ਮਾਰੂਤੀ ਸੁਜ਼ੂਕੀ ਨੇ ਆਪਣੀ 7-ਸੀਟਰ ਮਾਰੂਤੀ ਸੁਜ਼ੂਕੀ ਅਰਟਿਗਾ MPV (Maruti Suzuki Ertiga MPV) ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਹੈ। ਕੀਮਤਾਂ ਵਿੱਚ ਵਾਧਾ ਤੁਰੰਤ ਪ੍ਰਭਾਵ ਨਾਲ ਲਾਗੂ ਕੀਤਾ ਗਿਆ ਹੈ। ਮਾਰੂਤੀ ਸੁਜ਼ੂਕੀ ਨੇ ਇਸ ਸਾਲ ਅਰਟਿਗਾ ਨੂੰ 8.35 ਲੱਖ ਰੁਪਏ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ ‘ਤੇ ਲਾਂਚ ਕੀਤਾ ਸੀ। ਕਾਰ ਨਿਰਮਾਤਾ ਨੇ ਸ਼ੁੱਕਰਵਾਰ ਨੂੰ ਆਪਣੇ ਮਲਟੀਪਰਪਜ਼ ਵਾਹਨ (MPV) ‘ਤੇ 6,000 ਰੁਪਏ ਦੇ ਵਾਧੇ ਦਾ ਐਲਾਨ ਕੀਤਾ।

Ertiga ‘ਤੇ ਨਵੀਨਤਮ ਕੀਮਤ ਵਾਧਾ ਸਾਰੇ ਮੈਨੂਅਲ ਵੇਰੀਐਂਟਸ ‘ਤੇ ਲਾਗੂ ਹੋਵੇਗਾ। ਨਵੀਨਤਮ ਕੀਮਤਾਂ ਦੇ ਵਾਧੇ ਨਾਲ, ਅਰਟਿਗਾ ਦੀ ਕੀਮਤ ਹੁਣ 8.41 ਲੱਖ ਰੁਪਏ (ਐਕਸ-ਸ਼ੋਰੂਮ, ਦਿੱਲੀ) ਹੋ ਗਈ ਹੈ। ਮਾਰੂਤੀ ਸੁਜ਼ੂਕੀ ਨੇ ਰੈਗੂਲੇਟਰੀ ਫਾਈਲਿੰਗ ਰਾਹੀਂ ਇਹ ਐਲਾਨ ਕੀਤਾ ਹੈ। ਜਿਸ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ, “ਈਐਸਪੀ ਅਤੇ ਹਿੱਲ ਹੋਲਡ ਅਸਿਸਟ ਹੁਣ ਅਰਟਿਗਾ ਦੇ ਸਾਰੇ ਵੇਰੀਐਂਟਸ ਵਿੱਚ ਮਿਆਰੀ ਵਿਸ਼ੇਸ਼ਤਾਵਾਂ ਵਜੋਂ ਉਪਲਬਧ ਹੋਣਗੇ।”