ਸ਼ਿਮਲਾ ਦੇ ਕੋਟਸ਼ੇਰਾ ਕਾਲਜ ‘ਚ ਸੋਮਵਾਰ ਨੂੰ ਦੋ ਵਿਦਿਆਰਥੀ ਸੰਗਠਨਾਂ ਵਿਚਾਲੇ ਭਿਆਨਕ ਲੜਾਈ ਹੋ ਗਈ ਹੈ। ਇਸ ਵਿੱਚ ਕਰੀਬ 6 ਵਿਦਿਆਰਥੀ ਜ਼ਖ਼ਮੀ ਹੋ ਗਏ। ਨਵੀਂ ਸਿੱਖਿਆ ਨੀਤੀ ਨੂੰ ਲੈ ਕੇ ਐੱਸਐੱਫਆਈ ਦੇ ਵਰਕਰ ਕਾਲਜ ਕੈਂਪਸ ਵਿੱਚ ਰੋਸ ਪ੍ਰਦਰਸ਼ਨ ਕਰ ਰਹੇ ਸਨ ਅਤੇ ਪ੍ਰਧਾਨ ਮੰਤਰੀ, ਮੁੱਖ ਮੰਤਰੀ ਅਤੇ ਸਿੱਖਿਆ ਮੰਤਰੀ ਦੇ ਪੁਤਲੇ ਫੂਕਣ ਦੀ ਤਿਆਰੀ ਕਰ ਰਹੇ ਸਨ। ਉਸੇ ਸਮੇਂ ਐਨਐਸਯੂਆਈ ਦੇ ਵਰਕਰ ਉਥੇ ਪਹੁੰਚ ਗਏ।

ਦੋਵਾਂ ਜਥੇਬੰਦੀਆਂ ਦੇ ਵਰਕਰਾਂ ਦਰਮਿਆਨ ਲੰਮਾ ਸਮਾਂ ਤਕਰਾਰ ਵੀ ਹੋਈ। ਇਸ ਦੌਰਾਨ ਕੁਝ ਵਰਕਰਾਂ ਨੇ ਇੱਕ ਦੂਜੇ ‘ਤੇ ਲਾਠੀਆਂ ਨਾਲ ਹਮਲਾ ਵੀ ਕੀਤਾ। ਅਧਿਆਪਕਾਂ ਅਤੇ ਹੋਰ ਵਿਦਿਆਰਥੀਆਂ ਦੇ ਸਮਝਾਉਣ ਤੋਂ ਬਾਅਦ ਲੜਾਈ ਸ਼ਾਂਤ ਹੋਈ। ਉਦੋਂ ਤੱਕ ਕੈਂਪਸ ਵਿੱਚ ਮਾਹੌਲ ਕਾਫੀ ਤਣਾਅਪੂਰਨ ਬਣਿਆ ਰਿਹਾ।