ਬਾਲੀਵੁੱਡ ਅਭਿਨੇਤਾ ਅਜੇ ਦੇਵਗਨ ਦੀ ਫਿਲਮ ‘ਦ੍ਰਿਸ਼ਯਮ 2’ ਨੇ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕੀਤਾ ਹੈ। ‘ਦ੍ਰਿਸ਼ਯਮ 2’ ਆਪਣੀ ਰਿਲੀਜ਼ ਦੇ ਲਗਭਗ 1 ਮਹੀਨੇ ਬਾਅਦ ਵੀ ਸਿਨੇਮਾਘਰਾਂ ‘ਚ ਧਮਾਲ ਮਚਾ ਰਹੀ ਹੈ ਪਰ ਹਾਲੀਵੁੱਡ ਦੀ ਮੋਸਟ ਅਵੇਟਿਡ ਫਿਲਮ ‘ਅਵਤਾਰ 2’ ਦੇ ਰਿਲੀਜ਼ ਹੋਣ ਤੋਂ ਬਾਅਦ ‘ਦ੍ਰਿਸ਼ਮ 2’ ਦੀ ਕਮਾਈ ਦੀ ਰਫਤਾਰ ਨੂੰ ਬਰੇਕਾਂ ਲੱਗ ਗਈਆਂ ਹਨ। ਅਜਿਹੇ ‘ਚ ਆਓ ਜਾਣਦੇ ਹਾਂ ‘ਦ੍ਰਿਸ਼ਯਮ 2’ ਨੇ ਬਾਕਸ ਆਫਿਸ ‘ਤੇ ਹੁਣ ਤੱਕ ਕਿੰਨੀ ਕਮਾਈ ਕੀਤੀ ਹੈ। ਸੁਪਰਸਟਾਰ ਅਜੇ ਦੇਵਗਨ ਦੀ ਸਸਪੈਂਸ ਥ੍ਰਿਲਰ ‘ਦ੍ਰਿਸ਼ਯਮ 2’ ਨੇ ਇਸ ਵਾਰ ਆਪਣੀ ਦਮਦਾਰ ਕਹਾਣੀ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ। ਜਿਸ ਕਾਰਨ ‘ਦ੍ਰਿਸ਼ਯਮ 2’ ਨੇ ਬਾਕਸ ਆਫਿਸ ‘ਤੇ 200 ਕਰੋੜ ਦਾ ਜਾਦੂਈ ਅੰਕੜਾ ਵੀ ਪਾਰ ਕਰ ਲਿਆ ਹੈ।
18 ਦਸੰਬਰ ਨੂੰ ‘ਦ੍ਰਿਸ਼ਯਮ 2’ ਨੇ ਆਪਣੀ ਰਿਲੀਜ਼ ਦੇ ਇਕ ਮਹੀਨੇ ਬਾਅਦ ਵੀ ਚੰਗੀ ਕਮਾਈ ਕੀਤੀ ਹੈ ਪਰ ਹਾਲੀਵੁੱਡ ਦੇ ਦਿੱਗਜ ਨਿਰਦੇਸ਼ਕ ਜੇਮਸ ਕੈਮਰਨ ਦੀ ਫਿਲਮ ‘ਅਵਤਾਰ ਦ ਵੇ ਆਫ ਵਾਟਰ’ ਦੇ ਰਿਲੀਜ਼ ਹੋਣ ਤੋਂ ਬਾਅਦ ‘ਦ੍ਰਿਸ਼ਯਮ 2’ ਦੇ ਕਲੈਕਸ਼ਨ ਦੀ ਰਫਤਾਰ ਘੱਟ ਗਈ ਹੈ। ਰਿਪੋਰਟ ਮੁਤਾਬਕ ‘ਦ੍ਰਿਸ਼ਮ 2’ ਨੇ ਆਪਣੀ ਰਿਲੀਜ਼ ਦੇ 31ਵੇਂ ਦਿਨ ਯਾਨੀ ਪੰਜਵੇਂ ਐਤਵਾਰ ਨੂੰ 2.60 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਅਜਿਹੇ ‘ਚ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ 16 ਦਸੰਬਰ ਨੂੰ ਰਿਲੀਜ਼ ਹੋਣ ਵਾਲੀ ‘ਅਵਤਾਰ 2’ ਦਾ ਅਜੇ ਦੇਵਗਨ ਦੀ ਫਿਲਮ ਦੇ ਕਾਰੋਬਾਰ ‘ਤੇ ਵੱਡਾ ਅਸਰ ਪਿਆ ਹੈ।
