ਦੇਸ਼ ‘ਚ ਕੋਰੋਨਾ ਦੇ ਵੱਧ ਰਹੇ ਮਾਮਲਾ ਨੇ ਇੱਕ ਵਾਰ ਚਿੰਤਾ ਵਧਾ ਦਿੱਤੀ ਹੈ। ਪਿਛਲੇ 24 ਘੰਟਿਆਂ ਵਿੱਚ ਭਾਰਤ ਵਿੱਚ ਕੋਰੋਨਾ ਦੇ 602 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਦੋਂ ਕਿ ਵਾਇਰਸ ਕਾਰਨ ਪੰਜ ਲੋਕਾਂ ਦੀ ਮੌਤ ਹੋ ਗਈ ਹੈ। ਇਸ ਦੇ ਨਾਲ ਦੇਸ਼ ਵਿੱਚ ਕੋਰੋਨਾ ਦੇ ਕੁੱਲ ਸਰਗਰਮ ਮਾਮਲਿਆਂ ਦੀ ਗਿਣਤੀ 4440 ਹੋ ਗਈ ਹੈ। ਮੰਗਲਵਾਰ ਨੂੰ ਭਾਰਤ ਵਿੱਚ ਕੋਰੋਨਾ ਦੇ 573 ਮਾਮਲੇ ਦਰਜ ਕੀਤੇ ਗਏ। ਕੋਰੋਨਾ ਦੇ ਨਾਲ ਦੇਸ਼ ਵਿੱਚ ਇਸਦੇ ਸਬ-ਵੇਰੀਐਂਟ JN.1 ਦੇ ਮਾਮਲੇ ਵੀ ਲਗਾਤਾਰ ਵੱਧ ਰਹੇ ਹਨ।
ਮੰਗਲਵਾਰ ਨੂੰ JN.1 ਦੇ 312 ਮਾਮਲੇ ਸਾਹਮਣੇ ਆਏ। ਕੋਰੋਨਾ ਦਾ ਇਹ ਨਵਾਂ ਰੂਪ 10 ਰਾਜਾਂ ਵਿੱਚ ਫੈਲ ਚੁੱਕਾ ਹੈ। ਇਸ ਦੇ ਜ਼ਿਆਦਾਤਰ ਮਾਮਲੇ ਕੇਰਲ ਤੋਂ ਸਾਹਮਣੇ ਆਏ ਹਨ। ਕੇਰਲ ਵਿੱਚ ਮੰਗਲਵਾਰ ਨੂੰ JN.1 ਦੇ 147 ਮਾਮਲੇ ਸਾਹਮਣੇ ਆਏ। ਇਸ ਤੋਂ ਇਲਾਵਾ ਗੋਆ ਤੋਂ 51, ਗੁਜਰਾਤ ਤੋਂ 34, ਮਹਾਰਾਸ਼ਟਰ ਤੋਂ 26, ਤਾਮਿਲਨਾਡੂ ਤੋਂ 22, ਦਿੱਲੀ ਤੋਂ 16, ਕਰਨਾਟਕ ਤੋਂ 8, ਰਾਜਸਥਾਨ ਤੋਂ 5, ਤੇਲੰਗਾਨਾ ਤੋਂ 2 ਅਤੇ ਉੜੀਸਾ ਤੋਂ 1 ਮਾਮਲੇ ਸਾਹਮਣੇ ਆਏ ਹਨ।