ਟੀਵੀ ਦਾ ਮਸ਼ਹੂਰ ਰਿਐਲਿਟੀ ਸ਼ੋਅ ਬਿੱਗ ਬੌਸ ਸੀਜ਼ਨ 16 ਇਨ੍ਹੀਂ ਦਿਨੀਂ ਸੁਰਖੀਆਂ ਵਿੱਚ ਹੈ। ਜਦੋਂ ਤੋਂ ਬਿੱਗ ਬੌਸ ਦੇ ਘਰ ‘ਚ ਬਿੱਗ ਬੌਸ ਮੁਕਾਬਲੇਬਾਜ਼ ਅਤੇ ਨਿਰਦੇਸ਼ਕ ਸਾਜਿਦ ਖਾਨ ਦੀ ਐਂਟਰੀ ਹੋਈ ਹੈ, ਉਦੋਂ ਤੋਂ ਹੀ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਨੂੰ ਸ਼ੋਅ ਤੋਂ ਬਾਹਰ ਕਰਨ ਦੀ ਮੰਗ ਉੱਠ ਰਹੀ ਹੈ। ਸ਼ੋਅ ‘ਚ ਉਨ੍ਹਾਂ ਨੂੰ ਪ੍ਰਤੀਯੋਗੀ ਦੇ ਰੂਪ ‘ਚ ਦੇਖ ਕੇ ਹਰ ਕੋਈ ਹੈਰਾਨ ਹੈ ਕਿਉਂਕਿ MeToo ਦੌਰਾਨ 10 ਔਰਤਾਂ ਨੇ ਸਾਜਿਦ ਖਾਨ ‘ਤੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਗਾਇਆ ਸੀ। ਇਸ ਦੇ ਨਾਲ ਹੀ ਦੋਸ਼ ਲਗਾਉਣ ਵਾਲੀਆਂ ਔਰਤਾਂ ‘ਚੋਂ ਇਕ ਅਭਿਨੇਤਰੀ ਅਤੇ ਮਾਡਲ ਸ਼ਰਲਿਨ ਚੋਪੜਾ ਦਾ ਨਾਂ ਵੀ ਹੈ, ਜੋ ਬਿੱਗ ਬੌਸ ‘ਚ ਸਾਜਿਦ ਨੂੰ ਦੇਖ ਕੇ ਗੁੱਸੇ ‘ਚ ਆ ਗਈ । ਹਾਲ ਹੀ ‘ਚ ਸ਼ਰਲਿਨ ਇਸ ਨੂੰ ਲੈ ਕੇ ਪੁਲਸ ਸਟੇਸ਼ਨ ਪਹੁੰਚੀ ਅਤੇ ਸਾਜਿਦ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਬਿੱਗ ਬੌਸ ਮੇਕਰਸ ਅਤੇ ਸਲਮਾਨ ਖਾਨ ‘ਤੇ ਗੁੱਸਾ ਕੱਢਿਆ ਪਰ ਨਾਲ ਹੀ ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਨੂੰ ਪੱਤਰ ਲਿਖ ਕੇ ਸਾਜਿਦ ਨੂੰ ਸ਼ੋਅ ਤੋਂ ਬਾਹਰ ਕਰਨ ਦੀ ਮੰਗ ਕੀਤੀ। ਇਸ ਦੇ ਨਾਲ ਹੀ ਇਸ ਸਬੰਧੀ ਡਰਾਮਾ ਕੁਈਨ ਰਾਖੀ ਸਾਵੰਤ ਦਾ ਬਿਆਨ ਸਾਹਮਣੇ ਆਇਆ ਹੈ। ਰਾਖੀ ਸਾਵੰਤ ਦਾ ਵਾਇਰਲ ਵੀਡੀਓ ਇੰਸਟਾਗ੍ਰਾਮ ‘ਤੇ ਇਕ ਪਾਪਰਾਜ਼ੀ ਅਕਾਊਂਟ ਨੇ ਸ਼ੇਅਰ ਕੀਤਾ ਹੈ, ਜਿਸ ‘ਚ ਉਹ ਮੀਡੀਆ ਨਾਲ ਗੱਲ ਕਰਦੇ ਹੋਏ ਸ਼ਰਲਿਨ ਚੋਪੜਾ ਦੇ ਦੋਸ਼ਾਂ ‘ਤੇ ਖੁੱਲ੍ਹ ਕੇ ਆਪਣੀ ਰਾਏ ਜ਼ਾਹਰ ਕਰਦੀ ਨਜ਼ਰ ਆ ਰਹੀ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਜਦੋਂ ਪਾਪਰਾਜ਼ੀ ਨੇ ਰਾਖੀ ਤੋਂ ਪੁੱਛਿਆ ਕਿ ਸ਼ਰਲਿਨ ਚੋਪੜਾ ਨੇ ਸਾਜਿਦ ਖਾਨ ਖਿਲਾਫ ਪੁਲਸ ਸ਼ਿਕਾਇਤ ਦਰਜ ਕਰਵਾਈ ਹੈ ਤਾਂ ਉਸ ਦਾ ਇਸ ‘ਤੇ ਕੀ ਕਹਿਣਾ ਸੀ?
ਪਾਪਰਾਜ਼ੀ ਦਾ ਸਵਾਲ ਸੁਣ ਕੇ ਸ਼ਰਲਿਨ ਚੋਪੜਾ ਦੇ ਰੋਣ ਦੀ ਨਕਲ ਕਰਦੇ ਹੋਏ ਰਾਖੀ ਸਾਵੰਤ ਕਹਿੰਦੀ ਹੈ ਕਿ ‘ਮੈਨੂੰ ਥਾਣੇ ‘ਚ ਕਿਸੇ ਨੇ ਨਹੀਂ ਪੁੱਛਿਆ। ਸਾਜਿਦ ਖਾਨ ਬਹੁਤ ਦੋਸ਼ੀ ਹੈ, ਪਰ ਇਕ ਵੀ ਪੁਲਸ ਵਾਲਾ ਕੇਸ ਨਹੀਂ ਲੈ ਰਿਹਾ।” ਜਿਵੇਂ ਹੀ ਰਾਖੀ ਨੇ ਇਹ ਕਿਹਾ, ਉਹ ਆਪਣੇ ਅੰਦਾਜ਼ ‘ਚ ਪਰਤ ਆਈ ਅਤੇ ਸ਼ਰਲਿਨ ‘ਤੇ ਗੁੱਸੇ ‘ਚ ਆ ਕੇ ਕਹਿੰਦੀ ਹੈ, ‘ਕਿਉਂ ਲੇਗਾ ਕੇਸ ਪੁਲਸ ਵਾਲਾ? ਜਦੋਂ ਸਾਜਿਦ ਦੋਸ਼ੀ ਹੀ ਨਹੀਂ ਹੈ। ਜਦੋਂ ਕਿ ਉਸ ਦੇ ਖਿਲਾਫ ਥਾਣੇ ‘ਚ ਕੋਈ ਨਹੀਂ ਆਇਆ। ਉਸ ਦੇ ਵਿਰੁੱਧ ਕਿਸੇ ਨੇ ਗਵਾਹੀ ਨਹੀਂ ਦਿੱਤੀ।
