ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਕੋਵਿਡ ਪਾਜ਼ੇਟਿਵ ਪਾਏ ਗਏ ਹਨ ਸ਼ਿਵਰਾਜ ਚੌਹਾਨ ਨੇ ਟਵੀਟ ਕਰ ਕੇ ਇਸ ਗੱਲ ਦੀ ਜਾਣਕਾਰੀ ਦਿਤੀ ਹੈ। ਉਨ੍ਹਾਂ ਨੇ ਟਵੀਟ ਕਰਕੇ ਦੱਸਿਆ ਹੈ ਕਿ ਉਹ ਕੋਵਿਡ-19 ਸਕਾਰਾਤਮਕ ਪਾਏ ਗਏ ਹਨ।
ਸੀ ਐਮ ਚੋਹਾਨ ਨੇ ਲਿਖਿਆ ਕਿ ਮੈਂ ਆਪਣਾ RTPCR #COVID19 ਟੈਸਟ ਕਰਵਾਇਆ ਹੈ। ਜਿਸ ਵਿੱਚ ਮੈਂ ਕੋਵਿਡ ਪਾਜ਼ੇਟਿਵ ਆਇਆ ਹਾਂ। ਮੇਰੇ ਵਿਚ ਆਮ ਲੱਛਣ ਪਾਏ ਗਏ ਹਨ। ਮੈਂ ਕੋਵਿਡ-19 ਦੇ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰਦੇ ਹੋਏ ਆਪਣੇ ਆਪ ਨੂੰ ਆਈਸੋਲੈਟ ਕਰ ਲਿਆ ਹੈ। ਮੈਂ ਆਉਣ ਵਾਲੇ ਸਾਰੇ ਕੰਮ ਵਰਚੁਅਲ ਤੌਰ ‘ਤੇ ਕਰਾਂਗਾ। ਕੱਲ੍ਹ ਸੰਤ ਸ਼੍ਰੋਮਣੀ ਰਵਿਦਾਸ ਜਯੰਤੀ ਦੇ ਪ੍ਰੋਗਰਾਮ ਵਿੱਚ ਮੈਂ ਵਰਚੁਅਲੀ ਸ਼ਾਮਲ ਹੋਵਾਂਗਾ।
ਉਨ੍ਹਾਂ ਕਿਹਾ ਕਿ ਮੇਰੇ ਸੰਪਰਕ ਵਿੱਚ ਆਉਣ ਵਾਲੇ ਸਾਰੇ ਸਾਥੀਆਂ ਨੂੰ ਮੈਂ ਆਪਣਾ ਟੈਸਟ ਕਰਵਾਉਣ ਲਈ ਬੇਨਤੀ ਕਰਦਾ ਹਾਂ। ਮੱਧ ਪ੍ਰਦੇਸ਼ ਵਿੱਚ #COVID19 ਦੀ ਲਾਗ ਦਰ ਹੁਣ 2% ‘ਤੇ ਆ ਗਈ ਹੈ। ਅੱਜ ਸਿਰਫ 1,222 ਕੇਸ ਆਏ ਹਨ, ਪਰ ਖ਼ਤਰਾ ਅਜੇ ਟਲਿਆ ਨਹੀਂ ਹੈ। ਇਸ ਲਈ ਤੁਹਾਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਤੁਸੀਂ ਸਾਰੇ ਸਿਹਤ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰਦੇ ਰਹੋ। ਮਾਸਕ ਪਹਿਨੋ, ਸਮਾਜਿਕ ਦੂਰੀ ਦੀ ਪਾਲਣਾ ਕਰੋ।
