Tata Motors ਨੇ Tigor EV ਨੂੰ ਅਪਡੇਟ ਕੀਤਾ ਹੈ। ਹੁਣ Tigor EV ਫੁੱਲ ਚਾਰਜ ਹੋਣ ‘ਤੇ 315 ਕਿਲੋਮੀਟਰ ਚਲੇਗੀ। ਇਸ ਦੀ ਸ਼ੁਰੂਆਤੀ ਕੀਮਤ 12.49 ਲੱਖ ਰੁਪਏ ਰੱਖੀ ਗਈ ਹੈ। ਕੰਪਨੀ ਨੇ Tigor EV ਦੇ ਵੇਰੀਐਂਟ ਨੂੰ ਵੀ ਬਦਲਿਆ ਹੈ ਅਤੇ ਹੁਣ XZ+ LUX ਨੂੰ ਟਾਪ ਵੇਰੀਐਂਟ ਵਜੋਂ ਪੇਸ਼ ਕੀਤਾ ਹੈ।
ਨਵੀਂ Tata Tigor ਦੇ ਇਲੈਕਟ੍ਰਿਕ ਸੰਸਕਰਣ ਵਿੱਚ, ਤੁਸੀਂ ਹੁਣ ਇੱਕ ਵਾਰ ਫੁੱਲ ਚਾਰਜ ‘ਤੇ 315 ਕਿਲੋਮੀਟਰ ਤੱਕ ਦਾ ਸਫਰ ਕਰ ਸਕਦੇ ਹੋ। ਪਹਿਲੇ ਮਾਡਲਾਂ ‘ਚ ਇਹ ਰੇਂਜ 306 ਕਿਲੋਮੀਟਰ ਸੀ।
ਨਵੀਂ Tata Tigor EV ਨੂੰ ਫਾਸਟ ਚਾਰਜਰ ਨਾਲ 59 ਮਿੰਟਾਂ ‘ਚ 10 ਤੋਂ 80% ਤੱਕ ਚਾਰਜ ਕੀਤਾ ਜਾ ਸਕਦਾ ਹੈ। ਦੂਜੇ ਪਾਸੇ, ਹੋਮ ਚਾਰਜਿੰਗ ਵਿੱਚ, ਇਹ ਲਗਭਗ 8.5 ਘੰਟਿਆਂ ਵਿੱਚ 0 ਤੋਂ 80% ਤੱਕ ਚਾਰਜ ਹੋ ਜਾਵੇਗਾ। ਇਸ ਕਾਰ ਨੂੰ 15A ਸਾਕੇਟ ਤੋਂ ਚਾਰਜ ਕੀਤਾ ਜਾ ਸਕਦਾ ਹੈ। ਜੋ ਸਾਡੇ ਘਰ ਅਤੇ ਦਫਤਰ ਵਿੱਚ ਆਸਾਨੀ ਨਾਲ ਉਪਲਬਧ ਹਨ।
ਟਾਟਾ ਦੀ ਇਸ ਇਲੈਕਟ੍ਰਿਕ ਕਾਰ ਵਿੱਚ 55kW ਦੀ ਇਲੈਕਟ੍ਰਿਕ ਮੋਟਰ ਅਤੇ 26kWh ਦੀ ਲਿਥੀਅਮ-ਆਇਨ ਬੈਟਰੀ ਪੈਕ ਹੋਵੇਗੀ, ਜੋ 74bhp (55kW) ਤੱਕ ਦੀ ਪਾਵਰ ਅਤੇ 170Nm ਤੱਕ ਦਾ ਟਾਰਕ ਜਨਰੇਟ ਕਰੇਗੀ। ਇਹ ਇਲੈਕਟ੍ਰਿਕ ਕਾਰ ਸਿਰਫ 5.7 ਸੈਕਿੰਡ ‘ਚ 60 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਫੜ ਲਵੇਗੀ।
ਅਪਡੇਟ ਕੀਤੀ ਟਿਗੋਰ ਈਵੀ ਵਿੱਚ ਹੋਰ ਵਿਸ਼ੇਸ਼ਤਾਵਾਂ ਸ਼ਾਮਲ ਕੀਤੀਆਂ ਗਈਆਂ ਹਨ ਜਿਵੇਂ ਕਿ ਲੈਦਰੇਟ ਅਪਹੋਲਸਟ੍ਰੀ, ਕਰੂਜ਼ ਕੰਟਰੋਲ, ਆਟੋ ਹੈੱਡਲੈਂਪਸ, ਰੇਨ-ਸੈਂਸਿੰਗ ਵਾਈਪਰ ਅਤੇ ਲੈਦਰ-ਰੈਪਡ ਸਟੀਅਰਿੰਗ ਵ੍ਹੀਲ। ਕੰਪਨੀ ਕਾਰ ‘ਤੇ 8 ਸਾਲ ਦੇ ਨਾਲ 1,60,000 ਕਿਲੋਮੀਟਰ ਤੱਕ ਦੀ ਬੈਟਰੀ ਵਾਰੰਟੀ ਦੇਵੇਗੀ।
Tigor EV ਦੇ ਸੇਫਟੀ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ ‘ਚ ABS ਅਤੇ EBD ਦੇ ਨਾਲ Hill Ascent, Hill Descent Control, Dual Airbags, Cornering Stability Control ਵਰਗੇ ਫੀਚਰਸ ਮਿਲ ਰਹੇ ਹਨ। ਇਸ ਤੋਂ ਇਲਾਵਾ, ਇਹ ਕਾਰ IP67 ਰੇਟਡ ਬੈਟਰੀ ਪੈਕ ਅਤੇ ਮੋਟਰ ਨਾਲ ਲੈਸ ਹੈ।