ਫਲਾਈਟ ਰਾਹੀਂ ਸਫਰ ਕਰਨ ਨਾਲ ਜਿਥੇ ਇਕ ਪਾਸੇ ਸਮੇਂ ਦੀ ਬਚਤ ਹੁੰਦੀ ਹੈ ਉਥੇ ਹੀ ਇਹ ਕਾਫੀ ਸੁਰੱਖਿਅਤ ਵੀ ਮੰਨਿਆ ਜਾਂਦਾ ਹੈ। ਹਾਲਾਂਕਿ ਫਲਾਈਟ ‘ਚ ਸਫਰ ਦੌਰਾਨ ਕਈ ਚੀਜ਼ਾਂ ਦਾ ਖਾਸ ਖ਼ਿਆਲ ਰੱਖਣਾ ਚਾਹੀਦਾ ਹੈ, ਤਾਂ ਜੋ ਸਫਰ ਦੌਰਾਨ ਕੋਈ ਸਮੱਸਿਆ ਨਾ ਆਵੇ। ਅੱਜ ਅਸੀਂ ਤੁਹਾਨੂੰ ਜਹਾਜ਼ ‘ਚ ਸਫਰ ਕਰਨ ਲਈ ਕੁਝ ਟਿਪਸ, ਸਾਵਧਾਨੀਆਂ ਅਤੇ ਹੋਰ ਜ਼ਰੂਰੀ ਜਾਣਕਾਰੀਆਂ ਬਾਰੇ ਦੱਸਾਂਗੇ, ਜਿਸ ਨਾਲ ਪਹਿਲੀ ਵਾਰ ਜਹਾਜ਼ ‘ਚ ਸਫਰ ਕਰਨਾ ਤੁਹਾਡੇ ਲਈ ਆਸਾਨ ਹੋ ਜਾਵੇਗਾ।
ਇੱਕ ਈ-ਟਿਕਟ ਦੀ ਕਾਪੀ ਅਤੇ ਆਈਡੀ ਰੱਖੋ ਕੋਲ
ਕਈ ਵਾਰ ਲੋਕ ਸਫ਼ਰ ਦੌਰਾਨ ਕਾਹਲੀ ਵਿੱਚ ਕਾਗਜ਼ਾਤ ਲੈ ਕੇ ਜਾਣਾ ਭੁੱਲ ਜਾਂਦੇ ਹਨ। ਇਸ ਲਈ ਹਵਾਈ ਯਾਤਰਾ ‘ਤੇ ਜਾਣ ਤੋਂ ਪਹਿਲਾਂ ਆਪਣੇ ਨਾਲ ਹਾਰਡ ਕਾਪੀ ਦੇ ਨਾਲ-ਨਾਲ ਏਅਰ ਟਿਕਟ ਦੀ ਸਾਫਟ ਕਾਪੀ ਭਾਵ ਈ-ਟਿਕਟ ਲੈਣਾ ਨਾ ਭੁੱਲੋ। ਇਸ ਦੇ ਨਾਲ, ਤੁਹਾਨੂੰ ਇੱਕ ਪਛਾਣ ਪੱਤਰ, ਜਿਵੇਂ ਕਿ ਆਧਾਰ, ਪੈਨ ਜਾਂ ਪਾਸਪੋਰਟ ਆਦਿ ਨਾਲ ਰੱਖਣਾ ਹੋਵੇਗਾ।
ਪਾਣੀ
ਪਾਣੀ ਪੀਣਾ ਸਿਹਤ ਦੇ ਨਜ਼ਰੀਏ ਤੋਂ ਬਹੁਤ ਫਾਇਦੇਮੰਦ ਹੁੰਦਾ ਹੈ ਪਰ ਜੇਕਰ ਤੁਸੀਂ ਫਲਾਈਟ ‘ਚ ਸਫਰ ਕਰਨ ਜਾ ਰਹੇ ਹੋ ਤਾਂ ਚੰਗੀ ਮਾਤਰਾ ‘ਚ ਪਾਣੀ ਪੀਣਾ ਚਾਹੀਦਾ ਹੈ। ਇਹ ਯਾਤਰਾ ਦੌਰਾਨ ਤੁਹਾਨੂੰ ਹਾਈਡਰੇਟ ਰੱਖੇਗਾ। ਹਰ ਯਾਤਰਾ ਦੌਰਾਨ ਘੱਟੋ-ਘੱਟ 470 ਮਿਲੀਲੀਟਰ ਪਾਣੀ ਪੀਣਾ ਚਾਹੀਦਾ ਹੈ। ਇਸ ਨਾਲ ਤੁਸੀਂ ਬਿਮਾਰ ਨਹੀਂ ਹੋਵੋਗੇ।
ਵਿੰਡੋ
