ਐਪਲ ਦਾ ‘ਫਾਰ ਆਉਟ’ ਲਾਂਚ ਈਵੈਂਟ ਅੱਜ ਯਾਨੀ 7 ਸਤੰਬਰ ਦੀ ਰਾਤ ਨੂੰ ਹੋਣ ਜਾ ਰਿਹਾ ਹੈ। ਐਪਲ ਦਾ ਇਹ ਇਵੈਂਟ ਅੱਜ ਰਾਤ 10:30 ਵਜੇ ਸ਼ੁਰੂ ਹੋਵੇਗਾ, ਜਿਸ ਨੂੰ ਐਪਲ ਦੇ ਯੂਟਿਊਬ ਚੈਨਲ ਅਤੇ ਵੈੱਬਸਾਈਟ ‘ਤੇ ਦੇਖਿਆ ਜਾ ਸਕੇਗਾ। ਐਪਲ ਨੇ ਪਿਛਲੇ ਮਹੀਨੇ ਹੀ ਇਸ ਈਵੈਂਟ ਲਈ ਮੀਡੀਆ ਇਨਵਾਈਟ ਭੇਜਿਆ ਸੀ। ਐਪਲ ਦੇ ਇਸ ਈਵੈਂਟ ‘ਚ iPhone 14 ਸੀਰੀਜ਼ ਲਾਂਚ ਹੋਣ ਜਾ ਰਹੀ ਹੈ, ਜਿਸ ਦੇ ਤਹਿਤ iPhone 14, iPhone 14 Pro, iPhone 14 Max ਅਤੇ iPhone 14 Pro Max ਨੂੰ ਲਾਂਚ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ ਇਸ ਈਵੈਂਟ ‘ਚ Apple Watch Series 8, Watch Pro ਅਤੇ AirPods Pro 2 ਵੀ ਲਾਂਚ ਹੋਣ ਜਾ ਰਹੇ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਐਪਲ ਵਾਚ ਸੀਰੀਜ਼ 8 ਨੂੰ ਨਵੇਂ ਲਾਲ ਰੰਗ ‘ਚ ਪੇਸ਼ ਕੀਤਾ ਜਾਵੇਗਾ। Apple Watch Series 8 ਨੂੰ ਦੋ ਆਕਾਰ 41mm ਅਤੇ 45mm ਵਿੱਚ ਲਾਂਚ ਕੀਤਾ ਜਾਵੇਗਾ। ਕਿਹਾ ਜਾ ਰਿਹਾ ਹੈ ਕਿ ਨਵੀਂ ਘੜੀ ‘ਚ ਬੁਖਾਰ ਦਾ ਪਤਾ ਲਗਾਉਣ ਦੀ ਸੁਵਿਧਾ ਵੀ ਮਿਲੇਗੀ। ਐਪਲ ਵਾਚ ਪ੍ਰੋ ਨੂੰ ਸੈਟੇਲਾਈਟ ਕਨੈਕਟੀਵਿਟੀ ਨਾਲ ਵੀ ਲਾਂਚ ਕੀਤਾ ਜਾ ਸਕਦਾ ਹੈ।
ਆਈਫੋਨ 14 ਸੀਰੀਜ਼ ਦੀ ਸੰਭਾਵਿਤ ਕੀਮਤ
iPhone 14 ਦੀ ਸੰਭਾਵਿਤ ਕੀਮਤ $799 (ਲਗਭਗ 64,000 ਰੁਪਏ) ਤੋਂ ਸ਼ੁਰੂ ਹੋਣ ਦੀ ਉਮੀਦ ਹੈ। ਜਦ ਕਿ iPhone 14 Pro ਅਤੇ iPhone 14 Pro Max ਦੀ ਕੀਮਤ ਪਿਛਲੇ ਸਾਲ ਦੇ iPhone 13 Pro ਅਤੇ iPhone 13 Pro Max ਦੇ ਮੁਕਾਬਲੇ $100 (ਲਗਭਗ 8,000 ਰੁਪਏ) ਵੱਧ ਸਕਦੀ ਹੈ।