ਪੰਜਾਬ ਪੁਲਿਸ ਦੀ ਜਿਸ ਮਹਿਲਾ ਮੁਲਾਜ਼ਮ ਨੇ ਕੁੱਝ ਸਾਲ ਪਹਿਲਾਂ ਸਾਬਕਾ ਅਕਾਲੀ ਮੰਤਰੀ ਸੁੱਚਾ ਸਿੰਘ ਲੰਗਾਹ ਤੇ ਉਸ ਦਾ ਸ਼ਾਰੀਰਿਕ ਸ਼ੋਸ਼ਣ ਕਰਨ ਦੇ ਦੋਸ਼ ਲਾਏ ਸਨ, ਉਸ ਨੇ ਹੁਣ ਸਾਬਕਾ ਕਾਂਗਰਸੀ ਉੱਪ ਮੁੱਖ ਮੰਤਰੀ ਸੁਖਜਿੰਦਰ ਰੰਧਾਵਾ ਤੇ ਵੀ ਗੰਭੀਰ ਇਲਜ਼ਾਮ ਲਾਏ ਹਨ। ਇਸ ਮਹਿਲਾ ਦਾ ਕਹਿਣਾ ਹੈ ਕਿ ਲੰਗਾਹ ਨੇ ਹੀ ਉਸਨੂੰ ਰੰਧਾਵਾ ਕੋਲ ਭੇਜਿਆ ਸੀ।
ਗ਼ੌਰ ਕਰਨ ਲਾਇਕ ਹੈ ਕਿ ਲੰਗਾਹ ਤੇ ਉਕਤ ਮਹਿਲਾ ਦਾ ਹੋਟਲ ਦੇ ਕਮਰੇ ਵਿੱਚ ਬਣਿਆ ਨਿੱਜੀ ਪਲਾਂ ਦਾ ਵੀਡੀਓ ਵੀ ਵਾਇਰਲ ਹੋਇਆ ਸੀ। ਬਾਅਦ ਵਿੱਚ ਉਕਤ ਮਹਿਲਾ ਮੁਲਾਜ਼ਮ ਆਪਣੇ ਪਹਿਲਾਂ ਦਿੱਤੇ ਬਿਆਨਾਂ ਤੋਂ ਮੁੱਕਰ ਗਈ ਸੀ। ਜਿਸ ਕਰਕੇ ਲੰਗਾਹ ਬਰੀ ਹੋ ਗਿਆ ਸੀ।
ਸਾਬਕਾ ਡਿਪਟੀ CM ਸੁੱਖਜਿੰਦਰ ਰੰਧਾਵਾ ਤੇ ਇਕ ਮਹਿਲਾ ਵਲੋਂ ਪ੍ਰੈੱਸ ਕਾਨਫਰੰਸ ਕਰਕੇ ਗੰਭੀਰ ਇਲਜ਼ਾਮ ਲਗਾਏ ਗਏ | ਇਸ ਔਰਤ ਦਾ ਕਹਿਣਾ ਹੈ ਕਿ ਮੇਰੀ ਪੋਸਟਿੰਗ ਵਿਜੀਲੈੱਸ ਜਲੰਧਰ ਵਿੱਚ ਸੀ ਤੇ ਪਠਾਨਕੋਟ ਬਦਲੀ ਕਰਵਾਉਣ ਲਈ ਸੁੱਖਜਿੰਦਰ ਰੰਧਾਵਾ ਕੋਲ ਗਈ ਸੀ| ਮੇਰੀ ਬਦਲੀ ਕਰਵਾਉਣ ਲਈ ਸੁੱਖਜਿੰਦਰ ਰੰਧਾਵਾ ਨੇ 2 ਲੱਖ ਰੁਪਏ ਦੀ ਰਿਸ਼ਵਤ ਦੀ ਮੰਗ ਕੀਤੀ ਸੀ ਤੇ ਮੈਂ ਉਹਨਾਂ ਨੂੰ ਦੇ ਦਿੱਤੇ। ਔਰਤ ਨੇ ਸੁੱਖਜਿੰਦਰ ਰੰਧਾਵਾ ਤੇ ਇਲਜ਼ਾਮ ਲਗਾਉਂਦਿਆਂ ਅੱਗੇ ਕਿਹਾ ਕਿ ਰੰਧਾਵਾ ਨੇ ਮੇਰੀ ਇਤਰਾਜ਼ ਯੋਗ ਵੀਡੀਓ ਬਣਵਾ ਵਾਇਰਲ ਕਰਵਾਈ ਅਤੇ ਇਤਰਾਜ਼ਯੋਗ ਵੀਡੀਓ ਬਣਵਾ ਕੇ ਮੈਨੂੰ ਆਪਣੇ ਹੱਕ ਚ ਕੰਮ ਕਰਨ ਲਈ ਕਿਹਾ|
ਔਰਤ ਨੇ ਦੱਸਿਆ ਕਿ ਪਹਿਲਾਂ ਹੀ ਸੁੱਖਜਿੰਦਰ ਰੰਧਾਵਾ ਤੇ ਸਾਲੇ ਬੱਬੀ, ਰਸ਼ਪਾਲ ਸਿੰਘ ਤੇ ਪਰਮਜੀਤ ਪੰਮੀ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੋਈ ਹੈ |
ਬੀਬੀ ਵੱਲੋਂ ਕੀਤੀ ਇਸ ਪੱਤਰਕਾਰ ਮਿਲਣੀ ਤੋਂ ਬਾਅਦ ਜਦੋਂ ਮੀਡੀਆ ਵੱਲੋਂ ਸੁਖਜਿੰਦਰ ਰੰਧਾਵਾ ਨੂੰ ਉਨ੍ਹਾਂ ਦਾ ਪੱਖ ਜਾਨਣ ਲਈ ਫ਼ੋਨ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਕਿ ਉਹ ਇਸ ਬਾਰੇ ਕੁੱਝ ਨਹੀਂ ਕਹਿਣਾ ਚਾਹੁੰਦੇ ਤੇ ਅਦਾਲਤ ਵਿੱਚ ਕੇਸ ਪਾਉਣਗੇ। ਫਿਰ ਉਨ੍ਹਾਂ ਨੇ ਟਵੀਟ ਕਰਕੇ ਕਿਹਾ ਕਿ ਜਿਹੜਾ ਚੈਨਲ ਇਹ ਖ਼ਬਰ ਚਲਾਏਗਾ, ਉਸ ਤੇ ਕੇਸ ਕਰਨਗੇ।