ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦਾ ਅਗਲਾ ਸੀਜ਼ਨ ਭਾਰਤ ‘ਚ ਹੀ ਖੇਡਿਆ ਜਾਵੇਗਾ। ਪਿਛਲੇ ਦਿਨੀਂ ਚੇਨਈ ‘ਚ ਇੱਕ ਸਮਾਗਮ ਦੌਰਾਨ ਬੀਸੀਸੀਆਈ ਦੇ ਸਕੱਤਰ ਜੈ ਸ਼ਾਹ ਨੇ ਕਿਹਾ ਕਿ ਮੈਂ ਜਾਣਦਾ ਹਾਂ ਕਿ ਤੁਸੀਂ ਸਾਰੇ ਚੇਪਾਕ ‘ਚ CSK ਨੂੰ ਖੇਡਣ ਦੇਖਣ ਦੀ ਉਡੀਕ ਕਰ ਰਹੇ ਹੋ। ਖੈਰ, ਉਹ ਪਲ ਦੂਰ ਨਹੀਂ ਹੈ. ਆਈਪੀਐਲ ਦਾ 15ਵਾਂ ਸੀਜ਼ਨ ਭਾਰਤ ਵਿੱਚ ਹੋਵੇਗਾ ਅਤੇ ਦੋ ਨਵੀਆਂ ਟੀਮਾਂ ਦੇ ਸ਼ਾਮਿਲ ਹੋਣ ਨਾਲ ਇਹ ਪਹਿਲਾਂ ਨਾਲੋਂ ਵੀ ਜ਼ਿਆਦਾ ਰੋਮਾਂਚਕ ਹੋਵੇਗਾ।
ਇਸ ਤੋਂ ਇਲਾਵਾ ਕ੍ਰਿਕਟ ਬੋਰਡ ਨੇ ਦੋ ਨਵੀਆਂ ਫਰੈਂਚਾਇਜ਼ੀ ਲਖਨਊ ਤੇ ਅਹਿਮਦਾਬਾਦ ਦਾ ਵੀ ਸਵਾਗਤ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਕੋਰੋਨਾ ਮਹਾਮਾਰੀ ਕਾਰਨ ਆਈਪੀਐਲ 2020 ਦਾ ਪੂਰਾ ਸੀਜ਼ਨ ਤੇ ਆਈਪੀਐਲ 2021 ਦੇ 31 ਮੈਚ ਸੰਯੁਕਤ ਅਰਬ ਅਮੀਰਾਤ ‘ਚ ਖੇਡੇ ਗਏ ਸਨ।ਅਕਤੂਬਰ ਵਿੱਚ, ਰਾਸ਼ਟਰੀ ਕ੍ਰਿਕੇਟ ਬੋਰਡ ਨੇ ਪੁਸ਼ਟੀ ਕੀਤੀ ਸੀ ਕਿ ਲਖਨਊ ਅਤੇ ਅਹਿਮਦਾਬਾਦ ਫ੍ਰੈਂਚਾਇਜ਼ੀ ਨੂੰ IPL ਸੀਜ਼ਨ 2022 ਵਿੱਚ ਜੋੜਿਆ ਜਾਵੇਗਾ। ਇਸ ਨਾਲ ਇਹ ਟੂਰਨਾਮੈਂਟ ਦਾ ਦੂਜਾ ਸੀਜ਼ਨ ਬਣ ਜਾਵੇਗਾ ਜਿਸ ਵਿੱਚ ਦਸ ਟੀਮਾਂ ਸ਼ਾਮਿਲ ਹੋਣਗੀਆਂ।ਮਹੱਤਵਪੂਰਨ ਗੱਲ ਇਹ ਹੈ ਕਿ ਬੀਸੀਸੀਆਈ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕਾ ਹੈ ਕਿ ਆਈਪੀਐਲ 2022 ‘ਚ ਕੁੱਲ 74 ਮੈਚ ਹੋਣਗੇ।
ਇਸ ਤੋਂ ਪਹਿਲਾਂ ਆਈਪੀਐਲ 2021 ‘ਚ ਅੱਠ ਟੀਮਾਂ ਵਿਚਾਲੇ ਕੁੱਲ 60 ਮੈਚ ਖੇਡੇ ਗਏ ਸਨ। ਅਜਿਹੇ ‘ਚ ਅਗਲੇ ਸੀਜ਼ਨ ‘ਚ ਪਹਿਲਾਂ ਦੇ ਮੁਕਾਬਲੇ 14 ਮੈਚ ਜ਼ਿਆਦਾ ਹੋਣਗੇ।ਪਿਛਲੇ ਮਹੀਨੇ, RPSG ਸਮੂਹ ਅਤੇ CVC ਕੈਪੀਟਲ ਨੇ ਦੋ ਨਵੀਆਂ IPL ਫਰੈਂਚਾਇਜ਼ੀਜ਼ ਦੇ ਮਾਲਕੀ ਅਧਿਕਾਰ ਹਾਸਲ ਕੀਤੇ ਹਨ। RPSG ਗਰੁੱਪ ਨੇ ਲਖਨਊ ਸਥਿਤ ਫਰੈਂਚਾਇਜ਼ੀ ਨੂੰ 7,090 ਕਰੋੜ ਰੁਪਏ ‘ਚ ਖਰੀਦਿਆ ਹੈ। ਇਸ ਨਾਲ ਹੀ CVC ਕੈਪੀਟਲ ਨੇ ਅਹਿਮਦਾਬਾਦ ਫਰੈਂਚਾਇਜ਼ੀ ਨੂੰ 5,166 ਕਰੋੜ ਰੁਪਏ ‘ਚ ਖਰੀਦਿਆ। 2011 ਤੋਂ ਬਾਅਦ ਇਹ ਪਹਿਲਾ ਮੌਕਾ ਹੋਵੇਗਾ, ਜਦੋਂ 10 ਟੀਮਾਂ ਲੀਗ ‘ਚ ਖੇਡਦੀਆਂ ਨਜ਼ਰ ਆਉਣਗੀਆਂ।
