ਗੋਆ ਹਵਾਈ ਅੱਡੇ ‘ਤੇ ਉਡਾਣ ਭਰਨ ਤੋਂ ਪਹਿਲਾਂ ਮੰਗਲਵਾਰ ਨੂੰ ਇੰਡੀਗੋ ਦੀ ਫਲਾਈਟ ਇਕ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਚ ਗਈ। ਗੋਆ ਹਵਾਈ ਅੱਡੇ ‘ਤੇ ਮੁੰਬਈ ਜਾ ਰਹੇ ਇੰਡੀਗੋ ਜਹਾਜ਼ ਦਾ ਸੱਜਾ ਇੰਜਣ ਰਨਵੇਅ ‘ਤੇ ਖਰਾਬ ਹੋ ਗਿਆ। ਜਲ ਸੈਨਾ ਦੇ ਬਚਾਅ ਦਲਾਂ ਦੀ ਮਦਦ ਨਾਲ ਯਾਤਰੀਆਂ ਨੂੰ ਜਹਾਜ਼ ਤੋਂ ਬਾਹਰ ਕੱਢਿਆ ਗਿਆ। ਇਹ ਜਾਣਕਾਰੀ ਏਅਰਪੋਰਟ ਡਾਇਰੈਕਟਰ ਨੇ ਸਾਂਝੀ ਕੀਤੀ ਹੈ।
ਜਾਣਕਾਰੀ ਮੁਤਾਬਿਕ ਇੰਡੀਗੋ ਏਅਰਬੱਸ (VT-IZR) ਜੋ ਕਿ ਏਅਰਕ੍ਰਾਫਟ ਨੰਬਰ 6E6097 ਦੇ ਰੂਪ ਵਿੱਚ ਗੋਆ ਤੋਂ ਮੁੰਬਈ ਲਈ ਉਡਾਣ ਭਰ ਰਿਹਾ ਸੀ, ਹਵਾਈ ਅੱਡੇ ‘ਤੇ ਤਕਨੀਕੀ ਖਰਾਬੀ ਕਾਰਨ ਟੇਕ ਆਫ ਨਹੀਂ ਕਰ ਸਕਿਆ। ਜਹਾਜ਼ ਦੇ ਪਾਇਲਟ ਨੂੰ ਰਨਵੇਅ ‘ਤੇ ਇੰਜਣ ਚ ਖਰਾਬੀ ਹੋਣ ਦੀ ਚੇਤਾਵਨੀ ਮਿਲੀ। ਜਲ ਸੈਨਾ ਦੇ ਬਚਾਅ ਦਲਾਂ ਦੀ ਮਦਦ ਨਾਲ ਜਹਾਜ਼ ਦੇ ਯਾਤਰੀਆਂ ਨੂੰ ਉਤਾਰ ਕੇ ਦੂਜੇ ਜਹਾਜ਼ ਰਾਹੀਂ ਮੁੰਬਈ ਭੇਜਣ ਦਾ ਪ੍ਰਬੰਧ ਕੀਤਾ ਗਿਆ। ਇੰਜਣ ਦੀ ਖਰਾਬੀ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।