ਪ੍ਰਤੀਕ ਸਹਿਜਪਾਲ ਸਭ ਤੋਂ ਵੱਧ ਪਸੰਦ ਕੀਤੇ ਜਾਣ ਵਾਲੇ ਪ੍ਰਤੀਯੋਗੀਆਂ ਵਿੱਚੋਂ ਇੱਕ ਹੈ। ਪ੍ਰਤੀਕ ਨੇ ਆਪਣੀ ਦਮਦਾਰ ਸ਼ਖਸੀਅਤ ਕਾਰਨ ਹਮੇਸ਼ਾ ਲੋਕਾਂ ਦੇ ਦਿਲਾਂ ‘ਚ ਜਗ੍ਹਾ ਬਣਾਈ ਹੈ। ‘ਬਿੱਗ ਬੌਸ ਓਟੀਟੀ’ ਤੋਂ ‘ਬਿੱਗ ਬੌਸ 15’ ਦੀ ਪਹਿਲੀ ਪੁਸ਼ਟੀ ਕੀਤੀ ਪ੍ਰਤੀਯੋਗੀ ਬਣਨ ਤੱਕ, ਉਸ ਨੇ ਸੋਸ਼ਲ ਮੀਡੀਆ ‘ਤੇ ਬਹੁਤ ਵੱਡੀ ਫੈਨ-ਫਾਲੋਇੰਗ ਇਕੱਠੀ ਕੀਤੀ ਹੈ। ਫੈਨਜ਼ ਉਸ ਦੇ ਅਸਲ ਜੀਵਨ ਦੇ ਕਿਰਦਾਰ ਨੂੰ ਬਹੁਤ ਪਸੰਦ ਕਰਦੇ ਹਨ। ਇਨ੍ਹਾਂ ਦਿਨਾਂ ‘ਚ ਪ੍ਰਤੀਕ ਸਹਿਜਪਾਲ ਕਲਰਸ ਟੀਵੀ ‘ਤੇ ਪ੍ਰਸਾਰਿਤ ਹੋਣ ਵਾਲੇ ਸਟੰਟ ਬੇਸਡ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ 12’ ‘ਚ ਨਜ਼ਰ ਆ ਰਹੇ ਹਨ। ਪ੍ਰਤੀਕ ਸ਼ੋਅ ‘ਚ ਸਾਰੇ ਸਟੰਟ ਬਹੁਤ ਵਧੀਆ ਤਰੀਕੇ ਨਾਲ ਪੂਰੇ ਕਰਦੇ ਹਨ ਅਤੇ ਦਰਸ਼ਕ ਉਸ ਨੂੰ ਕਾਫੀ ਪਸੰਦ ਕਰਦੇ ਹਨ।
ਹਾਲਾਂਕਿ, ਤਾਜ਼ਾ ਰਿਪੋਰਟਾਂ ਦੱਸਦੀਆਂ ਹਨ ਕਿ ਸ਼ੋਅ ਵਿੱਚ ਪ੍ਰਤੀਕ ਸਹਿਜਪਾਲ ਦਾ ਸਫ਼ਰ ਖ਼ਤਮ ਹੋਣ ਜਾ ਰਿਹਾ ਹੈ। ਇਹ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਲਈ ਬਹੁਤ ਵੱਡਾ ਝਟਕਾ ਹੋਣ ਵਾਲਾ ਹੈ। ਰਿਪੋਰਟ ਮੁਤਾਬਕ ਪ੍ਰਤੀਕ ਸਹਿਜਪਾਲ ਨੂੰ ਆਉਣ ਵਾਲੇ ਐਪੀਸੋਡਸ ‘ਚ ਬੇਦਖਲ ਕਰ ਦਿੱਤਾ ਜਾਵੇਗਾ। ਜੇਕਰ ਇਹ ਖਬਰਾਂ ਸੱਚ ਹਨ, ਤਾਂ ਪ੍ਰਤੀਕ ਏਰਿਕਾ ਪੈਕਾਰਡ, ਅਨੇਰੀ ਵਜਾਨੀ ਅਤੇ ਸ਼ਿਵਾਂਗੀ ਜੋਸ਼ੀ ਤੋਂ ਬਾਅਦ ਚੌਥੇ ਪ੍ਰਤੀਯੋਗੀ ਹੋਣਗੇ, ਜੋ ਸ਼ੋਅ ਤੋਂ ਬਾਹਰ ਹੋ ਜਾਣਗੇ। ਖੈਰ, ਇਹ ਤਾਂ ਆਉਣ ਵਾਲੇ ਐਪੀਸੋਡਾਂ ਵਿੱਚ ਹੀ ਪਤਾ ਲੱਗੇਗਾ ਕਿ ਪ੍ਰਤੀਕ ਸ਼ੋਅ ਤੋਂ ਬਾਹਰ ਹੁੰਦਾ ਹੈ ਜਾਂ ਖ਼ਤਰਿਆਂ ਨਾਲ ਖੇਡ ਕੇ ਅੱਗੇ ਵਧਦਾ ਹੈ।
