ਹੌਂਡਾ ਸ਼ਾਈਨ ਨੇ 16 ਸਾਲਾਂ ਵਿੱਚ ਭਾਰਤੀ ਬਾਜ਼ਾਰ ‘ਚ 1 ਕਰੋੜ ਯੂਨਿਟਸ ਵੇਚ ਕੇ ਰਿਕਾਰਡ ਕਾਇਮ ਕਰ ਲਿਆ ਹੈ। ਕੰਪਨੀ ਨੇ ਹੌਂਡਾ ਸ਼ਾਈਨ ਦੀ ਪਹਿਲੀ ਯੂਨਿਟ ਨੂੰ 2006 ਵਿੱਚ ਭਾਰਤ ਵਿੱਚ ਲਾਂਚ ਕੀਤਾ ਸੀ। ਕੰਪਨੀ ਮੁਤਾਬਕ 125cc ਸੈਗਮੈਂਟ ‘ਚ ਇਹ ਪਹਿਲੀ ਅਜਿਹੀ ਬਾਈਕ ਹੈ, ਜਿਸ ਨੂੰ 10 ਮਿਲੀਅਨ ਗਾਹਕਾਂ ਨੇ ਖਰੀਦਿਆ ਹੈ। ਹੌਂਡਾ ਦੀ 125cc ਵੀ ਸੈਗਮੈਂਟ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੀ ਬਾਈਕ ਹੈ।
ਇਸ ਬਾਈਕ ਦੇ ਇੰਜਣ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਵਿੱਚ 123.94cc ਸਿੰਗਲ ਸਿਲੰਡਰ, 4-ਸਟ੍ਰੋਕ, SI ਵਾਲਾ ਇੰਜਣ ਹੈ, ਜੋ 7500rmp ‘ਤੇ 7.9 kW ਦੀ ਅਧਿਕਤਮ ਪਾਵਰ ਅਤੇ 6000rmp ‘ਤੇ 11 Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇੰਜਣ ਨੂੰ 5-ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ। ਇਸ ਵਿੱਚ 10.5 ਲੀਟਰ ਦੀ ਸਮਰੱਥਾ ਵਾਲਾ ਪੈਟਰੋਲ ਟੈਂਕ ਹੈ। ਇਹ ਇਸ ਲੀਟਰ ਪੈਟਰੋਲ ‘ਚ 55 ਤੋਂ 65 ਕਿਲੋਮੀਟਰ ਦੀ ਮਾਈਲੇਜ ਦਿੰਦਾ ਹੈ।
ਹੌਂਡਾ ਸ਼ਾਈਨ ਡੀਸੈਂਟ ਬਲੂ ਮੈਟਾਲਿਕ, ਮੈਟ ਐਕਸਿਸ ਗ੍ਰੇ, ਜਿਨੀ ਗ੍ਰੇ ਮੈਟਲਿਕ ਅਤੇ ਰੇਬਲ ਰੈੱਡ ਮੈਟਲਿਕ ਰੰਗਾਂ ‘ਚ ਉਪਲਬਧ ਹੈ। ਇਸ ਦੇ ਡਰਮ ਬ੍ਰੇਕ ਐਕਸ-ਸ਼ੋਰੂਮ ਦੀ ਕੀਮਤ 74,943 ਰੁਪਏ ਹੈ ਅਤੇ ਡਿਸਕ ਬ੍ਰੇਕ ਐਕਸ-ਸ਼ੋਰੂਮ ਵੇਰੀਐਂਟ ਦੀ ਕੀਮਤ 78,842 ਰੁਪਏ ਹੈ।
