ਮਾਰੂਤੀ ਸੁਜ਼ੂਕੀ ਦੇਸ਼ ਦੀ ਸਭ ਤੋਂ ਵੱਧ ਗੱਡੀਆਂ ਵੇਚਣ ਵਾਲੀ ਕੰਪਨੀ ਹੈ। ਅਕਤੂਬਰ ਮਹੀਨੇ ਵਿੱਚ ਵੀ ਮਾਰੂਤੀ ਦੀਆਂ ਗੱਡੀਆਂ ਦੀ ਕਾਫੀ ਵਿਕਰੀ ਹੋਈ ਅਤੇ ਕੰਪਨੀ ਦੀ ਆਲਟੋ ਗੱਡੀ ਦੇਸ਼ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੀ ਕਾਰ ਰਹੀ ਹੈ। ਹਾਲਾਂਕਿ ਦੇਸ਼ ਦੀ ਨੰਬਰ ਇਕ ਕੰਪਨੀ ਦੀਆਂ ਦੋ ਗੱਡੀਆਂ ਤੋਂ ਗਾਹਕ ਨਾਰਾਜ਼ ਨਜ਼ਰ ਆ ਰਹੇ ਹਨ। ਪਿਛਲੇ ਕੁਝ ਮਹੀਨਿਆਂ ਤੋਂ ਇਨ੍ਹਾਂ ਵਾਹਨਾਂ ਦੀ ਵਿਕਰੀ ਲਗਾਤਾਰ ਘੱਟ ਰਹੀ ਹੈ।
ਜਿਨ੍ਹਾਂ ਦੋ ਗੱਡੀਆਂ ਬਾਰੇ ਗੱਲ ਕਰ ਰਹੇ ਹਾਂ ਉਹ ਹਨ ਮਾਰੂਤੀ ਸੁਜ਼ੂਕੀ XL6 ਅਤੇ ਮਾਰੂਤੀ ਸੁਜ਼ੂਕੀ ਸਿਆਜ਼। ਖਾਸ ਗੱਲ ਇਹ ਹੈ ਕਿ ਦੋਵੇਂ ਕਾਰਾਂ ਕੰਪਨੀ ਦੀ Nexa ਡੀਲਰਸ਼ਿਪ ਰਾਹੀਂ ਵੇਚੀਆਂ ਜਾਂਦੀਆਂ ਹਨ ਅਤੇ ਬਹੁਤ ਸਾਰੀਆਂ ਲਗਜ਼ਰੀ ਵਿਸ਼ੇਸ਼ਤਾਵਾਂ ਨਾਲ ਆਉਂਦੀਆਂ ਹਨ। ਵਿਕਰੀ ਦੀ ਗੱਲ ਕਰੀਏ ਤਾਂ ਅਕਤੂਬਰ ਮਹੀਨੇ ‘ਚ ਮਾਰੂਤੀ ਸਿਆਜ਼ ਦੀਆਂ ਸਿਰਫ 1,884 ਯੂਨਿਟਸ ਅਤੇ XL6 ਦੀਆਂ ਸਿਰਫ 2,448 ਯੂਨਿਟਸ ਹੀ ਵਿਕੀਆਂ।
ਦੱਸ ਦਈਏ ਕਿ ਮਾਰੂਤੀ ਸਿਆਜ਼ ਦੀ ਕੀਮਤ 8.99 ਲੱਖ ਰੁਪਏ ਤੋਂ 11.98 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ। ਮਾਰੂਤੀ XL6 ਕੰਪਨੀ ਦੀ ਇੱਕ MPV ਕਾਰ ਹੈ। ਇਸ ਦੀ ਕੀਮਤ 11.29 ਲੱਖ ਰੁਪਏ ਤੋਂ 14.55 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੇ ਵਿਚਕਾਰ ਹੈ।