WhatsApp ਇੱਕ ਅਜਿਹੇ ਫ਼ੀਚਰ ‘ਤੇ ਕੰਮ ਕਰ ਰਿਹਾ ਹੈ ਜੋ ਐਂਡਰਾਇਡ ਉਪਭੋਗਤਾਵਾਂ ਨੂੰ ਗੂਗਲ ਡਰਾਈਵ ਤੋਂ ਆਪਣੇ ਚੈਟ ਬੈਕਅੱਪ ਨੂੰ ਔਫਲਾਈਨ ਨਿਰਯਾਤ ਅਤੇ ਆਯਾਤ ਕਰਨ ਦੀ ਇਜਾਜ਼ਤ ਦੇਵੇਗਾ। ਪਹਿਲਾਂ ਵਟਸਐਪ ਚੈਟ ਦਾ ਬੈਕਅੱਪ ਸਿਰਫ WhatsApp ਦੇ ਸਰਵਰ ‘ਤੇ ਲਿਆ ਜਾਂਦਾ ਸੀ, ਜਿਸ ਨੂੰ ਬਾਅਦ ‘ਚ ਗੂਗਲ ਡਰਾਈਵ ਨਾਲ ਲਿੰਕ ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਖਬਰ ਹੈ ਕਿ ਵਟਸਐਪ ਚੈਟ ਬੈਕਅਪ ਲਈ ਲੋਕਲ ਡਰਾਈਵ ਦੀ ਸਹੂਲਤ ਦੇਣ ਦੀ ਤਿਆਰੀ ਕਰ ਰਿਹਾ ਹੈ।
ਰਿਪੋਰਟ ਮੁਤਾਬਕ ਵਟਸਐਪ ਯੂਜ਼ਰ ਗੂਗਲ ਡਰਾਈਵ ਤੋਂ ਆਪਣੀ ਚੈਟ ਦਾ ਬੈਕਅੱਪ ਲੈ ਕੇ ਪੈਨ ਡਰਾਈਵ ਜਾਂ ਲੈਪਟਾਪ ‘ਤੇ ਸੇਵ ਕਰ ਸਕਣਗੇ। WABetaInfo ਨੇ WhatsApp ਦੇ ਇਸ ਆਉਣ ਵਾਲੇ ਫੀਚਰ ਬਾਰੇ ਜਾਣਕਾਰੀ ਦਿੱਤੀ ਹੈ। ਇਸ ਬੈਕਅੱਪ ਵਿੱਚ ਫੋਟੋਆਂ, ਵੀਡੀਓ, ਹੋਰ ਫਾਈਲਾਂ ਦੇ ਨਾਲ-ਨਾਲ ਟੈਕਸਟ ਮੈਸਿਜ ਸ਼ਾਮਲ ਹੋਣਗੇ।
