MG ਮੋਟਰ ਨੇ ਅੱਜ ਤੋਂ ਆਪਣੀ MG Comet EV ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਤੁਸੀਂ ਕੰਪਨੀ ਦੀ ਇਸ ਛੋਟੀ ਇਲੈਕਟ੍ਰਿਕ ਕਾਰ ਨੂੰ ਸਿਰਫ 11,000 ਰੁਪਏ ਦੀ ਐਡਵਾਂਸ ਰਕਮ ਦੇ ਕੇ ਬੁੱਕ ਕਰ ਸਕਦੇ ਹੋ। ਕੰਪਨੀ ਨੇ ਇਸ ਦਾ ਉਤਪਾਦਨ ਵੀ ਸ਼ੁਰੂ ਕਰ ਦਿੱਤਾ ਹੈ।
MG Comet EV ਨੂੰ ਤਿੰਨ ਵੇਰੀਐਂਟਸ – ਪੇਸ, ਪਲੇਅ ਅਤੇ ਪਲਸ਼ ‘ਚ ਉਪਲੱਬਧ ਕਰਵਾਇਆ ਗਿਆ ਹੈ। ਕੀਮਤ ਦੀ ਗੱਲ ਕਰੀਏ ਤਾਂ, MG Comet EV ਦੀ ਕੀਮਤ ਪੇਸ ਵੇਰੀਐਂਟ ਲਈ 7.98 ਲੱਖ ਰੁਪਏ (ਐਕਸ-ਸ਼ੋਰੂਮ) ਤੋਂ ਸ਼ੁਰੂ ਹੁੰਦੀ ਹੈ, ਜੋ ਕਿ ਟਾਪ-ਸਪੈਕ ਪਲੱਸ ਲਈ 9.98 ਲੱਖ ਰੁਪਏ ਤੱਕ ਜਾਂਦੀ ਹੈ।
ਇਹ ਇੱਕ ਵਾਰ ਚਾਰਜ ਕਰਨ ‘ਤੇ 230 ਕਿਲੋਮੀਟਰ ਦੀ ਰੇਂਜ ਦੇਣ ਦਾ ਦਾਅਵਾ ਕੀਤਾ ਗਿਆ ਹੈ। ਇਹ 17.3 kWh ਦੀ ਬੈਟਰੀ ਦੁਆਰਾ ਸੰਚਾਲਿਤ ਹੈ ਜੋ 42 hp ਦੀ ਪਾਵਰ ਅਤੇ 110 Nm ਦਾ ਟਾਰਕ ਪੈਦਾ ਕਰਦੀ ਹੈ। ਇਹ GSEV ਪਲੇਟਫਾਰਮ ‘ਤੇ ਬਣਿਆ 4-ਸੀਟਰ ਵਾਹਨ ਹੈ। MG Comet EV ਨੂੰ ਇੱਕ 3.3kW ਦਾ ਆਨਬੋਰਡ ਚਾਰਜਰ ਮਿਲਦਾ ਹੈ ਅਤੇ ਪੂਰੀ ਤਰ੍ਹਾਂ ਚਾਰਜ ਹੋਣ ਵਿੱਚ 7 ਘੰਟੇ ਲੱਗਦੇ ਹਨ। MG ਮੋਟਰ ਨੇ Comet EV ‘ਚ ਫਾਸਟ ਚਾਰਜਿੰਗ ਦਾ ਵਿਕਲਪ ਨਹੀਂ ਦਿੱਤਾ ਹੈ। ਪਾਵਰ ਨੂੰ ਆਟੋਮੈਟਿਕ ਗਿਅਰਬਾਕਸ ਰਾਹੀਂ ਪਿਛਲੇ ਪਹੀਆਂ ਨੂੰ ਭੇਜਿਆ ਜਾਂਦਾ ਹੈ।
