ਰਾਇਲ ਐਨਫੀਲਡ ਹੰਟਰ 350 ਨੂੰ ਭਾਰਤੀ ਬਾਜ਼ਾਰ ‘ਚ ਲਾਂਚ ਕਰ ਦਿੱਤਾ ਗਿਆ ਹੈ। ਇਹ 350cc ਸੈਗਮੈਂਟ ‘ਚ ਕੰਪਨੀ ਦੀ ਸਭ ਤੋਂ ਕੰਪੈਕਟ ਬਾਈਕ ਹੈ, ਜਿਸ ਦੀ ਸਟਾਈਲਿੰਗ ਰਾਇਲ ਐਨਫੀਲਡ ਕਲਾਸਿਕ 350 ਅਤੇ ਰਾਇਲ ਐਨਫੀਲਡ ਮੀਟਿਓਰ ਦੇ ਮੁਕਾਬਲੇ ਕਾਫੀ ਪ੍ਰੀਮੀਅਮ ਅਤੇ ਐਗਰੈਸਿਵ ਹੈ। ਇਹ ਰਾਇਲ ਐਨਫੀਲਡ ਕਲਾਸਿਕ 350 ਨਾਲੋਂ 14 ਕਿਲੋ ਹਲਕਾ ਹੈ। ਇਸ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 1,49,900 ਰੁਪਏ ਹੈ। ਬਾਈਕ ‘ਚ USB ਪੋਰਟ ਹੈ, ਜਿਸ ਦੀ ਮਦਦ ਨਾਲ ਤੁਸੀਂ ਬਾਈਕ ਚਲਾਉਂਦੇ ਸਮੇਂ ਫੋਨ ਨੂੰ ਚਾਰਜ ਵੀ ਕਰ ਸਕਦੇ ਹੋ।
ਭਾਰਤੀ ਬਾਜ਼ਾਰ ‘ਚ ਇਹ ਬਾਈਕ 3 ਵੇਰੀਐਂਟ ‘ਚ ਆਉਂਦੀ ਹੈ। ਇਨ੍ਹਾਂ ਵਿੱਚ ਰੈਟਰੋ ਫੈਕਟਰੀ, ਮੈਟਰੋ ਡੈਪਰ ਅਤੇ ਮੈਟਰੋ ਰੈਬਲ ਸ਼ਾਮਲ ਹਨ। ਬੇਸ ਰੈਟਰੋ ਵੇਰੀਐਂਟ ‘ਚ ਸਪੁੱਕਡ ਵ੍ਹੀਲ ਹਨ। ਇਸ ਦੇ ਨਾਲ ਹੀ ਹਾਇਰ ਵੇਰੀਐਂਟ ਨੂੰ ਬਲੈਕ ਕਲਰ ‘ਚ 17-ਇੰਚ ਦੇ ਵ੍ਹੀਲ ਮਿਲਦੇ ਹਨ। ਮੈਟਰੋ ਵੇਰੀਐਂਟ ‘ਚ 6 ਕਲਰ ਆਪਸ਼ਨ ਉਪਲਬਧ ਹਨ। ਇਸ ਦੇ ਨਾਲ ਹੀ Retro ‘ਚ 2 ਕਲਰ ਆਪਸ਼ਨ ਉਪਲਬਧ ਹਨ। ਕੁੱਲ ਮਿਲਾ ਕੇ, ਤੁਸੀਂ 8 ਰੰਗ ਵਿਕਲਪਾਂ ਵਿੱਚ ਹੰਟਰ 350 ਖਰੀਦ ਸਕਦੇ ਹੋ।
ਹੰਟਰ 350 ਵਿੱਚ ਸਰਕੂਲਰ ਹੈੱਡਲੈਂਪਸ, ਫੋਰਕ ਕਵਰ ਗੇਟਰਸ ਅਤੇ ਇੱਕ ਆਫਸੈੱਟ ਇੰਸਟਰੂਮੈਂਟ ਕਲਸਟਰ ਮਿਲਦਾ ਹੈ। ਇਹ ਇੰਸਟਰੂਮੈਂਟ ਕਲੱਸਟਰ Meteor 350 ਅਤੇ Scrum 411 ਦੇ ਸਮਾਨ ਹੈ। ਬਾਈਕ ਦਾ ਸਵਿਚਗੀਅਰ ਅਤੇ ਪਕੜ ਵੀ ਮੀਟੀਓਰ ਵਰਗੀ ਦਿਖਾਈ ਦਿੰਦੀ ਹੈ।
ਇਸ ਦਾ ਵ੍ਹੀਲਬੇਸ ਕਲਾਸਿਕ ਤੋਂ 20 ਮਿਲੀਮੀਟਰ ਛੋਟਾ ਅਤੇ ਮੀਟੀਅਰ ਤੋਂ 30 ਮਿਲੀਮੀਟਰ ਛੋਟਾ ਹੈ। ਇਸ ਦਾ ਕਰਬ ਵਜ਼ਨ 181 ਕਿਲੋਗ੍ਰਾਮ ਹੈ। ਮੈਟਰੋ ਵੇਰੀਐਂਟ ‘ਚ ਡਿਊਲ ਡਿਸਕ ਬ੍ਰੇਕ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ ਸੁਰੱਖਿਆ ਲਈ ਇਸ ‘ਚ ਡਿਊਲ ਚੈਨਲ ABS ਮੌਜੂਦ ਹੈ। ਇਸ ਦੇ ਨਾਲ ਹੀ, ਰੈਟਰੋ ਨੂੰ ਅਗਲੇ ਪਾਸੇ ਡਿਸਕ ਬ੍ਰੇਕ ਅਤੇ ਪਿਛਲੇ ਪਾਸੇ ਡਰੱਮ ਬ੍ਰੇਕ ਮਿਲੇਗੀ, ਜਦਕਿ, ਸੁਰੱਖਿਆ ਲਈ ਸਿੰਗਲ ਚੈਨਲ ABS ਉਪਲਬਧ ਹੋਵੇਗਾ।
ਪਾਵਰ ਲਈ ਇਸ ਵਿੱਚ 349cc J-ਸੀਰੀਜ਼ ਇੰਜਣ ਹੈ। ਇਸ ਦਾ ਇੰਜਣ 6,100 RPM ‘ਤੇ 20.2 bhp ਦੀ ਅਧਿਕਤਮ ਪਾਵਰ ਅਤੇ 4,000 RPM ‘ਤੇ 27 Nm ਪੀਕ ਟਾਰਕ ਜਨਰੇਟ ਕਰਦਾ ਹੈ।
ਭਾਰਤੀ ਬਾਜ਼ਾਰ ‘ਚ ਇਸ ਦਾ ਮੁਕਾਬਲਾ TVS ਰੋਨਿਨ (1.49-1.69 ਲੱਖ ਰੁਪਏ), ਹੌਂਡਾ CB 350 (2.03-2.04 ਲੱਖ ਰੁਪਏ) ਅਤੇ ਜਾਵਾ 42 (1.67-1.81 ਲੱਖ ਰੁਪਏ) ਅਤੇ ਯੇਜ਼ਦੀ ਰੋਡਸਟਰ (1.29-20 ਲੱਖ ਰੁਪਏ) ਵਰਗੀਆਂ ਬਾਈਕਸ ਨਾਲ ਹੋਵੇਗਾ।