ਅਕਸ਼ੇ ਕੁਮਾਰ ਬਾਲੀਵੁੱਡ ਦੇ ਇੱਕ ਅਜਿਹੇ ਅਭਿਨੇਤਾ ਹਨ ਜੋ ਆਪਣੀ ਜ਼ਿੰਦਗੀ ਨੂੰ ਬਹੁਤ ਅਨੁਸ਼ਾਸਨ ਨਾਲ ਜਿਉਣਾ ਪਸੰਦ ਕਰਦੇ ਹਨ। ਅਕਸ਼ੈ ਫਿਟਨੈੱਸ ਫ੍ਰੀਕ ਹਨ ਅਤੇ ਅਕਸਰ ਆਪਣੇ ਪ੍ਰਸ਼ੰਸਕਾਂ ਨੂੰ ਫਿਟਨੈੱਸ ਪ੍ਰਤੀ ਜਾਗਰੂਕ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਟਵਿੰਕਲ ਖੰਨਾ ਦਾ ਜਨਮਦਿਨ 29 ਦਸੰਬਰ ਨੂੰ ਹੈ, ਇਸ ਲਈ ਪਤਨੀ ਨੂੰ ਖੁਸ਼ ਕਰਨ ਲਈ ਅਕਸ਼ੈ ਕੁਮਾਰ ਪਰਿਵਾਰ ਸਮੇਤ ਮਾਲਦੀਵ ਛੁੱਟੀਆਂ ਮਨਾਉਣ ਪਹੁੰਚੇ ਹਨ।
ਜਿੱਥੋਂ ਹੁਣ ਉਹਨਾਂ ਦਾ ਸ਼ਾਨਦਾਰ ਵੀਡੀਓ ਸਾਹਮਣੇ ਆਇਆਂ ਹੈ। ਵੀਡੀਓ ‘ਚ ਅਕਸ਼ੇ ਆਪਣਾ ਪਸੰਦੀਦਾ ਗੀਤ ਸੁਣਦੇ ਹੋਏ ਮਾਲਦੀਵ ਦੇ ਰਿਜ਼ੋਰਟ ‘ਚ ਸਾਈਕਲ ਚਲਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਅਕਸ਼ੈ ਨੇ ਕੈਪਸ਼ਨ ‘ਚ ਲਿਖਿਆ- ਜਦੋਂ ਤੁਹਾਡਾ ਸੋਮਵਾਰ ਐਤਵਾਰ ਵਰਗਾ ਲੱਗਦਾ ਹੈ। ਇਸ ਸਾਲ ਬੈਕ-ਟੂ-ਬੈਕ ਫਿਲਮਾਂ ਦੇਣ ਵਾਲੇ ਅਭਿਨੇਤਾ ਅਕਸ਼ੈ ਕੁਮਾਰ ਨੇ ਛੁੱਟੀਆਂ ਲਈ ਬ੍ਰੇਕ ਲਿਆ ਹੈ। ਪਰਿਵਾਰ ਨਾਲ ਛੁੱਟੀਆਂ ਬਿਤਾਉਣ ਲਈ ਅਕਸ਼ੈ ਨੇ ਬਹੁਤ ਹੀ ਖੂਬਸੂਰਤ ਡੈਸਟੀਨੇਸ਼ਨ ਮਾਲਦੀਵ ਨੂੰ ਚੁਣਿਆ ਹੈ। ਫਿਲਮਾਂ ਦੀ ਗੱਲ ਕਰੀਏ ਤਾਂ ਅਕਸ਼ੇ ਜਲਦ ਹੀ ‘ਪ੍ਰਿਥਵੀਰਾਜ’, ‘ਬੱਚਨ ਪਾਂਡੇ’, ‘ਰਾਮ ਸੇਤੂ’, ਮਿਸ਼ਨ ਸਿੰਡਰੈਲਾ ਅਤੇ ਓ ਮਾਈ ਗੌਡ 2 ਦੀ ਸ਼ੂਟਿੰਗ ਕਰਨਗੇ।
