ਇਨ੍ਹੀਂ ਦਿਨੀਂ ਦੇਸ਼ ‘ਚ ਪੈਟਰੋਲ ਅਤੇ ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਨੇ ਲੋਕਾਂ ਦਾ ਤਣਾਅ ਹੋਰ ਵਧਾ ਦਿੱਤਾ ਹੈ। ਪੈਟਰੋਲ ਡੀਜ਼ਲ ਦੀ ਕੀਮਤ ਤੋਂ ਬਚਣ ਲਈ ਲੋਕ ਇਲੈਕਟ੍ਰਿਕ ਵਾਹਨਾਂ ਵੱਲ ਆਪਣੀ ਰੁਚੀ ਵਧਾ ਰਹੇ ਹਨ। ਪੈਟਰੋਲ ਅਤੇ ਡੀਜ਼ਲ ‘ਤੇ ਚੱਲਣ ਵਾਲੇ ਵਾਹਨਾਂ ਦੇ ਮੁਕਾਬਲੇ ਇਲੈਕਟ੍ਰਿਕ ਵਾਹਨਾਂ ਦੀ ਵਰਤੋਂ ਦੀ ਕੀਮਤ ਘੱਟ ਹੈ। ਹਾਲਾਂਕਿ ਇਲੈਕਟ੍ਰਿਕ ਵਾਹਨ ਥੋੜੇ ਮਹਿੰਗੇ ਆਉਂਦੇ ਹਨ। ਪਰ ਇਸ ਦਾ ਸੌਦਾ ਬਹੁਤ ਫਾਇਦੇਮੰਦ ਹੈ। Tata Nexon EV ਇਕ ਅਜਿਹੀ ਇਲੈਕਟ੍ਰਿਕ ਕਾਰ ਬਾਰੇ ਦੱਸਣ ਜਾ ਰਹੇ ਹਾਂ ਜੋ 520 ਰੁਪਏ ‘ਚ ਤੁਸੀਂ ਲਗਭਗ 1000 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰ ਸਕਦੇ ਹੋ।
ਲੰਬੀ ਰੇਂਜ ਦੀ ਇਲੈਕਟ੍ਰਿਕ SUV ਦੇ ਨਾਲ, ਟਾਟਾ ਜ਼ਿਆਦਾ ਤੋਂ ਜ਼ਿਆਦਾ ਗਾਹਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਣਾ ਚਾਹੁੰਦੀ ਹੈ। ਇਸ ਕਾਰ ਦੀ ਕੀਮਤ 14,24,000 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਕਾਰ 9.9 ਸੈਕਿੰਡ ‘ਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਫੜ ਲੈਂਦੀ ਹੈ। ਕਾਰ ਪਰਮਾਨੈਂਟ ਮੈਗਨੇਟ AC ਮੋਟਰ ਦੁਆਰਾ ਸੰਚਾਲਿਤ ਹੈ, ਜੋ 245 Nm ਦਾ ਪੀਕ ਟਾਰਕ ਜਨਰੇਟ ਕਰਦੀ ਹੈ। ਕਾਰ ਵਿੱਚ ਇੱਕ IP67 ਪ੍ਰਮਾਣਿਤ 30.2 kwh ਦੀ ਲਿਥੀਅਮ ਆਇਨ ਬੈਟਰੀ ਹੈ।
