ਮਦਰ ਡੇਅਰੀ ਵੱਲੋਂ ਦੁੱਧ ਦੀਆਂ ਕੀਮਤਾਂ ਵਧਾਉਣ ਤੋਂ ਬਾਅਦ ਹੁਣ ਕਰਨਾਟਕ ਮਿਲਕ ਫੈਡਰੇਸ਼ਨ (ਕੇ. ਐੱਮ. ਐੱਫ.) ਨੇ ਨੰਦਿਨੀ ਬ੍ਰਾਂਡ ਦੇ ਦੁੱਧ (ਪ੍ਰਤੀ ਲੀਟਰ) ਅਤੇ ਦਹੀ (ਪ੍ਰਤੀ ਕਿਲੋ) ਦੀਆਂ ਕੀਮਤਾਂ ਵਿੱਚ 2 ਰੁਪਏ ਦੇ ਵਾਧੇ ਦਾ ਐਲਾਨ ਕੀਤਾ ਹੈ। ਨਵੀਂਆਂ ਕੀਮਤਾਂ ਵੀਰਵਾਰ ਤੋਂ ਲਾਗੂ ਹੋ ਗਈਆਂ ਹਨ। ਕੇਐਮਐਫ ਦੇ ਮੈਨੇਜਿੰਗ ਡਾਇਰੈਕਟਰ ਵੱਲੋਂ ਜਾਰੀ ਬਿਆਨ ਵਿੱਚ ਦੱਸਿਆ ਗਿਆ ਕਿ ਦੁੱਧ ਦੀਆਂ 9 ਕਿਸਮਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਗਿਆ ਹੈ, ਜਿਸ ਵਿੱਚ ਸਪੈਸ਼ਲ ਮਿਲਕ, ਸ਼ੁਭਮ, ਸਮ੍ਰਿਧੀ ਅਤੇ ਸੰਤ੍ਰਿਪਤ ਅਤੇ ਦਹੀ ਸ਼ਾਮਲ ਹਨ।
ਮੈਨੇਜਿੰਗ ਡਾਇਰੈਕਟਰ ਨੇ ਦੱਸਿਆ ਕਿ ਡਬਲ ਟੌਨ ਦੁੱਧ ਦੀ ਕੀਮਤ ਹੁਣ 38 ਰੁਪਏ, ਹੋਮੋਜੀਨਾਈਜ਼ਡ ਟੋਂਡ ਦੁੱਧ 40 ਰੁਪਏ, ਹੋਮੋਜੀਨਾਈਜ਼ਡ ਗਾਂ ਦਾ ਦੁੱਧ 44 ਰੁਪਏ, ਸਪੈਸ਼ਲ ਦੁੱਧ 45 ਰੁਪਏ, ਸ਼ੁਭਮ ਦੁੱਧ 45 ਰੁਪਏ, ਸਮ੍ਰਿਧੀ ਦੁੱਧ 50 ਰੁਪਏ ਅਤੇ ਸੰਤ੍ਰਿਪਤ ਦੁੱਧ 52 ਰੁਪਏ ਪ੍ਰਤੀ ਲੀਟਰ ਹੋਵੇਗੀ। ਨੰਦਿਨੀ ਦਹੀਂ ਦੀ ਕੀਮਤ 47 ਰੁਪਏ ਹੋਵੇਗੀ।