ਆਸਟ੍ਰੇਲੀਆ ਦੇ ਤੇਜ਼ ਗੇਂਦਬਾਜ਼ ਜੋਸ਼ ਹੇਜ਼ਲਵੁੱਡ ਮਾਸਪੇਸ਼ੀਆਂ ‘ਚ ਖਿਚਾਅ ਕਾਰਨ ਇੰਗਲੈਂਡ ਖ਼ਿਲਾਫ਼ ਦੂਜੇ ਏਸ਼ੇਜ਼ ਟੈਸਟ ਤੋਂ ਬਾਹਰ ਹੋ ਗਏ ਹਨ। ਹੇਜ਼ਲਵੁੱਡ ਨੂੰ ਪਹਿਲੇ ਟੈਸਟ ਵਿਚ 9 ਵਿਕਟਾਂ ਦੀ ਜਿੱਤ ਦੌਰਾਨ ਸੱਟ ਲੱਗ ਗਈ ਸੀ। ਉਹ ਅਗਲੇਰੀ ਜਾਂਚ ਲਈ ਸਿਡਨੀ ਚਲੇ ਗਏ ਹਨ। ਆਸਟ੍ਰੇਲੀਆ ਦੀ ਬਾਕੀ ਟੀਮ ਸੋਮਵਾਰ ਨੂੰ ਐਡੀਲੇਡ ਲਈ ਰਵਾਨਾ ਹੋਵੇਗੀ। ਦੂਜਾ ਟੈਸਟ ਵੀਰਵਾਰ ਤੋਂ ਸ਼ੁਰੂ ਹੋਵੇਗਾ। ਇੰਗਲੈਂਡ ਲਾਇਨਜ਼ ਦੇ ਖ਼ਿਲਾਫ਼ ਪਿਛਲੇ ਹਫ਼ਤੇ ਅਭਿਆਸ ਮੈਚ ਖੇਡਣ ਵਾਲੀ ਆਸਟਰੇਲੀਆ ਏ ਟੀਮ ਵਿਚ ਰਹੇ ਝਾਈ ਰਿਚਰਡਸਨ ਅਤੇ ਮਾਈਕਲ ਨਾਸਿਰ ਤੇਜ਼ ਗੇਂਦਬਾਜ਼ੀ ਵਿਚ ਕਵਰ ਦੇ ਤੌਰ ‘ਤੇ ਆਸਟਰੇਲੀਆਈ ਟੀਮ ਵਿਚ ਹਨ। ਆਸਟਰੇਲੀਆ ਨੂੰ ਹੇਜ਼ਲਵੁੱਡ ਦੀ ਕਮੀ ਮਹਿਸੂਸ ਹੋਵੇਗੀ, ਜਿਸ ਨੇ ਹੁਣ ਤੱਕ ਸੱਤ ਡੇ-ਨਾਈਟ ਟੈਸਟ ਮੈਚਾਂ ਵਿਚ 32 ਵਿਕਟਾਂ ਲਈਆਂ ਹਨ। ਡੇ-ਨਾਈਟ ਟੈਸਟ ਮੈਚਾਂ ਵਿਚ ਉਨ‍੍ਹਾਂ ਤੋਂ ਵੱਧ ਵਿਕਟਾਂ ਸਿਰਫ਼ ਸਟਾਰਕ ਦੇ ਨਾਲ ਹਨ।