ਭਾਰਤੀ ਕੰਪੀਟੀਸ਼ਨ ਕਮਿਸ਼ਨ (ਸੀਸੀਆਈ) ਨੇ ਬੀਤੇ ਦਿਨੀ ਗੂਗਲ ‘ਤੇ 1337.76 ਕਰੋੜ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਸੀਸੀਆਈ ਨੇ ਗੂਗਲ ਨੂੰ ਅਨੁਚਿਤ ਕਾਰੋਬਾਰੀ ਅਭਿਆਸ ਨੂੰ ਰੋਕਣ ਦਾ ਆਦੇਸ਼ ਵੀ ਦਿੱਤਾ ਹੈ। ਨਾਲ ਹੀ ਕਿਹਾ ਕਿ ਗੂਗਲ ਆਪਣੀ ਸੇਵਾ ਨੂੰ ਜਲਦੀ ਤੋਂ ਜਲਦੀ ਅਪਡੇਟ ਕਰੇ। ਗੂਗਲ ਦੇ ਖਿਲਾਫ ਸੀਸੀਆਈ ਦੀ ਜਾਂਚ ਪਿਛਲੇ ਦੋ ਸਾਲਾਂ ਤੋਂ ਚੱਲ ਰਹੀ ਸੀ। ਜਾਂਚ ਕਮੇਟੀ ਨੇ ਗੂਗਲ ‘ਤੇ ਮੁਕਾਬਲੇਬਾਜ਼ੀ ਵਿਰੋਧੀ ਅਭਿਆਸਾਂ, ਅਨੁਚਿਤ ਕਾਰੋਬਾਰ ਕਰਨ ਅਤੇ ਮੋਬਾਈਲ ਆਪਰੇਟਿੰਗ ਸਿਸਟਮ ਨਾਲ ਛੇੜਛਾੜ ਕਰਨ ਦਾ ਵੀ ਦੋਸ਼ ਲਗਾਇਆ ਸੀ। ਦੋ ਸਾਲਾਂ ਦੀ ਜਾਂਚ ਵਿੱਚ ਸੀਸੀਆਈ ਨੇ ਗੂਗਲ ਇੰਡੀਆ ਨੂੰ ਮਾਰਕੀਟ ਵਿੱਚ ਇੱਕਤਰਫਾ ਦਬਦਬਾ ਬਣਾਉਣ ਲਈ ਦੋਸ਼ੀ ਪਾਇਆ।
ਸੀਸੀਆਈ ਨੇ ਦੋਸ਼ ਲਾਇਆ ਕਿ ਗੂਗਲ ਮੋਬਾਈਲ ਫੋਨ ਅਤੇ ਐਪ ਨਿਰਮਾਤਾਵਾਂ ‘ਤੇ ਇਕਪਾਸੜ ਸਮਝੌਤੇ ਲਈ ਦਬਾਅ ਪਾਉਂਦਾ ਸੀ। ਇਸ ਨਾਲ ਗੂਗਲ ਦੇ ਐਪਸ ਕਿਸੇ ਵੀ ਨਵੇਂ ਮੋਬਾਈਲ ‘ਚ ਪਹਿਲਾਂ ਤੋਂ ਹੀ ਇੰਸਟਾਲ ਹੁੰਦੇ ਹਨ। ਉਹਨਾਂ ਨੂੰ ਅਨ-ਇੰਸਟੌਲ ਵੀ ਨਹੀਂ ਕੀਤਾ ਜਾ ਸਕਦਾ। ਇਸ ਨਾਲ ਯੂਜ਼ਰਜ਼ ਨੂੰ ਮਜਬੂਰੀ ‘ਚ ਗੂਗਲ ਐਪਸ ਦੀ ਵਰਤੋਂ ਕਰਨ ਲਈ ਮਜਬੂਰ ਕੀਤਾ ਜਾਂਦਾ ਹੈ। ਇਸ ਕਾਰਨ ਗੂਗਲ ਐਪਸ ਦੀ ਵਰਤੋਂ ਦਾ ਸਮਾਂ ਵਧ ਗਿਆ ਅਤੇ ਬਾਕੀ ਐਪਸ ਘਾਟਾ ਪਹੁੰਚ ਰਿਹਾ ਹੈ।