ਓਦੈਪੁਰ: ਦੇਸ਼ ਭਰ ‘ਚ ਕੋਰੋਨਾ ਦੇ ਨਵੇਂ ਵੇਰੀਐਂਟ ਓਮੀਕ੍ਰੋਨ ਨੇ ਆਪਣੇ ਪੈਰ ਪਸਾਰ ਲਏ ਹਨ। ਭਾਰਤ ‘ਚ ਇਸਦਾ ਕਹਿਰ ਵਧਦਾ ਜਾ ਰਿਹਾ ਹੈ। ਉੱਥੇ ਹੀ ਇਸ ਨਾਲ ਜੁੜੀ ਇਕ ਬੁਰੀ ਖ਼ਬਰ ਸਾਹਮਣੇ ਆਈ ਹੈ। ਰਾਜਸਥਾਨ ਦੇ ਓਦੈਪੁਰ ’ਚ ਓਮੀਕ੍ਰੋਨ ਨਾਲ ਪਹਿਲੀ ਮੌਤ ਹੋਈ ਹੈ। ਹਸਪਤਾਲ ’ਚ ਭਰਤੀ 73 ਸਾਲਾ ਬਜ਼ੁਰਗ ਦੀ ਮੌਤ ਹੋ ਗਈ ਹੈ । ਓਮੀਕ੍ਰੋਨ ਤੋਂ ਸੰਕ੍ਰਮਿਤ ਹੋਣ ਤੋਂ ਬਾਅਦ ਇਹ ਪ੍ਰਦੇਸ਼ ’ਚ ਪਹਿਲੀ ਤੇ ਦੇਸ਼ ’ਚ ਦੂਸਰੀ ਮੌਤ ਹੈ। ਇਸ ਤੋਂ ਪਹਿਲਾਂ ਮਹਾਰਾਸ਼ਟਰ ਦੇ ਇਕ ਵਿਅਕਤੀ ਦੀ ਵੀਰਵਾਰ ਨੂੰ ਓਮੀਕ੍ਰੋਨ ਨਾਲ ਮੌਤ ਹੋ ਗਈ ਸੀ।
ਉਦੈਪੁਰ ਦੇ ਮੁੱਖ ਸਿਹਤ ਤੇ ਮੈਡੀਕਲ ਅਫਸਰ ਡਾਕਟਰ ਦਿਨੇਸ਼ ਖਰਦੀ ਨੇ ਓਮੀਕ੍ਰੋਨ ਸੰਕ੍ਰਮਿਤ ਬਜ਼ੁਰਗ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਹਾਲਾਂਕਿ, ਉਨ੍ਹਾਂ ਨੇ ਕਿਹਾ ਕਿ ਉਸਦੀ ਮੌਤ ਪੋਸਟ ਕੋਵਿਡ ਨਿਮੋਨੀਆ ਕਾਰਨ ਹੋਈ ਹੈ। ਮਰੀਜ਼ ਸ਼ੂਗਰ ਅਤੇ ਹਾਈਪਰਟੈਨਸ਼ਨ ਤੋਂ ਵੀ ਪੀੜਤ ਸੀ। ਮੀਡਿਆ ਰਿਪੋਰਟਾਂ ਤੋਂ ਪਤਾ ਲੱਗਿਆ ਹੈ ਕਿ ਬਜ਼ੁਰਗ ਦੀ ਕਿਸੇ ਵੀ ਤਰ੍ਹਾਂ ਨਾਲ ਕੋਈ ਯਾਤਰਾ ਅਤੇ ਕੰਟਰੈਕਟ ਹਿਸਟਰੀ ਨਹੀਂ ਸੀ। ਉਸ ਦੀ ਰਿਪੋਰਟ ਇੱਕ ਦਿਨ ਪਹਿਲਾਂ ਨੈਗੇਟਿਵ ਆਈ ਸੀ।
