ਭਾਰਤ ਵਿੱਚ ਲੋਕਾਂ ਨੂੰ ਪਰਸਨਲ ਲੋਨ ਪ੍ਰਦਾਨ ਕਰਨ ਵਾਲੀਆਂ 2000 ਐਪਸ ਨੂੰ ਬਲਾਕ ਕਰ ਦਿੱਤਾ ਗਿਆ ਹੈ। ਗੂਗਲ ਨੇ ਜਨਵਰੀ ਤੋਂ ਜੁਲਾਈ ਦੇ ਦੌਰਾਨ ਪਲੇ ਸਟੋਰ ਤੋਂ 2000 ਐਪਸ ਨੂੰ ਬਲੌਕ ਕੀਤਾ ਹੈ, ਕਿਉਂਕਿ ਉਹ ਗੂਗਲ ਦੀ ਪਾਲਿਸੀ ਦਾ ਪਾਲਣ ਨਹੀਂ ਕਰ ਰਹੇ ਸਨ। ਗੂਗਲ ਏਸ਼ੀਆ-ਪੈਸੀਫਿਕ ਦੇ ਸੀਨੀਅਰ ਡਾਇਰੈਕਟਰ ਅਤੇ ਟਰੱਸਟ ਐਂਡ ਸੇਫਟੀ ਦੇ ਮੁਖੀ ਸਾਈਕਤ ਮਿੱਤਰਾ ਨੇ ਕਿਹਾ ਕਿ 50 ਫੀਸਦੀ ਲੋਨ ਐਪਸ ਨੂੰ ਪਲੇ ਸਟੋਰ ਤੋਂ ਹਟਾ ਦਿੱਤਾ ਗਿਆ ਹੈ। ਗੂਗਲ ਏਸ਼ੀਆ-ਪੈਸੀਫਿਕ ਦੇ ਸੀਨੀਅਰ ਡਾਇਰੈਕਟਰ ਅਤੇ ਟਰੱਸਟ ਐਂਡ ਸੇਫਟੀ ਦੇ ਮੁਖੀ ਸੈਕਤ ਮਿੱਤਰਾ ਨੇ ਕਿਹਾ, “ਪਲੇ ਸਟੋਰ ਤੋਂ ਲੋਨ ਐਪਸ ਨੂੰ ਵੱਡੇ ਪੱਧਰ ‘ਤੇ ਹਟਾਇਆ ਗਿਆ ਹੈ। ਮੈਂ ਕਹਿ ਸਕਦਾ ਹਾਂ ਕਿ ਅਜਿਹੇ ਅੱਧੇ ਤੋਂ ਵੱਧ ਐਪਸ ਹੁਣ ਪਲੇ ਸਟੋਰ ‘ਤੇ ਉਪਲਬਧ ਨਹੀਂ ਹਨ।”
ਇਸ ਤੋਂ ਇਲਾਵਾ ਕੰਪਨੀ ਨੇ ਪਲੇ ਸਟੋਰ ‘ਤੇ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਲੋਕਾਂ ‘ਤੇ ਨਜ਼ਰ ਰੱਖਣ ਲਈ ਆਪਣਾ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਮਕੈਨਿਜਮ ਲਗਾਇਆ ਹੈ। ਉਨ੍ਹਾਂ ਤੋਂ ਸਾਹਮਣੇ ਆਈਆਂ ਗੱਲਾਂ ਦੇ ਆਧਾਰ ‘ਤੇ ਪਲੇ ਸਟੋਰ ਤੋਂ ਐਪਸ ਨੂੰ ਹਟਾ ਦਿੱਤਾ ਗਿਆ।
ਗੂਗਲ ਨੇ ਸਪੱਸ਼ਟ ਕੀਤਾ ਹੈ ਕਿ ਪਲੇ ਸਟੋਰ ‘ਤੇ ਬਲੌਕ ਕੀਤੀਆਂ ਗਈਆਂ ਐਪਸ ਬਾਰੇ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਇਹ ਬਹੁਤ ਜ਼ਿਆਦਾ ਵਿਆਜ ਦਰਾਂ, ਉੱਚ ਪ੍ਰੋਸੈਸਿੰਗ ਫੀਸਾਂ ਅਤੇ ਅਪਮਾਨਜਨਕ ਸ਼ਰਤਾਂ ਨਾਲ ਲੋਨ ਪ੍ਰਦਾਨ ਕਰਦੀਆਂ ਸਨ। ਇਨ੍ਹਾਂ ਨੂੰ ਹਟਾਉਣ ਲਈ ਕੰਪਨੀ ਦੇ ਆਪਣੇ ਮਾਪਦੰਡ ਹਨ। ਸੈਕਤ ਮਿੱਤਰਾ ਨੇ ਦਾਅਵਾ ਕੀਤਾ ਕਿ ਬਲਾਕ ਕੀਤੀਆਂ ਐਪਸ ਭਾਰਤੀ ਉਪਭੋਗਤਾਵਾਂ ਨੂੰ ਨਿਸ਼ਾਨਾ ਬਣਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਅਜਿਹੇ ਐਪਸ ਨੂੰ ਸੂਚੀਬੱਧ ਹੋਣ ਤੋਂ ਰੋਕਣ ਲਈ ਕੰਪਨੀ ਆਪਣੀ ਪਲੇ ਸਟੋਰ ਨੀਤੀ ਵਿੱਚ ਬਦਲਾਅ ਕਰੇਗੀ।