ਫਲਾਈਟ ‘ਚ ਸਫਰ ਦੌਰਾਨ ਲੋਕ ਅਕਸਰ ਵਿੰਡੋ ਸੀਟ ਭਾਵ ਖਿੜਕੀ ਵਾਲੀ ਸੀਟ ਦੀ ਮੰਗ ਕਰਦੇ ਹਨ। ਹਾਲਾਂਕਿ, ਜੇਕਰ ਤੁਸੀਂ ਵਿੰਡੋ ਸੀਟ ‘ਤੇ ਸਫਰ ਕਰ ਰਹੇ ਹੋ, ਤਾਂ ਤੁਹਾਨੂੰ ਖਿੜਕੀ ਦੇ ਨਾਲ ਸਿਰ ਝੁਕਾ ਕੇ ਨਹੀਂ ਸੌਣਾ ਚਾਹੀਦਾ। ਕਿਉਂਕਿ ਇਹ ਜਗ੍ਹਾ ਗੰਦੀ ਹੋ ਸਕਦੀ ਹੈ। ਪਤਾ ਨਹੀਂ ਕਿੰਨੇ ਲੋਕਾਂ ਨੇ ਇੱਥੇ ਸਿਰ ਰੱਖਿਆ ਹੋਵੇਗਾ। ਅਜਿਹਾ ਕਰਨ ਨਾਲ ਤੁਸੀਂ ਸੰਕਰਮਿਤ ਹੋ ਸਕਦੇ ਹੋ।
ਛੋਟੇ ਕਪੜੇ
ਫਲਾਈਟ ‘ਚ ਦਾਖਲ ਹੁੰਦੇ ਹੀ ਹਰ ਜਗ੍ਹਾ ਸਾਫ-ਸੁਥਰੀ ਨਜ਼ਰ ਆਉਂਦੀ ਹੈ। ਹਾਲਾਂਕਿ, ਸੀਟਾਂ ਤੋਂ ਹਰ ਕੋਨੇ ਤੱਕ ਕਈ ਤਰ੍ਹਾਂ ਦੇ ਬੈਕਟੀਰੀਆ ਅਤੇ ਵਾਇਰਸ ਮੌਜੂਦ ਹੋ ਸਕਦੇ ਹਨ। ਬਹੁਤ ਸਾਰੇ ਲੋਕ ਆਰਾਮਦਾਇਕ ਯਾਤਰਾ ਲਈ ਸ਼ਾਰਟਸ ਪਹਿਨਦੇ ਹਨ, ਪਰ ਅਜਿਹਾ ਕਰਨਾ ਬਿਲਕੁਲ ਵੀ ਸੁਰੱਖਿਅਤ ਨਹੀਂ ਹੈ, ਕਿਉਂਕਿ ਇਹ ਤੁਹਾਨੂੰ ਸੰਕਰਮਿਤ ਕਰ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ, ਸਰੀਰ ਨੂੰ ਪੂਰੀ ਤਰ੍ਹਾਂ ਢੱਕ ਕੇ ਰੱਖਣਾ ਚਾਹੀਦਾ ਹੈ।
ਸਾਮਾਨ
ਜਦੋਂ ਅਸੀਂ ਫਲਾਈਟ ਰਾਹੀਂ ਯਾਤਰਾ ਕਰ ਰਹੇ ਹੁੰਦੇ ਹਾਂ, ਤਾਂ ਤੁਸੀਂ ਜਿੱਥੇ ਜਾ ਰਹੇ ਹੋ, ਉਸ ਸਥਾਨ ਦੇ ਮੌਸਮ ਦੇ ਅਨੁਸਾਰ ਤੁਹਾਨੂੰ ਕਿਹੜੀਆਂ ਚੀਜ਼ਾਂ ਦੀ ਜ਼ਰੂਰਤ ਹੈ, ਬਾਰੇ ਯੋਜਨਾ ਬਣਾਓ। ਨਾਲ ਹੀ, ਏਅਰਲਾਈਨ ਬਾਰੇ ਵੀ ਪਤਾ ਲਗਾਓ ਕਿ ਉਹ ਕਿੰਨਾ ਭਾਰ ਸਾਮਾਨ ਲੋਡ ਕਰਨ ਦੀ ਇਜਾਜ਼ਤ ਦੇ ਰਹੀ ਹੈ। ਸਾਰੀਆਂ ਏਅਰਲਾਈਨਾਂ ਦੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਰੂਟਾਂ ਲਈ ਵੱਖ-ਵੱਖ ਨਿਯਮ ਹਨ।