ਪੰਜਾਬ ਕਾਂਗਰਸ ਦੇ ਨਵੇਂ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਵੀ ਨਵਜੋਤ ਸਿੱਧੂ ਵਰਗਾ ਹੀ ਅੰਦਾਜ਼ ਦਿਖਾਇਆ ਹੈ। ਹੁਸ਼ਿਆਰਪੁਰ ‘ਚ ਰਾਜਾ ਵੜਿੰਗ ਨੇ ਕਿਹਾ ਕਿ ਹਰੀਸ਼ ਚੌਧਰੀ (ਪੰਜਾਬ ਕਾਂਗਰਸ ਇੰਚਾਰਜ) ਮੈਨੂੰ 5 ਸਾਲ ਦਾ ਮੌਕਾ ਦੇਣਗੇ। ਸਭ ਨੇ ਮੈਨੂੰ ਕਿਹਾ ਕਿ 3 ਸਾਲਾਂ ਵਿੱਚ ਹੀ ਹਟਾ ਦੇਣਗੇ। ਵੜਿੰਗ ਨੇ ਕਿਹਾ ਕਿ ਮੈਂ ਵੀ ਇੰਨਾ ਕੱਚਾ ਨਹੀਂ ਹਾਂ। ਮੈਂ 3 ਸਾਲਾਂ ਵਿੱਚ ਹੀ ਠੋਸ ਕੰਮ ਕਰਾਂਗਾ। ਜੇਕਰ ਤੁਸੀਂ ਇਸ ਤੋਂ ਬਾਅਦ ਮੈਨੂੰ ਹਟਾਉਂਦੇ ਹੋ ਤਾਂ ਕਾਂਗਰਸ ਵਾਲੇ ਉਨ੍ਹਾਂ ਤੋਂ ਹੀ ਸਵਾਲ ਪੁੱਛਣਗੇ। ਵੜਿੰਗ ਦੇ ਇਹ ਸ਼ਬਦ ਹਰੀਸ਼ ਚੌਧਰੀ ਦੇ ਬਹਾਨੇ ਕਾਂਗਰਸ ਹਾਈਕਮਾਂਡ ਲਈ ਸਿੱਧੇ ਤੌਰ ‘ਤੇ ਸਮਝੇ ਜਾ ਰਹੇ ਹਨ।
ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਸਿੱਧੇ ਤੌਰ ‘ਤੇ ਕੈਪਟਨ ਅਮਰਿੰਦਰ ਸਿੰਘ ਵਾਂਗ ਕਾਂਗਰਸ ‘ਤੇ ਹਾਵੀ ਹੋਣਾ ਚਾਹੁੰਦੇ ਹਨ। ਕੈਪਟਨ ਵੀ ਕਾਂਗਰਸ ਦੇ ਪ੍ਰਧਾਨ ਸਨ ਅਤੇ ਫਿਰ ਪਾਰਟੀ ਨੂੰ ਸੱਤਾ ਮਿਲਣ ‘ਤੇ ਸੀ.ਐੱਮ. ਬਣੇ| ਕਾਂਗਰਸ ਦੇ ਕੋਲ ਮੁੱਖ ਮੰਤਰੀ ਉਮੀਦਵਾਰ ਲਈ ਬਹੁਤ ਕੁਝ ਨਹੀਂ ਬਚਿਆ ਹੈ। ਸਿੱਧੂ ਇਸ ਵੇਲੇ ਜੇਲ੍ਹ ਵਿੱਚ ਹਨ ਅਤੇ ਪਿਛਲੀਆਂ ਚੋਣਾਂ ਵਿੱਚ ਕਾਂਗਰਸ ਲੀਡਰਸ਼ਿਪ ਨੇ ਉਨ੍ਹਾਂ ਨੂੰ ਨਕਾਰ ਦਿੱਤਾ ਸੀ। ਚਰਨਜੀਤ ਚੰਨੀ ਮੁੱਖ ਮੰਤਰੀ ਹੋਣ ਦੇ ਬਾਵਜੂਦ 2 ਸੀਟਾਂ ਤੋਂ ਚੋਣ ਹਾਰ ਗਏ ਸਨ। ਇਸ ਸਮੇਂ ਉਨ੍ਹਾਂ ਨੇ ਸਾਰਿਆਂ ਤੋਂ ਦੂਰੀ ਬਣਾ ਕੇ ਰੱਖੀ ਹੈ। ਇਸ ਲਈ ਰਾਜਾ ਵੜਿੰਗ ਚਾਹੁੰਦੇ ਹਨ ਕਿ ਹੁਣ ਪੂਰੀ ਪਾਰਟੀ ਉਨ੍ਹਾਂ ਦੇ ਨਾਲ ਰਹੇ।
----------- Advertisement -----------
ਰਾਜਾ ਵੜਿੰਗ ਦੀ ਹਰੀਸ਼ ਚੌਧਰੀ ਦੇ ਸਾਹਮਣੇ ਹਾਈਕਮਾਨ ਨੂੰ 5 ਸਾਲ ਤੋਂ ਪਹਿਲਾਂ ਨਾ ਬਦਲਣ ਦੀ ‘ਚੇਤਾਵਨੀ
Published on
----------- Advertisement -----------
----------- Advertisement -----------












