ਨੌਜਵਾਨਾਂ ਦੀ ਸਭ ਤੋਂ ਪਹਿਲੀ ਪਸੰਦ ਰਾਇਲ ਐਨਫੀਲਡ ਹੁਣ ਐਂਟਰੀ-ਲੈਵਲ ਕਲਾਸਿਕ ਤੋਂ ਲੈ ਕੇ 650cc ਕਰੂਜ਼ਰ ਤੱਕ ਨਵੇਂ ਮੋਟਰਸਾਈਕਲਾਂ ਦੀ ਵਿਸ਼ਾਲ ਸ਼੍ਰੇਣੀ ‘ਤੇ ਕੰਮ ਕਰ ਰਹੀ ਹੈ। ਇੱਕ ਨਵੀਂ ਮੀਡੀਆ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਰਾਇਲ ਐਨਫੀਲਡ ਨਵੇਂ ਐਂਟਰੀ-ਲੇਵਲ ਬ੍ਰਾਂਡ ਕੋਡਨੇਮ J1C1 ‘ਤੇ ਕੰਮ ਕਰ ਰਹੀ ਹੈ। ਨਵੇਂ ਬ੍ਰਾਂਡ ਨੂੰ ਇਸ ਸਾਲ ਦੇ ਅੰਤ ਤੱਕ ਦੇਸ਼ ‘ਚ ਲਾਂਚ ਕੀਤੇ ਜਾਣ ਦੀ ਖਬਰ ਹੈ। J1C1 ਨੂੰ ਕਥਿਤ ਤੌਰ ‘ਤੇ ਰਾਇਲ ਐਨਫੀਲਡ ਹੰਟਰ ਕਿਹਾ ਜਾ ਰਿਹਾ ਹੈ।
ਇੰਜਣ ਬਾਰੇ ਅਜੇ ਤੱਕ ਪੂਰੀ ਤਰਾਂ ਵੇਰਵੇ ਸਾਹਮਣੇ ਨਹੀਂ ਆਏ ਹਨ। ਇਹ ਬੁਲੇਟ 350 ਦੇ ਨਾਲ 346cc, ਏਅਰ-ਕੂਲਡ, ਸਿੰਗਲ-ਸਿਲੰਡਰ ਇੰਜਣ ਨੂੰ ਸਾਂਝਾ ਕਰ ਸਕਦਾ ਹੈ। ਇਹ ਇੰਜਣ 19.4 PS ਦੀ ਪਾਵਰ ਅਤੇ 28 Nm ਦਾ ਟਾਰਕ ਜਨਰੇਟ ਕਰ ਸਕਦਾ ਹੈ।
ਨਵੀਂ ਐਂਟਰੀ-ਲੇਵਲ ਮੋਟਰਸਾਈਕਲ ਦੇ ਸਿੰਗਲ-ਚੈਨਲ ABS ਸਿਸਟਮ ਦੇ ਨਾਲ ਡਿਸਕ ਬ੍ਰੇਕ ਨਾਲ ਲੈਸ ਹੋਣ ਦੀ ਸੰਭਾਵਨਾ ਹੈ। LED ਲਾਈਟਾਂ ਦੀ ਬਜਾਏ, J1C2 ਨੂੰ ਹੈਲੋਜਨ ਲਾਈਟਾਂ ਮਿਲ ਸਕਦੀਆਂ ਹਨ। ਬਾਈਕ ਨੂੰ ਸੈਮੀ-ਡਿਜੀਟਲ ਇੰਸਟਰੂਮੈਂਟ ਕੰਸੋਲ ਅਤੇ ਸਿੰਗਲ ਸੀਟ ਮਿਲ ਸਕਦੀ ਹੈ। ਇਸ ‘ਚ ਰਾਇਲ ਐਨਫੀਲਡ ਦੇ ਟ੍ਰਿਪਰ ਨੇਵੀਗੇਸ਼ਨ ਸਿਸਟਮ ਨੂੰ ਹਟਾਇਆ ਜਾ ਸਕਦਾ ਹੈ।
ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਨਵੀਂ ਐਂਟਰੀ-ਲੇਵਲ ਮੋਟਰਸਾਈਕਲ ਸਭ ਤੋਂ ਕਿਫਾਇਤੀ ਮੋਟਰਸਾਈਕਲ ਹੋਵੇਗੀ, ਅਤੇ ਇਸਦੀ ਕੀਮਤ 1.3 ਲੱਖ ਰੁਪਏ ਤੋਂ ਘੱਟ ਹੋਣ ਦੀ ਸੰਭਾਵਨਾ ਹੈ।
