ਫਿਰੋਜ਼ਪੁਰ: ਸੀਮਾ ਸੁਰੱਖਿਆ ਬਲ (BSF) ਨੇ ਸੋਮਵਾਰ ਸਵੇਰੇ ਦੁਸ਼ਮਣ ਦੇਸ਼ ਪਾਕਿਸਤਾਨ ਦੇ ਤਸਕਰਾਂ ਦੀ ਨਾਪਾਕ ਯੋਜਨਾ ਨੂੰ ਨਾਕਾਮ ਕਰ ਦਿੱਤਾ ਹੈ। ਡਰੋਨ ਦੀ ਅਵਾਜ਼ ਸੁਣਦੇ ਬੀਐੱਸਐੱਫ ਦੇ ਜਵਾਨਾਂ ਨੇ ਅੰਨ੍ਹੇਵਾਹ 48 ਦੇ ਕਰੀਬ ਰਾਉਂਡ ਫਾਇਰ ਕੀਤੇ। ਬੀਐਸਐੱਫ ਦੇ ਜਵਾਨਾਂ ਨੇ ਇਸ ਡਰੋਨ ਨੂੰ ਥੱਲੇ ਸੁੱਟ ਲਿਆ। ਬੀਐਸਐਫ ਨੇ ਤਲਾਸ਼ੀ ਮੁਹਿੰਮ ਤੋਂ ਬਾਅਦ ਡਰੋਨ ਨੂੰ ਵੀ ਜ਼ਬਤ ਕਰ ਲਿਆ ਹੈ। ਉਕਤ ਸਿਪਾਹੀਆਂ ਨੂੰ 4 ਵੱਡੇ ਅਤੇ ਇੱਕ ਛੋਟੇ ਪੈਕੇਟ ਵੀ ਮਿਲੇ ਹਨ।
ਡਰੋਨ ਤੋਂ ਇਲਾਵਾ, ਬੀਐਸਐਫ ਨੇ ਕੁੱਲ ਪੰਜ ਪੈਕੇਟ ਵੀ ਬਰਾਮਦ ਕੀਤੇ ਹਨ, ਜਿਨ੍ਹਾਂ ਵਿੱਚੋਂ 4 ਪੀਲੇ ਰੰਗ ਦੇ ਪੈਕਟ ਅਤੇ ਇੱਕ ਛੋਟਾ ਕਾਲੇ ਰੰਗ ਦਾ ਪੈਕੇਟ ਹੈ। ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਵੱਡੇ ਪੀਲੇ ਪੈਕਟਾਂ ਵਿੱਚ ਹੈਰੋਇਨ ਅਤੇ ਛੋਟੇ ਪੈਕੇਟ ਵਿੱਚ ਅਫੀਮ ਹੋ ਸਕਦੀ ਹੈ। ਫਿਲਹਾਲ ਖੇਪ ਨੂੰ ਕਬਜ਼ੇ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
