- ਫੌਜਾਂ ਨੂੰ ਚੀਨ ਦੀ ਸਰਹੱਦ ਤੱਕ ਪਹੁੰਚ ਹੋਵੇਗੀ ਆਸਾਨ
ਸੁਪਰੀਮ ਕੋਰਟ ਨੇ ਚਾਰਧਾਮ ਰੋਡ ਪ੍ਰਾਜੈਕਟ ਤਹਿਤ ਦੋ ਮਾਰਗੀ ਸੜਕ ਬਣਾਉਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸੁਪਰੀਮ ਕੋਰਟ ਨੇ ਬਲਾਂ ਲਈ ਰਣਨੀਤਕ ਮਹੱਤਵ ਦੇ ਮੱਦੇਨਜ਼ਰ ਡਬਲ ਲੇਨ ਸੜਕ ਦੇ ਨਿਰਮਾਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਚੀਨ ਨਾਲ ਤਾਜ਼ਾ ਤਣਾਅ ਦੇ ਮੱਦੇਨਜ਼ਰ, ਇਸ ਸੜਕ ਰਾਹੀਂ ਫੌਜਾਂ ਲਈ ਚੀਨੀ ਸਰਹੱਦ ਤੱਕ ਪਹੁੰਚਣਾ ਆਸਾਨ ਹੋ ਜਾਵੇਗਾ। ਅਦਾਲਤ ਨੇ 8 ਸਤੰਬਰ 2020 ਦੇ ਆਪਣੇ ਹੁਕਮ ਵਿੱਚ ਸੋਧ ਕਰਕੇ ਇਸ ਪ੍ਰਾਜੈਕਟ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਚਾਰਧਾਮ ਪ੍ਰੋਜੈਕਟ ਦੇ ਤਹਿਤ ਰਿਸ਼ੀਕੇਸ਼ ਤੋਂ ਮਾਨਾ, ਰਿਸ਼ੀਕੇਸ਼ ਤੋਂ ਗੰਗੋਤਰੀ ਅਤੇ ਰਿਸ਼ੀਕੇਸ਼ ਤੋਂ ਪਿਥੌਰਾਗੜ੍ਹ ਤੱਕ ਡਬਲ ਲੇਨ ਸੜਕਾਂ ਬਣਾਈਆਂ ਜਾਣਗੀਆਂ। ਇਹ ਤਿੰਨੋਂ ਸੜਕਾਂ ਫੌਜਾਂ ਲਈ ਬਹੁਤ ਮਹੱਤਵਪੂਰਨ ਹਨ ਕਿਉਂਕਿ ਇਨ੍ਹਾਂ ਤਿੰਨਾਂ ਸੜਕਾਂ ਤੋਂ ਚੀਨ ਦੀ ਸਰਹੱਦ ਤੱਕ ਪਹੁੰਚਣ ਲਈ ਸਿੱਧਾ ਸੰਪਰਕ ਮਿਲੇਗਾ। ਇਨ੍ਹਾਂ ਸੜਕਾਂ ਰਾਹੀਂ ਭਾਰੀ ਫ਼ੌਜੀ ਸਾਜ਼ੋ-ਸਾਮਾਨ ਵੀ ਆਸਾਨੀ ਨਾਲ ਸਰਹੱਦ ਤੱਕ ਪਹੁੰਚਾਇਆ ਜਾਵੇਗਾ।
