ਮਾਰੂਤੀ ਸੁਜ਼ੂਕੀ ਇੰਡੀਆ ਲਿਮਟਿਡ ਆਪਣੇ ਤਿੰਨ ਮਾਡਲ ਵੈਗਨ ਆਰ, ਸੇਲੇਰੀਓ ਅਤੇ ਇਗਨਿਸ ਦੀਆਂ 9,925 ਯੂਨਿਟਾਂ ਵਾਪਸ ਮੰਗਵਾ ਰਹੀ ਹੈ। ਇਸ ਦਾ ਕਾਰਨ ਰੀਅਰ ਬ੍ਰੇਕ ਅਸੈਂਬਲੀ ਪਿੰਨ ਵਿੱਚ ਨੁਕਸ ਹੈ। ਇਨ੍ਹਾਂ ਵਾਹਨਾਂ ਦਾ ਨਿਰਮਾਣ 3 ਅਗਸਤ ਤੋਂ 1 ਸਤੰਬਰ 2022 ਦਰਮਿਆਨ ਕੀਤਾ ਗਿਆ ਸੀ। ਪੁਰਜ਼ਿਆਂ ਨੂੰ ਬਦਲਣ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ ਅਤੇ ਅਧਿਕਾਰਤ ਵਰਕਸ਼ਾਪ ਇਸਦੇ ਲਈ ਗਾਹਕਾਂ ਨਾਲ ਸੰਪਰਕ ਕਰੇਗੀ।
ਮਾਰੂਤੀ ਨੇ ਬੀਐਸਈ ਫਾਈਲਿੰਗ ਵਿੱਚ ਕਿਹਾ, “ਰੀਅਰ ਬ੍ਰੇਕ ਅਸੈਂਬਲੀ ਪਿੰਨ ਵਿੱਚ ਇੱਕ ਨੁਕਸ ਹੋ ਸਕਦਾ ਹੈ, ਜੋ ਟੁੱਟ ਸਕਦਾ ਹੈ ਅਤੇ ਇੱਕ ਅਜੀਬ ਸ਼ੋਰ ਪੈਦਾ ਕਰ ਸਕਦਾ ਹੈ।” ਲੰਬੇ ਸਮੇਂ ਵਿੱਚ ਬ੍ਰੇਕ ਦੀ ਕਾਰਗੁਜ਼ਾਰੀ ਵੀ ਪ੍ਰਭਾਵਿਤ ਹੋ ਸਕਦੀ ਹੈ। ਗਾਹਕਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅਤੇ ਸਾਵਧਾਨੀ ਦੇ ਤੌਰ ‘ਤੇ ਸ਼ੱਕੀ ਵਾਹਨਾਂ ਦੀ ਜਾਂਚ ਅਤੇ ਖਰਾਬ ਪੁਰਜ਼ਿਆਂ ਨੂੰ ਬਦਲਣ ਲਈ ਵਾਪਸ ਬੁਲਾਉਣ ਦਾ ਫੈਸਲਾ ਕੀਤਾ ਗਿਆ ਹੈ।
ਪਿਛਲੇ ਸਾਲ ਵੀ ਮਾਰੂਤੀ ਸੁਜ਼ੂਕੀ ਨੇ ਭਾਰਤੀ ਬਾਜ਼ਾਰ ‘ਚ ਵਿਕੀਆਂ 1,81,754 ਕਾਰਾਂ ਵਾਪਸ ਮੰਗਵਾਈਆਂ ਸਨ। ਇਹ ਕਾਰਾਂ 4 ਮਈ 2018 ਤੋਂ 27 ਅਕਤੂਬਰ 2020 ਦਰਮਿਆਨ ਤਿਆਰ ਕੀਤੀਆਂ ਗਈਆਂ ਸਨ। ਕੰਪਨੀ ਦਾ ਕਹਿਣਾ ਹੈ ਕਿ ਇਨ੍ਹਾਂ ਕਾਰਾਂ ਦੇ ਸੇਫਟੀ ਫੀਚਰਸ ‘ਚ ਕੁਝ ਖਰਾਬੀ ਹੋ ਸਕਦੀ ਹੈ। ਇਸ ਸੂਚੀ ਵਿੱਚ Ciaz, S-Cross, Vitara Brezza, 7 ਸੀਟਰ Ertiga ਅਤੇ XL6 ਸ਼ਾਮਲ ਹਨ।