ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਨੇ ਸ਼ਨੀਵਾਰ ਨੂੰ ਸਵੇਰੇ 11.56 ਵਜੇ ਸ਼੍ਰੀਹਰੀਕੋਟਾ ਦੇ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਓਸ਼ਨਸੈਟ-3 ਅਤੇ ਅੱਠ ਛੋਟੇ ਉਪਗ੍ਰਹਿਆਂ ਦੇ ਨਾਲ PSLV-54/EOS-06 ਮਿਸ਼ਨ ਲਾਂਚ ਕੀਤਾ। ਪੀਐਸਐਲਵੀ-54 ਨੇ ਓਸ਼ਨਸੈਟ-3 ਅਤੇ ਅੱਠ ਮਿੰਨੀ ਉਪਗ੍ਰਹਿ- ਪਿਕਸਲ ਤੋਂ ‘ਆਨੰਦ’, ਭੂਟਾਨਸੈਟ, ਧਰੁਵ ਸਪੇਸ ਤੋਂ ਦੋ ਥਾਈਬੋਲਟ ਅਤੇ ਸਪੇਸਫਲਾਈਟ ਯੂਐਸਏ ਤੋਂ ਚਾਰ ਐਸਟ੍ਰੋਕਾਸਟ ਲਾਂਚ ਕੀਤੇ।
ਭੂਟਾਨਸੈਟ ਭਾਰਤ ਅਤੇ ਭੂਟਾਨ ਦਾ ਸਾਂਝਾ ਸੈਟੇਲਾਈਟ ਹੈ। ਇਹ ਇੱਕ ਨੈਨੋ ਸੈਟੇਲਾਈਟ ਹੈ। ਭੂਟਾਨਸੈਟ ਵਿੱਚ ਰਿਮੋਟ ਸੈਂਸਿੰਗ ਕੈਮਰੇ ਲੱਗੇ ਹਨ। ਇਹ ਸੈਟੇਲਾਈਟ ਰੇਲਵੇ ਟਰੈਕ ਬਣਾਉਣ, ਪੁਲ ਬਣਾਉਣ ਵਰਗੇ ਵਿਕਾਸ ਕਾਰਜਾਂ ਵਿੱਚ ਮਦਦ ਕਰੇਗਾ।
ਓਸ਼ਨਸੈਟ-1 ਨੂੰ ਪਹਿਲੀ ਵਾਰ 1999 ਵਿੱਚ ਲਾਂਚ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਇਸ ਦਾ ਓਸ਼ਨਸੈਟ-2 2009 ਵਿੱਚ ਪੁਲਾੜ ਵਿੱਚ ਸਥਾਪਿਤ ਕੀਤਾ ਗਿਆ ਸੀ। 2016 ਵਿੱਚ ਓਸ਼ਨਸੈਟ-2 ਦੀ ਸਕੈਨਿੰਗ ਸਕੈਟਰੋਮੀਟਰ ਫੇਲ ਹੋਣ ਤੋਂ ਬਾਅਦ ScatSat-1 ਲਾਂਚ ਕੀਤਾ ਗਿਆ ਸੀ।
