ਜੇਕਰ ਤੁਸੀਂ ਬਾਈਕ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਆਉਣ ਵਾਲਾ ਅਪ੍ਰੈਲ ਮਹੀਨਾ ਤੁਹਾਡੇ ਲਈ ਬਹੁਤ ਖਾਸ ਹੋਣ ਵਾਲਾ ਹੈ, ਕਿਉਂਕਿ ਰਾਇਲ ਐਨਫੀਲਡ, ਡੁਕਾਟੀ ਅਤੇ ਯਾਮਾਹਾ ਵਰਗੀਆਂ ਵੱਡੀਆਂ ਕੰਪਨੀਆਂ ਆਪਣੀਆਂ ਸ਼ਾਨਦਾਰ ਬਾਈਕਸ ਅਤੇ ਸਕੂਟਰ ਲਾਂਚ ਕਰਨ ਜਾ ਰਹੀਆਂ ਹਨ। Royal Enfield ਦੀ ਨਵੀਂ Himalayan 450 ਜਲਦ ਹੀ ਲਾਂਚ ਹੋਣ ਜਾ ਰਹੀ ਹੈ। ਇਸ ਦੇ ਕੁਝ ਫੀਚਰਸ ਬਾਰੇ ਜਾਣਕਾਰੀ ਸਾਹਮਣੇ ਆਈ ਹੈ। ਇਸ ‘ਚ 450cc, ਲਿਕਵਿਡ-ਕੂਲਡ ਅਤੇ ਸਿੰਗਲ-ਸਿਲੰਡਰ ਇੰਜਣ ਮਿਲੇਗਾ। ਇਹ ਬਾਈਕ ਲਗਭਗ 40bhp ਦੀ ਅਧਿਕਤਮ ਪਾਵਰ ਅਤੇ 40Nm ਦਾ ਅਧਿਕਤਮ ਟਾਰਕ ਜਨਰੇਟ ਕਰਦੀ ਹੈ। ਨਵੀਂ ਹਿਮਾਲੀਅਨ 450 ‘ਚ ਵਾਇਰ ਸਪੋਕ ਵ੍ਹੀਲਜ਼ ‘ਤੇ ਦੋਹਰੇ ਮਕਸਦ ਵਾਲੇ ਟਾਇਰ ਮਿਲਣਗੇ ਜੋ ਟਿਊਬਲੈੱਸ ਨਹੀਂ ਹੋਣਗੇ। ਇਸ ਦੇ ਨਾਲ ਹੀ ਸਰਕੂਲਰ LED ਹੈੱਡਲੈਂਪ ਬਾਈਕ ਨੂੰ ਸ਼ਾਨਦਾਰ ਲੁੱਕ ਦੇਵੇਗਾ।
ਯਾਮਾਹਾ ਆਪਣੀ ਨਵੀਂ ਅਪਡੇਟ ਕੀਤੀ ਬਾਈਕ MT-15 V2 ਨੂੰ ਸਪੋਰਟੀ ਲੁੱਕ ‘ਚ ਪੇਸ਼ ਕਰਨ ਜਾ ਰਹੀ ਹੈ। ਇਹ 155cc VVA ਲਿਕਵਿਡ ਕੂਲਡ ਇੰਜਣ ਦੁਆਰਾ ਸੰਚਾਲਿਤ ਹੈ। ਇਸ ਦੀ ਕੀਮਤ 3000 ਤੋਂ 5000 ਰੁਪਏ ਤੱਕ ਵਧ ਸਕਦੀ ਹੈ। ਫਿਲਹਾਲ ਇਸ ਦਾ ਮੌਜੂਦਾ ਮਾਡਲ 1,64,400 ਰੁਪਏ ‘ਚ ਵੇਚਿਆ ਜਾ ਰਿਹਾ ਹੈ। ਆਟੋਮੋਬਾਈਲ ਕੰਪਨੀ ਡੁਕਾਟੀ ਭਾਰਤੀ ਬਾਜ਼ਾਰ ‘ਚ ਇਕ ਵਾਰ ਫਿਰ ਤੋਂ ਦਹਿਸ਼ਤ ਪੈਦਾ ਕਰਨ ਜਾ ਰਹੀ ਹੈ ਅਤੇ ਜਲਦ ਹੀ ਆਪਣੀ ਨਵੀਂ ਇਲੈਕਟ੍ਰਿਕ ਬਾਈਕ ਨੂੰ ਪੇਸ਼ ਕਰੇਗੀ। ਨਵੀਂ ਇਲੈਕਟ੍ਰਿਕ ਬਾਈਕ ਮੌਜੂਦਾ Streetfighter V4 ਨਾਲ ਮਿਲਦੀ-ਜੁਲਦੀ ਹੋਵੇਗੀ ਅਤੇ ਇਸ ‘ਚ ਫਿਊਲ ਟੈਂਕ ਦੀ ਬਜਾਏ ਬੈਟਰੀ ਪੈਕ ਦਿਖਾਈ ਦੇਵੇਗਾ। ਇਹ ਬਾਈਕ ਫੁੱਲ ਚਾਰਜ ਹੋਣ ‘ਤੇ 250 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰ ਸਕਦੀ ਹੈ ਅਤੇ ਇਸ ਦੀ ਟਾਪ ਸਪੀਡ 199 ਕਿਲੋਮੀਟਰ ਪ੍ਰਤੀ ਘੰਟਾ ਹੋਵੇਗੀ।
