ਕੌਂਸਲ ਫਾਰ ਦਾ ਇੰਡਿਯਨ ਸਕੂਲ ਸਰਟੀਫਿਕੇਟ ਐਗਜ਼ਾਮ (ਸੀਆਈਐਸਸੀਈ) ਨੇ ਅੱਜ 24 ਜੁਲਾਈ 2022 ਨੂੰ ISC ਯਾਨੀ ਕਿ 12ਵੀਂ ਦੇ ਨਤੀਜੇ 2022 ਦਾ ਐਲਾਨ ਕਰ ਦਿੱਤਾ ਹੈ। ਜਿਨ੍ਹਾਂ ਵਿਦਿਆਰਥੀਆਂ ਨੇ 12ਵੀਂ ਜਮਾਤ ਦੀ ਪ੍ਰੀਖਿਆ ਦਿੱਤੀ ਹੈ, ਉਹ ਆਪਣੇ ਨਤੀਜੇ ਅਤੇ ਵਿਸ਼ੇ ਅਨੁਸਾਰ ਅੰਕ CISCE ਦੀ ਅਧਿਕਾਰਤ ਵੈੱਬਸਾਈਟ (www.cisce.org) ‘ਤੇ ਜਾ ਕੇ ਵੇਖ ਸਕਦੇ ਹਨ। ਨਤੀਜਾ ਸ਼ਾਮ 5 ਵਜੇ ਆਨਲਾਈਨ ਮੋਡ ਵਿੱਚ ਜਾਰੀ ਕੀਤਾ ਗਿਆ ਹੈ।
ਇਸ ਸਾਲ, CISCE ਨੇ ISC ਪ੍ਰੀਖਿਆ 2022 ਵਿੱਚ 99.38 ਪ੍ਰਤੀਸ਼ਤ ਦੀ ਸਮੁੱਚੀ ਪਾਸ ਪ੍ਰਤੀਸ਼ਤਤਾ ਦਰਜ ਕੀਤੀ ਹੈ। ਜਿੱਥੇ ਲੜਕੀਆਂ ਨੇ 99.52 ਪ੍ਰਤੀਸ਼ਤ ਪਾਸ ਪ੍ਰਤੀਸ਼ਤਤਾ ਦੇ ਨਾਲ ਲੜਕਿਆਂ ਨੂੰ ਪਛਾੜਿਆ ਹੈ, ਉੱਥੇ ਹੀ ਲੜਕਿਆਂ ਦੀ ਪਾਸ ਪ੍ਰਤੀਸ਼ਤਤਾ 99.26 ਪ੍ਰਤੀਸ਼ਤ ਰਹੀ ਹੈ। ਵਿਦਿਆਰਥੀ ਵੈੱਬਸਾਈਟ ‘ਤੇ ਇੰਝ ਵੇਖ ਸਕਦੇ ਹਨ ਨਤੀਜਾ:
ਅਧਿਕਾਰਤ ਵੈੱਬਸਾਈਟ – results.cisce.org ਜਾਂ cisce.org ‘ਤੇ ਜਾਓ।
ISC ਨਤੀਜਾ ਲਿੰਕ ਚੁਣੋ ਅਤੇ ਨਤੀਜਾ ਲਿੰਕ ‘ਤੇ ਕਲਿੱਕ ਕਰੋ।
ਆਪਣੀ ਵਿਲੱਖਣ ID, ਰੋਲ ਨੰਬਰ ਅਤੇ ਹੋਰ ਲੋੜੀਂਦੀ ਜਾਣਕਾਰੀ ਦਰਜ ਕਰੋ।
CISCE ISC ਸਮੈਸਟਰ-2 ਦਾ ਨਤੀਜਾ ਸਕ੍ਰੀਨ ‘ਤੇ ਦਿਖਾਈ ਦੇਵੇਗਾ।
ISC ਸਮੈਸਟਰ-2 ਦਾ ਨਤੀਜਾ ਡਾਊਨਲੋਡ ਕਰੋ ਅਤੇ ਪ੍ਰਿੰਟ ਆਊਟ ਲਓ।