ਸਾਰੇਗਾਮਾਪਾ ਸ਼ੋਅ ਸਾਲਾਂ ਤੋਂ ਦਰਸ਼ਕਾਂ ਦੇ ਦਿਲਾਂ ‘ਚ ਛਾਇਆ ਹੋਇਆ ਹੈ। ਪਿਛਲੇ 8 ਸੀਜ਼ਨਾਂ ਦੀ ਸਫਲਤਾ ਨੂੰ ਦੇਖਦੇ ਹੋਏ, ਜ਼ੀ ਟੀਵੀ ਨੇ ਸਾਰੇਗਾਮਾਪਾ ਦੇ 9ਵੇਂ ਸੀਜ਼ਨ ਦੀ ਸ਼ੁਰੂਆਤ ਕਰਨ ਦਾ ਐਲਾਨ ਕੀਤਾ ਹੈ। ਮਿਊਜ਼ਿਕ ਮਾਸਟਰਾਂ ਨੂੰ ਸਾਰੇਗਾਮਾਪਾ ਵਰਗੇ ਰਿਐਲਿਟੀ ਸ਼ੋਅ ਰਾਹੀਂ ਚਮਕਣ ਦਾ ਸੁਨਹਿਰੀ ਮੌਕਾ ਮਿਲਦਾ ਹੈ, ਜੇਕਰ ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਕਾਮੇਡੀਅਨ ਭਾਰਤੀ ਸਿੰਘ ਸਾਰੇਗਾਮਾਪਾ ਦੇ ਇਸ ਨਵੇਂ ਸੀਜ਼ਨ ਨੂੰ ਹੋਸਟ ਕਰਨ ਜਾ ਰਹੀ ਹੈ। ਕਾਮੇਡੀਅਨ ਭਾਰਤੀ ਸਿੰਘ ਸਾਰੇਗਾਮਾਪਾ ਲਿਟਲ ਚੈਂਪਸ ਦੇ ਨੌਵੇਂ ਸੀਜ਼ਨ ਦੀ ਮੇਜ਼ਬਾਨੀ ਕਰੇਗੀ।
ਇਸ ਤੋਂ ਪਹਿਲਾਂ ਭਾਰਤੀ ਸਿੰਘ ਨੂੰ ਸਟਾਰ ਪਰਿਵਾਰ ਦੇ ਨਾਲ ਸਟਾਰ ਪਲੱਸ ਸ਼ੋਅ ਐਤਵਾਰ ਨੂੰ ਹੋਸਟ ਕਰਦੇ ਦੇਖਿਆ ਗਿਆ ਸੀ। ਇਸ ਤੋਂ ਇਲਾਵਾ ਉਹ ਹੁਨਰਬਾਜ਼ – ਦੇਸ਼ ਕੀ ਸ਼ਾਨ, ਦਿ ਖਤਰਾ ਖਤਰਾ ਸ਼ੋਅ, ਡਾਂਸ ਦੀਵਾਨੇ 3 ਵਰਗੇ ਸ਼ੋਅ ਹੋਸਟ ਕਰ ਚੁੱਕੀ ਹੈ। ਭਾਰਤੀ ਤੋਂ ਇਲਾਵਾ ਮਸ਼ਹੂਰ ਗਾਇਕ ਸ਼ੰਕਰ ਮਹਾਦੇਵਨ ਸ਼ੋਅ ‘ਚ ਲਿਟਲ ਚੈਂਪਸ ਨੂੰ ਜੱਜ ਕਰਦੇ ਨਜ਼ਰ ਆਉਣਗੇ। ਇਸ ਤੋਂ ਪਹਿਲਾਂ ਸ਼ੰਕਰ ਮਹਾਦੇਵਨ ਸਾਰੇਗਾਮਾਪਾ ਦੇ ਕਈ ਸੀਜ਼ਨ ਨੂੰ ਜੱਜ ਕਰ ਚੁੱਕੇ ਹਨ। ਪਰ ਸ਼ੰਕਰ ਮਹਾਦੇਵਨ ਪਹਿਲੀ ਵਾਰ ਸਾਰੇਗਾਮਾਪਾ ਲਿਟਲ ਚੈਂਪਸ ਦਾ ਹਿੱਸਾ ਬਣਨ ਜਾ ਰਹੇ ਹਨ।












