ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ ਦੀਪਕ ਚਾਹਰ ਅੱਜ ਆਪਣੀ ਪ੍ਰੇਮਿਕਾ ਜਯਾ ਭਾਰਦਵਾਜ ਨਾਲ ਵਿਆਹ ਕਰਨਗੇ। ਉਨ੍ਹਾਂ ਦੀ ਹਲਦੀ ਦੀ ਰਸਮ ਬੁੱਧਵਾਰ ਸਵੇਰੇ ਹੋਈ। ਵਿਆਹ ਦੀ ਰਸਮ ਰਾਤ 9 ਵਜੇ ਹੋਵੇਗੀ। ਇਸ ‘ਚ ਧੋਨੀ, ਕੋਹਲੀ ਦੇ ਨਾਲ ਦੀਪਕ ਅਤੇ ਜਯਾ ਦਾ ਪਰਿਵਾਰ ਵੀ ਸ਼ਾਮਲ ਹੋਵੇਗਾ।
ਦੀਪਕ ਦੇ ਵਿਆਹ ਦੀਆਂ ਰਸਮਾਂ ਆਗਰਾ ਦੇ ਹੋਟਲ ਜੇਪੀ ਪੈਲੇਸ ‘ਚ ਹੋ ਰਹੀਆਂ ਹਨ। ਮੰਗਲਵਾਰ ਨੂੰ ਮਹਿੰਦੀ ਲਗਾਈ ਗਈ। ਇਸ ਤੋਂ ਬਾਅਦ ਸੰਗੀਤ ਸਮਾਰੋਹ ‘ਚ ਇਸ ਜੋੜੀ ਦਾ ਦੇਸੀ ਅੰਦਾਜ਼ ਦੇਖਣ ਨੂੰ ਮਿਲਿਆ। ਸਮਾਗਮ ਵਿੱਚ ਦੀਪਕ ਚਾਹਰ, ਜਯਾ ਭਾਰਦਵਾਜ ਅਤੇ ਮਾਲਤੀ ਚਾਹਰ ਨੇ ‘ਅਕੇਲਾ ਹੈ ਮਿਸਟਰ ਖਿਲਾੜੀ ਮਿਸ ਖਿਲਾੜੀ ਚਾਹੀਏ’ ਗੀਤ ‘ਤੇ ਡਾਂਸ ਕੀਤਾ।
ਦੀਪਕ ਚਾਹਰ ਦੇ ਵਿਆਹ ਦੀ ਰਿਸੈਪਸ਼ਨ 3 ਜੂਨ ਨੂੰ ਦਿੱਲੀ ‘ਚ ਹੋਣ ਜਾ ਰਹੀ ਹੈ। ਇਸ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਲਗਭਗ 600 ਲੋਕਾਂ ਨੂੰ ਸੱਦਾ ਦਿੱਤਾ ਗਿਆ ਹੈ। ਮਹਿਮਾਨਾਂ ਦੀ ਸੂਚੀ ਵਿੱਚ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਐਮਐਸ ਧੋਨੀ, ਸਾਬਕਾ ਸਾਥੀ ਸੁਰੇਸ਼ ਰੈਨਾ, ਟੀਮ ਇੰਡੀਆ ਦੇ ਕੋਚ ਰਾਹੁਲ ਦ੍ਰਾਵਿੜ, ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਅਤੇ ਕਪਤਾਨ ਰੋਹਿਤ ਸ਼ਰਮਾ ਵਰਗੇ ਕਈ ਸਟਾਰ ਕ੍ਰਿਕਟਰ ਸ਼ਾਮਲ ਹਨ।
