ਏਸ਼ੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਗੌਤਮ ਅਡਾਨੀ ਹੁਣ ACC ਅਤੇ ਅੰਬੂਜਾ ਤੋਂ ਬਾਅਦ ਇੱਕ ਹੋਰ ਵੱਡੀ ਸੀਮੈਂਟ ਕੰਪਨੀ ਖਰੀਦਣ ਦੀ ਤਿਆਰੀ ਕਰ ਰਹੇ ਹਨ। ਹੁਣ ਖ਼ਬਰਾਂ ਆ ਰਹੀਆਂ ਹਨ ਕਿ ਅੰਬੂਜਾ ਅਤੇ ACC ਤੋਂ ਬਾਅਦ, ਅਡਾਨੀ ਗਰੁੱਪ ਆਉਣ ਵਾਲੇ ਦਿਨਾਂ ‘ਚ ਜਲਦ ਹੀ ਕਰਜ਼ੇ ‘ਚ ਡੁੱਬੀ ਕੰਪਨੀ ਜੈ ਪ੍ਰਕਾਸ਼ ਪਾਵਰ ਵੈਂਚਰਸ ਲਿਮਟਿਡ ਨੂੰ ਖਰੀਦ ਸਕਦਾ ਹੈ। ਇੰਨਾ ਹੀ ਨਹੀਂ ਹੁਣ ਤੱਕ ਮਿਲੀ ਜਾਣਕਾਰੀ ਮੁਤਾਬਕ ਦੋਵਾਂ ਕੰਪਨੀਆਂ ਵਿਚਾਲੇ ਡੀਲ ਵੀ ਸ਼ੁਰੂ ਹੋ ਚੁੱਕੀ ਹੈ। ਹਾਲਾਂਕਿ ਇਸ ਪੂਰੇ ਮਾਮਲੇ ‘ਤੇ ਅਜੇ ਤੱਕ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।
ਜੈਪ੍ਰਕਾਸ਼ ਸੀਮਿੰਟ ਯੂਨਿਟ ਨਾਲ ਸੌਦਾ ਸੀਮਿੰਟ ਸੈਕਟਰ ਵਿੱਚ ਅਡਾਨੀ ਗਰੁੱਪ ਨੂੰ ਹੋਰ ਮਜ਼ਬੂਤ ​​ਕਰਨ ਵਿੱਚ ਮਦਦ ਕਰੇਗਾ। ਇਸ ਤੋਂ ਪਹਿਲਾਂ 16 ਸਤੰਬਰ ਨੂੰ ਅਡਾਨੀ ਨੇ ਅੰਬੂਜਾ ਅਤੇ ਏ.ਸੀ.ਸੀ. ਦਾ ਐਕਵਾਇਰ ਪੂਰਾ ਕਰ ਲਿਆ ਸੀ। ਇਹ ਸੌਦਾ ਦੇਸ਼ ਦੇ ਬੁਨਿਆਦੀ ਢਾਂਚੇ ਦੇ ਖੇਤਰ ਵਿੱਚ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸੌਦਾ ਹੈ। ਇਸ ਸੌਦੇ ਦੇ ਪੂਰਾ ਹੋਣ ਤੋਂ ਬਾਅਦ, ਅਡਾਨੀ ਨੂੰ ਅੰਬੂਜਾ ਸੀਮੈਂਟਸ ਵਿੱਚ 63.15 ਪ੍ਰਤੀਸ਼ਤ ਅਤੇ ਏਸੀਸੀ ਵਿੱਚ 56.69 ਪ੍ਰਤੀਸ਼ਤ ਹਿੱਸੇਦਾਰੀ ਮਿਲੀ।