ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ-2 ਦੀ ਮੌਤ ‘ਤੇ ਅੱਜ ਭਾਰਤ ‘ਚ ਰਾਸ਼ਟਰੀ ਸੋਗ ਦਾ ਐਲਾਨ ਕੀਤਾ ਗਿਆ ਹੈ। ਇਸ ਦੇ ਮੱਦੇਨਜ਼ਰ ਲਾਲ ਕਿਲੇ ਅਤੇ ਰਾਸ਼ਟਰਪਤੀ ਭਵਨ ‘ਤੇ ਰਾਸ਼ਟਰੀ ਝੰਡਾ ਅੱਧਾ ਝੁਕਾਇਆ ਗਿਆ। ਦੂਜੇ ਪਾਸੇ ਸਾਰਾ ਦਿਨ ਸਾਰੀਆਂ ਸਰਕਾਰੀ ਅਤੇ ਰਾਸ਼ਟਰੀ ਇਮਾਰਤਾਂ ‘ਤੇ ਤਿਰੰਗਾ ਅੱਧਾ ਝੁਕਿਆ ਰਹੇਗਾ। ਨਾਲ ਹੀ ਕੋਈ ਅਧਿਕਾਰਤ ਮਨੋਰੰਜਨ ਪ੍ਰੋਗਰਾਮ ਵੀ ਆਯੋਜਿਤ ਨਹੀਂ ਕੀਤਾ ਜਾਵੇਗਾ। ਦੱਸ ਦੇਈਏ ਕਿ ਸਭ ਤੋਂ ਲੰਬੇ ਸਮੇਂ ਤੱਕਬ੍ਰਿਟੇਨ ਦੀ ਮਹਾਰਾਣੀ ਰਹਿਣ ਵਾਲੀ ਐਲਿਜ਼ਾਬੈਥ-2 ਦਾ ਵੀਰਵਾਰ ਨੂੰ 96 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਜਿਸ ਤੋਂ ਬਾਅਦ ਬੀਤੇ ਦਿਨ ਚਾਰਲਸ III ਨੇ ਰਸਮੀ ਤੌਰ ‘ਤੇ ਬਰਤਾਨੀਆ ਦੇ ਨਵੇਂ ਸਮਰਾਟ ਵਜੋਂ ਅਹੁਦਾ ਸੰਭਾਲ ਲਿਆ ਹੈ।
ਕਿੰਗ ਚਾਰਲਸ ਆਪਣੀ ਮਾਂ ਨੂੰ ਆਖਰੀ ਸੰਦੇਸ਼ ਦਿੰਦੇ ਹੋਏ ਬਹੁਤ ਭਾਵੁਕ ਨਜ਼ਰ ਆਏ। ਉਨ੍ਹਾਂ ਕਿਹਾ- ਮੇਰੀ ਪਿਆਰੀ ਮਾਂ ਮੇਰੇ ਅਤੇ ਪਰਿਵਾਰ ਲਈ ਪ੍ਰੇਰਨਾ ਸਰੋਤ ਸੀ। 1947 ਵਿੱਚ, ਮੇਰੀ ਮਾਂ ਨੇ ਆਪਣੇ 21ਵੇਂ ਜਨਮਦਿਨ ‘ਤੇ ਸਹੁੰ ਖਾਧੀ। ਉਹ ਸਾਰੀ ਉਮਰ ਲੋਕਾਂ ਦੀ ਸੇਵਾ ਹੀ ਕਰਨਾ ਚਾਹੁੰਦੀ ਸੀ। ਇਹ ਇੱਕ ਵਾਅਦੇ ਤੋਂ ਵੱਧ ਸੀ, ਲੋਕਾਂ ਨਾਲ ਕੀਤਾ ਇਹ ਇੱਕ ਵਾਅਦਾ ਉਨ੍ਹਾਂ ਨੇ ਸਾਰੀ ਉਮਰ ਨਿਭਾਇਆ।