ਮਥੁਰਾ ਦੇ ਗੋਵਰਧਨ ‘ਚ ਅਸਮਾਨੀ ਬਿਜਲੀ ਕੁਝ ਲੋਕਾਂ ਲਈ ਆਫ਼ਤ ਬਣ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਭਾਰੀ ਮੀਂਹ ਤੋਂ ਬੱਚਣ ਲਈ ਦਰੱਖਤ ਹੇਠਾਂ ਬੈਠੀਆਂ ਔਰਤਾਂ ‘ਤੇ ਬਿਜਲੀ ਡਿੱਗ ਗਈ। ਇਸ ਘਟਨਾ ‘ਚ ਦੋ ਔਰਤਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਦੋ ਔਰਤਾਂ ਬੁਰੀ ਤਰ੍ਹਾਂ ਝੁਲਸ ਗਈਆਂ। ਜਿਨ੍ਹਾਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਹੈ।
ਪ੍ਰਾਪਤ ਜਾਣਕਾਰੀ ਮੁਤਾਬਿਕ ਐਤਵਾਰ ਨੂੰ ਮਹਿਮਦਪੁਰ ਦੇ ਖੇਤਾਂ ਚ ਦੁਪਹਿਰ ਬਾਅਦ ਜ਼ੋਰਦਾਰ ਮੀਂਹ ਸ਼ੁਰੂ ਹੋ ਗਿਆ। ਜਿਸ ਕਾਰਨ ਓਥੇ ਕੰਮ ਕਰ ਰਹੀਆਂ ਔਰਤਾਂ ਨਿੰਮ ਦੇ ਦਰਖਤ ਹੇਠਾਂ ਬੈਠ ਗਈਆਂ। ਇਸ ਦੌਰਾਨ ਅਸਮਾਨੀ ਬਿਜਲੀ ਔਰਤਾਂ ‘ਤੇ ਡਿੱਗ ਗਈ ਅਤੇ ਨੱਥੋ ਦੇਵੀ, ਮਾਇਆ ਦੇਵੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਜਦਕਿ ਜਸ਼ੋਦਾ ਅਤੇ ਰਾਜਨ ਬੁਰੀ ਤਰ੍ਹਾਂ ਝੁਲਸ ਗਈਆਂ।
ਉਕਤ ਘਟਨਾ ਦਾ ਪਤਾ ਲਗਦੇ ਹੀ ਕਿਸਾਨ ਪੱਪੂ ਵਾਸੀ ਜਮਨਾਵਤਾ ਨੇ ਐਂਬੂਲੈਂਸ ਨੂੰ ਫੋਨ ਕਰਕੇ ਪੁਲੀਸ ਨੂੰ ਸੂਚਿਤ ਕੀਤਾ। ਪੁਲਿਸ ਦੇ ਪਹੁੰਚਣ ਤੱਕ ਪਿੰਡ ਵਾਸੀ ਇੱਕ ਨਿੱਜੀ ਹਸਪਤਾਲ ਦੀ ਐਂਬੂਲੈਂਸ ਰਾਹੀਂ ਜ਼ਖ਼ਮੀਆਂ ਨੂੰ ਸੀਐਚਸੀ ਗੋਵਰਧਨ ਲੈ ਗਏ। ਜਿੱਥੇ ਡਾਕਟਰਾਂ ਨੇ ਨੱਥੋ ਦੇਵੀ, ਮਾਇਆ ਦੇਵੀ ਨੂੰ ਮ੍ਰਿਤਕ ਐਲਾਨ ਦਿੱਤਾ ਅਤੇ ਜਸ਼ੋਦਾ ਅਤੇ ਰਾਜਨ ਦਾ ਇਲਾਜ ਚੱਲ ਰਿਹਾ ਹੈ।