ਅਦਾਕਾਰਾ ਅਤੇ ਭਾਜਪਾ ਨੇਤਾ ਸੋਨਾਲੀ ਫੋਗਾਟ ਨਹੀਂ ਰਹੇ। ਖਬਰਾਂ ਮੁਤਾਬਕ ਸੋਨਾਲੀ ਆਪਣੀ ਟੀਮ ਨਾਲ ਗੋਆ ਗਈ ਸੀ, ਜਿੱਥੇ 22 ਅਗਸਤ ਦੀ ਰਾਤ ਨੂੰ ਉਸ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਉਸ ਦੀ ਮੌਤ ਹੋ ਗਈ। ਸਾਲ 2019 ‘ਚ ਟਿਕਟੋਕ ਤੋਂ ਸੁਰਖੀਆਂ ‘ਚ ਆਈ ਸੋਨਾਲੀ ਨੇ ਹਰਿਆਣਾ ਤੋਂ ਭਾਜਪਾ ਦੀ ਟਿਕਟ ‘ਤੇ ਚੋਣ ਲੜੀ ਸੀ। ਸੋਨਾਲੀ ਟਿਕਟੋਕ ਰਾਹੀਂ ਮਸ਼ਹੂਰ ਹੋਈ ਸੀ। ਸੋਨਾਲੀ ਨੇ ਹਿਸਾਰ ਜ਼ਿਲ੍ਹੇ ਦੀ ਆਦਮਪੁਰ ਵਿਧਾਨ ਸਭਾ ਸੀਟ ਤੋਂ ਹਰਿਆਣਾ ਵਿਧਾਨ ਸਭਾ ਚੋਣ ਲੜੀ ਸੀ ਪਰ ਉਹ ਚੋਣ ਹਾਰ ਗਈ ਸੀ। ਸੋਨਾਲੀ ਇਸ ਚੋਣ ਤੋਂ ਬਾਅਦ ਕਾਫੀ ਚਰਚਾ ’ਚ ਰਹੀ ਸੀ। ਇਸ ਤੋਂ ਬਾਅਦ ਸੋਨਾਲੀ ਨੇ ਬਿੱਗ ਬੌਸ ਵਿੱਚ ਵੀ ਹਿੱਸਾ ਲਿਆ। ਸ਼ੋਅ ਦੇ 14ਵੇਂ ਸੀਜ਼ਨ ‘ਚ ਸੋਨਾਲੀ ਨੇ ਵਾਈਲਡ ਕਾਰਡ ਰਾਹੀਂ ਐਂਟਰੀ ਲਈ ਸੀ।