Itel P40 ਦੀ ਕੀਮਤ 7,699 ਰੁਪਏ ਰੱਖੀ ਗਈ ਹੈ। ਇਸ ਨੂੰ ਬਲੂ, ਬਲੈਕ ਅਤੇ ਗੋਲਡ ਕਲਰ ਆਪਸ਼ਨ ‘ਚ ਪੇਸ਼ ਕੀਤਾ ਗਿਆ ਹੈ। ਇਸ ਹੈਂਡਸੈੱਟ ‘ਚ ਯੂਜ਼ਰਸ ਨੂੰ 12 ਮਹੀਨੇ ਦੀ ਵਾਰੰਟੀ ਮਿਲੇਗੀ। ਇਸ ਦੇ ਨਾਲ ਹੀ ਮੁਫਤ ਵਨ-ਟਾਈਮ ਸਕ੍ਰੀਨ ਰਿਪਲੇਸਮੈਂਟ ਆਫਰ ਵੀ ਉਪਲੱਬਧ ਹੋਵੇਗਾ। ਫਿਲਹਾਲ ਇਹ ਫੋਨ ਕੰਪਨੀ ਦੀ ਵੈੱਬਸਾਈਟ ‘ਤੇ ਲਿਸਟ ਹੋਇਆ ਹੈ। ਪਰ, ਇਸਦੀ ਉਪਲਬਧਤਾ ਬਾਰੇ ਜਾਣਕਾਰੀ ਪ੍ਰਾਪਤ ਨਹੀਂ ਹੋਈ ਹੈ। Itel P40 ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਗੱਲ ਕਰੀਏ ਤਾਂ, ਇਹ ਐਂਡਰਾਇਡ 12 ਗੋ ਐਡੀਸ਼ਨ ‘ਤੇ ਚੱਲਦਾ ਹੈ ਅਤੇ ਇਸ ਵਿੱਚ 120Hz ਟੱਚ ਸੈਂਪਲਿੰਗ ਰੇਟ ਦੇ ਨਾਲ 6.6-ਇੰਚ HD+ (720 x 1,612 ਪਿਕਸਲ) IPS ਡਿਸਪਲੇਅ ਹੈ।
ਸੈਲਫੀ ਕੈਮਰੇ ਲਈ ਫੋਨ ਦੀ ਡਿਸਪਲੇਅ ‘ਚ ਵਾਟਰਡ੍ਰੌਪ ਸਟਾਈਲ ਨੌਚ ਵੀ ਦਿੱਤਾ ਗਿਆ ਹੈ। ਇਸ ਫੋਨ ‘ਚ 4GB ਤੱਕ ਦੀ ਰੈਮ ਦੇ ਨਾਲ octa-core Unisoc SC9863A ਪ੍ਰੋਸੈਸਰ ਹੈ। ਇਸ ਵਿੱਚ 3GB ਤੱਕ ਦੀ ਵਰਚੁਅਲ ਰੈਮ ਲਈ ਵੀ ਸਪੋਰਟ ਹੈ। ਫੋਟੋਗ੍ਰਾਫੀ ਲਈ ਫੋਨ ਦੇ ਰੀਅਰ ‘ਚ ਡਿਊਲ ਕੈਮਰਾ ਸੈੱਟਅਪ ਦਿੱਤਾ ਗਿਆ ਹੈ। ਇਸ ਦਾ ਪ੍ਰਾਇਮਰੀ ਕੈਮਰਾ 13MP ਦਾ ਹੈ। ਸੈਲਫੀ ਲਈ ਫੋਨ ਦੇ ਫਰੰਟ ‘ਤੇ 5MP ਕੈਮਰਾ ਹੈ। Itel P40 ਦੀ ਮੈਮੋਰੀ 64GB ਹੈ, ਜਿਸ ਨੂੰ 512GB ਤੱਕ ਵਧਾਇਆ ਜਾ ਸਕਦਾ ਹੈ। ਇਸ ‘ਚ ਫੇਸ ਅਨਲਾਕ ਸਪੋਰਟ ਵੀ ਦਿੱਤਾ ਗਿਆ ਹੈ। ਸੁਰੱਖਿਆ ਲਈ ਇਸ ‘ਚ ਫਿੰਗਰਪ੍ਰਿੰਟ ਸੈਂਸਰ ਵੀ ਹੈ। ਇਸ ਨਵੇਂ ਫੋਨ ਦੀ ਬੈਟਰੀ 6,000mAh ਹੈ ਅਤੇ ਇੱਥੇ 18W ਫਾਸਟ ਚਾਰਜਿੰਗ ਸਪੋਰਟ ਦਿੱਤੀ ਗਈ ਹੈ। ਇਸ ਨੂੰ ਸਿੰਗਲ ਚਾਰਜ ‘ਤੇ 15 ਦਿਨਾਂ ਦਾ ਸਟੈਂਡਬਾਏ ਟਾਈਮ ਮਿਲੇਗਾ। ਇਸ ਦੀ ਮੋਟਾਈ 9.2mm ਹੈ।
