ਪੱਛਮੀ ਘਾਨਾ ਵਿੱਚ ਇੱਕ ਟਰੱਕ ਧਮਾਕੇ ਵਿੱਚ 17 ਲੋਕਾਂ ਦੀ ਮੌਤ ਹੋ ਗਈ ਹੈ। ਦਸ ਦਈਏ ਕਿ ਇਹ ਟਰੱਕ ਸੋਨੇ ਦੀ ਖਾਨ ਲਈ ਵਿਸਫੋਟਕ ਲੈ ਕੇ ਜਾ ਰਿਹਾ ਸੀ ਅਤੇ ਅਚਾਨਕ ਮੋਟਰਸਾਈਕਲ ਨਾਲ ਟਕਰਾਉਣ ਤੋਂ ਬਾਅਦ ਇਹ ਹਾਦਸਾ ਵਾਪਰਿਆ। ਧਮਾਕੇ ਕਾਰਨ ਜ਼ਮੀਨ ਵਿੱਚ ਇੱਕ ਵੱਡਾ ਟੋਆ ਪੈ ਗਿਆ ਅਤੇ ਦਰਜਨਾਂ ਇਮਾਰਤਾਂ ਢਹਿ ਗਈਆਂ। ਧਮਾਕੇ ਵਿੱਚ 60 ਤੋਂ ਵੱਧ ਜ਼ਖਮੀ ਦੱਸੇ ਜਾ ਰਹੇ ਹਨ।
ਪ੍ਰੈਸਟੀ ਹੂਨੀ-ਵਾਦੀ ਦੀ ਮਿਉਂਸਪਲ ਸਰਕਾਰ ਦੇ ਮੁਖੀ ਇਸਹਾਕ ਦਾਸਮਨੀ ਨੇ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ ਅਧਿਕਾਰੀਆਂ ਨੇ ਹੁਣ ਤੱਕ 17 ਲਾਸ਼ਾਂ ਬਰਾਮਦ ਕੀਤੀਆਂ ਹਨ। 60 ਤੋਂ ਵੱਧ ਜ਼ਖਮੀਆਂ ਨੂੰ ਸਥਾਨਕ ਹਸਪਤਾਲਾਂ ‘ਚ ਲਿਜਾਇਆ ਗਿਆ ਹੈ। ਇਹ ਧਮਾਕਾ ਘਾਨਾ ਦੇ ਪੱਛਮੀ ਖੇਤਰ ਵਿੱਚ ਬੋਗੋਸੋ ਅਤੇ ਬਾਵਦੀ ਦੇ ਵਿਚਕਾਰ ਐਪੀਏਟ ਵਿੱਚ ਹੋਇਆ। ਸਥਾਨਕ ਅਧਿਕਾਰੀਆਂ ਨੇ ਦੱਸਿਆ ਕਿ ਨੇੜਲੇ ਹਸਪਤਾਲ ਅਤੇ ਕਲੀਨਿਕ ਪੀੜਤਾਂ ਨਾਲ ਭਰ ਗਏ ਹਨ।
