Suzuki Motorcycle India (Suzuki Motorcycle India) ਨੇ OBD2-A ਪਾਲਣਾ ਨਿਯਮਾਂ ਦੇ ਨਾਲ ਆਪਣੀ ਸੁਪਰਬਾਈਕ 2023 Hayabusa (2023 Hayabusa) ਨੂੰ ਲਾਂਚ ਕੀਤਾ ਹੈ। ਦਿੱਲੀ ‘ਚ 2023 Suzuki Hayabusa ਦੀ ਐਕਸ-ਸ਼ੋਰੂਮ ਕੀਮਤ 16.90 ਲੱਖ ਰੁਪਏ ਹੈ। ਇਹ ਬਾਈਕ ਕੰਪਨੀ ਦੀ ਬਿਗ ਬਾਈਕ ਡੀਲਰਸ਼ਿਪ ‘ਤੇ ਉਪਲਬਧ ਹੈ। ਇਸ ਵਿੱਚ ਨਵੇਂ ਦੋ-ਟੋਨ ਰੰਗ ਸ਼ਾਮਲ ਹਨ – ਮੈਟਲਿਕ ਥੰਡਰ ਗ੍ਰੇ ਅਤੇ ਕੈਂਡੀ ਡੇਰਿੰਗ ਰੈੱਡ, ਮੈਟਲਿਕ ਮੈਟ ਬਲੈਕ ਨੰਬਰ 2 ਅਤੇ ਗਲਾਸ ਸਪਾਰਕਲ ਬਲੈਕ, ਅਤੇ ਪਰਲ ਵਿਗੋਰ ਬਲੂ ਅਤੇ ਪਰਲ ਬ੍ਰਿਲਿਅੰਟ ਵ੍ਹਾਈਟ।
Suzuki Hayabusa ‘ਚ ਕੋਈ ਮਕੈਨੀਕਲ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਬਾਈਕ ਨੂੰ 1,340 ਸੀਸੀ ਇਨ-ਲਾਈਨ ਚਾਰ-ਸਿਲੰਡਰ, ਲਿਕਵਿਡ-ਕੂਲਡ, DOHC ਇੰਜਣ ਮਿਲਣਾ ਜਾਰੀ ਹੈ। ਇਹ ਇੰਜਣ 187 bhp ਦੀ ਪਾਵਰ ਅਤੇ 150 Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇਸ ਇੰਜਣ ਦੇ ਨਾਲ ਇੱਕ 6-ਸਪੀਡ ਗਿਅਰਬਾਕਸ ਉਪਲਬਧ ਹੈ। Hayabusa ਵਿੱਚ ਇੱਕ ਟਵਿਨ-ਸਪਾਰ ਐਲੂਮੀਨੀਅਮ ਫਰੇਮ ਅਤੇ ਸਵਿੰਗਆਰਮ, ਟਾਪ-ਸਪੈਕ ਹਾਰਡਵੇਅਰ ਦੇ ਨਾਲ ਸ਼ਾਮਲ ਹਨ।
