ਮੁੰਬਈ ਦੇ ਰਾਏਗੜ੍ਹ ਜ਼ਿਲੇ ਦੇ ਸ਼੍ਰੀਵਰਧਨ ‘ਚ ਇਕ ਕਿਸ਼ਤੀ ਦੇ ਸ਼ੱਕੀ ਹਾਲਤ ‘ਚ ਮਿਲਣ ਤੋਂ ਬਾਅਦ ਰਾਏਗੜ੍ਹ ਜ਼ਿਲੇ ‘ਚ ਹਾਈ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਕਿਸ਼ਤੀ ਵਿੱਚੋਂ ਏਕੇ-47 ਰਾਈਫਲਾਂ ਮਿਲੀਆਂ ਹਨ। ਪੁਲੀਸ ਨੇ ਸੁਰੱਖਿਆ ਕਾਰਨਾਂ ਕਰਕੇ ਜ਼ਿਲ੍ਹੇ ਭਰ ਵਿੱਚ ਨਾਕਾਬੰਦੀ ਕਰ ਦਿੱਤੀ ਹੈ। ਇਸ ਤੋਂ ਇਲਾਵਾ ਹਰੀਹਰੇਸ਼ਵਰ ‘ਚ ਇਕ ਛੋਟੀ ਕਿਸ਼ਤੀ ਮਿਲੀ, ਜਿਸ ‘ਚ ਲਾਈਫ ਜੈਕਟ ਅਤੇ ਕੁਝ ਸ਼ੱਕੀ ਵਸਤੂਆਂ ਮਿਲੀਆਂ। ਇਸ ਘਟਨਾ ਨੇ ਸਨਸਨੀ ਮਚਾ ਦਿੱਤੀ ਹੈ। ਪੁਲੀਸ ਨੇ ਜ਼ਿਲ੍ਹੇ ਭਰ ਵਿੱਚ ਨਾਕਾਬੰਦੀ ਕਰ ਦਿੱਤੀ ਹੈ।
ਖਬਰਾਂ ਮੁਤਾਬਕ ਸ਼੍ਰੀਵਰਧਨ ਦੇ ਹਰੀਹਰੇਸ਼ਵਰ ਅਤੇ ਭਰਦਖੋਲ ‘ਚ ਕਿਸ਼ਤੀਆਂ ਮਿਲੀਆਂ ਹਨ। ਹਰੀਹਰੇਸ਼ਵਰ ਵਿੱਚ ਕਿਸ਼ਤੀ ਵਿੱਚੋਂ ਦੋ-ਤਿੰਨ ਏਕੇ-47 ਅਤੇ ਰਾਈਫਲ ਦੀਆਂ ਗੋਲੀਆਂ ਮਿਲੀਆਂ ਹਨ। ਦੋਵਾਂ ਕਿਸ਼ਤੀਆਂ ਦੇ ਨੇੜੇ ਕੋਈ ਵਿਅਕਤੀ ਨਹੀਂ ਮਿਲਿਆ ਹੈ।