ਦਿੱਲੀ ਤੋਂ ਰਾਏਬਰੇਲੀ ਜਾ ਰਹੀ ਪਦਮਾਵਤ ਐਕਸਪ੍ਰੈਸ ਦੀ ਇੱਕ ਬੋਗੀ ਵਿੱਚ ਅੱਗ ਲੱਗਣ ਦੀ ਸੂਚਨਾ ਮਿਲਣ ‘ਤੇ ਰੇਲਵੇ ਅਧਿਕਾਰੀ ਘਬਰਾ ਗਏ ਅਤੇ ਟਰੇਨ ਨੂੰ ਤੁਰੰਤ ਪਿਲਖੁਆ ਸਟੇਸ਼ਨ ‘ਤੇ ਰੋਕ ਦਿੱਤਾ ਗਿਆ। ਸੂਚਨਾ ਮਿਲਦੇ ਹੀ ਟੀਮ ਮੌਕੇ ‘ਤੇ ਪਹੁੰਚ ਗਈ। ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਅੱਗ ਨਹੀਂ ਲੱਗੀ। ਰੇਲਵੇ ਨੇ ਅੱਗ ਲੱਗਣ ਦੀ ਘਟਨਾ ਤੋਂ ਇਨਕਾਰ ਕੀਤਾ ਹੈ, ਪਰ ਮੰਨਿਆ ਕਿ ਬ੍ਰੇਕ ਜਾਮ ਕਾਰਨ ਚੰਗਿਆੜੀ ਅਤੇ ਧੂੰਆਂ ਨਿਕਲਣ ਦੀ ਘਟਨਾ ਵਾਪਰੀ ਹੈ। ਇਸ ਕਾਰਨ ਰੇਲਗੱਡੀ ਇੱਕ ਘੰਟਾ ਪਿਲਖੁਆ ਸਟੇਸ਼ਨ ’ਤੇ ਖੜ੍ਹੀ ਰਹੀ।ਰੇਲਵੇ ਦੀ ਤਕਨੀਕੀ ਟੀਮ ਵੱਲੋਂ ਚੈਕਿੰਗ ਕਰਨ ਮਗਰੋਂ ਟਰੇਨ ਨੂੰ ਰਵਾਨਾ ਕੀਤਾ ਗਿਆ।
ਸੋਮਵਾਰ ਰਾਤ 9.22 ਵਜੇ ਯਾਤਰੀ ਹਰਸ਼ਾ ਚੰਦਵਾਨੀ ਨੇ ਰੇਲ ਮੰਤਰੀ ਨੂੰ ਟਵੀਟ ਕਰਕੇ ਇੱਕ ਵੀਡੀਓ ਭੇਜਿਆ, ਜਿਸ ਵਿੱਚ ਟਰੇਨ ਇੱਕ ਸਟੇਸ਼ਨ ‘ਤੇ ਖੜ੍ਹੀ ਹੈ। ਏਸੀ ਕੋਚ ਦੇ ਹੇਠਾਂ ਤੋਂ ਧੂੰਆਂ ਨਿਕਲਦਾ ਦੇਖਿਆ ਜਾ ਸਕਦਾ ਹੈ। ਯਾਤਰੀ ਨੇ ਲਿਖਿਆ ਕਿ ਪਦਮਾਵਤ ਐਕਸਪ੍ਰੈਸ ਦੀ ਇੱਕ ਬੋਗੀ ਦੇ ਹੇਠਾਂ ਅੱਗ ਲੱਗ ਗਈ। ਜੇਕਰ ਸਵਾਰੀਆਂ ਸਮੇਂ ਸਿਰ ਨਾ ਉਤਰਦੀਆਂ ਤਾਂ ਵੱਡਾ ਹਾਦਸਾ ਹੋ ਸਕਦਾ ਸੀ। ਇਸ ਸੂਚਨਾ ਤੋਂ ਬਾਅਦ ਰੇਲਵੇ ਅਧਿਕਾਰੀਆਂ ‘ਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ।
