ਅਗਸਤ ਮਹੀਨੇ ਵਿੱਚ ਇਸ ਹਫਤੇ ਯਾਨੀ ਕਿ 8 ਅਗਸਤ ਤੋਂ ਸ਼ੁਰੂ ਹੋਣ ਵਾਲੇ ਹਫ਼ਤੇ ਵਿੱਚ ਸਭ ਤੋਂ ਵੱਧ ਛੁੱਟੀਆਂ ਹੋਣਗੀਆਂ। 8 ਅਗਸਤ ਤੋਂ 15 ਅਗਸਤ ਤੱਕ ਬੈਂਕ ਪੰਜ ਦਿਨ ਬੰਦ ਰਹਿਣਗੇ। ਇਸ ਦਾ ਮਤਲਬ ਹੈ ਕਿ ਇਸ ਹਫ਼ਤੇ ਬੈਂਕਿੰਗ ਕੰਮਕਾਜ ਸਿਰਫ਼ ਤਿੰਨ ਦਿਨ ਹੀ ਚੱਲੇਗਾ। ਇਸ ਲਈ ਲੋਕਾਂ ਨੂੰ ਬੈਂਕ ਨਾਲ ਸੰਬੰਧਿਤ ਕੰਮਾਂ ਨੂੰ ਜਲਦੀ ਨਿਪਟਾਉਣਾ ਪਵੇਗਾ।
ਦੱਸ ਦਈਏ ਕਿ ਮੰਗਲਵਾਰ (9 ਅਗਸਤ) ਨੂੰ ਕਈ ਜਗ੍ਹਾ ਬੈਂਕ ‘ਚ ਮੁਹੱਰਮ ਦੀ ਛੁੱਟੀ ਹੋਵੇਗੀ। ਇਸ ਤੋਂ ਬਾਅਦ ਸ਼ੁੱਕਰਵਾਰ (12 ਅਗਸਤ) ਨੂੰ ਰੱਖੜੀ ਦੀ ਛੁੱਟੀ ਹੋਵੇਗੀ। ਕੁਝ ਥਾਵਾਂ ‘ਤੇ 11 ਅਗਸਤ ਨੂੰ ਰੱਖੜੀ ਦੀ ਛੁੱਟੀ ਵੀ ਹੋਵੇਗੀ। ਅਗਸਤ ਮਹੀਨੇ ਦਾ ਦੂਜਾ ਸ਼ਨੀਵਾਰ ਹੋਣ ਕਾਰਨ 13 ਅਗਸਤ ਨੂੰ ਬੈਂਕ ਬੰਦ ਰਹਿਣਗੇ। 14 ਅਗਸਤ ਨੂੰ ਐਤਵਾਰ ਹੋਣ ਕਾਰਨ ਬੈਂਕਾਂ ਵਿੱਚ ਛੁੱਟੀ ਰਹੇਗੀ। ਹਾਲਾਂਕਿ ਐਤਵਾਰ ਨੂੰ ਖੁੱਲ੍ਹਣ ਵਾਲੀਆਂ ਸ਼ਾਖਾਵਾਂ ਇਸ ਦਿਨ ਵੀ ਖੁੱਲ੍ਹੀਆਂ ਰਹਿਣਗੀਆਂ। ਅਗਲੇ ਦਿਨ 15 ਅਗਸਤ ਨੂੰ ਸੁਤੰਤਰਤਾ ਦਿਵਸ ਮੌਕੇ ਬੈਂਕਾਂ ਦੀਆਂ ਸ਼ਾਖਾਵਾਂ ਬੰਦ ਰਹਿਣਗੀਆਂ।