ਵੈਡਿੰਗ ਫਕੰਸ਼ਨਾਂ ਜਿਵੇਂ ਹਲਦੀ ਤੋਂ ਲੈ ਕੇ ਮਹਿੰਦੀ ਤੱਕ ਦੀਆਂ ਰਸਮਾਂ ਦੀਆਂ ਵੀਡੀਓਜ਼ ਤੇ ਤਸਵੀਰਾਂ ਖੂਬ ਵਾਇਰਲ ਹੋਈਆਂ ਸਨ। ਇਸ ਤੋਂ ਪਹਿਲਾਂ ਕਨਿਕਾ ਦਾ ਵਿਆਹ ਰਾਜ ਚੰਡੋਕ ਨਾਲ ਹੋਇਆ ਸੀ ਅਤੇ ਉਹ ਇੱਕ ਐਨਆਰਆਈ ਕਾਰੋਬਾਰੀ ਵੀ ਸੀ।
ਪਹਿਲੇ ਵਿਆਹ ਤੋਂ ਕਨਿਕਾ ਦੇ ਤਿੰਨ ਬੱਚੇ ਹਨ। ਤਲਾਕ ਤੋਂ ਬਾਅਦ ਕਨਿਕਾ ਹੀ ਆਪਣੇ ਬੱਚਿਆਂ ਦੀ ਦੇਖਭਾਲ ਕਰ ਰਹੀ ਹੈ। ਦੱਸ ਦਈਏ ਕਨਿਕਾ ਤੇ ਗੌਤਮ ਦਾ ਵਿਆਹ ਲੰਡਨ ‘ਚ ਹੀ ਹੋਇਆ ਹੈ। ਇਸ ਵਿਆਹ ਚ ਖ਼ਾਸ ਦੋਸਤ ਤੇ ਪਰਿਵਾਰਕ ਮੈਂਬਰ ਹੀ ਸ਼ਾਮਿਲ ਹੋਏ ਹਨ। ਦੱਸ ਦਈਏ ਕਨਿਕਾ ਕਈ ਬਾਲੀਵੁੱਡ ਫ਼ਿਲਮਾਂ ‘ਚ ਗੀਤ ਗਾ ਚੁੱਕੀ ਹੈ।
