ਵਿਸ਼ਵ ਸਿਹਤ ਸੰਗਠਨ (WHO) ਨੇ ਕੋਵੈਕਸੀਨ ਨੂੰ ਆਪਣੇ ਕੋਵੈਕਸ ਪ੍ਰੋਗਰਾਮ ਵਿੱਚੋ ਹਟਾ ਦਿੱਤਾ ਹੈ। WHO ਵੱਲੋਂ ਕੀਤੀ ਗਈ ਇਸ ਕਾਰਵਾਈ ਤੋਂ ਬਾਅਦ ਵੈਕਸੀਨ ਬਣਾਉਣ ਵਾਲੀ ਕੰਪਨੀ ਭਾਰਤ ਬਾਇਓਟੈਕ ਨੇ ਸਪੱਸ਼ਟੀਕਰਨ ਜਾਰੀ ਕੀਤਾ ਹੈ। ਕੰਪਨੀ ਨੇ ਕਿਹਾ- ਕੋਵਿਡ ਤੋਂ ਬਚਾਅ ਲਈ ਕੋਵੈਕਸੀਨ ਪੂਰੀ ਤਰ੍ਹਾਂ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਹੈ। ਜਿਨ੍ਹਾਂ ਨੇ ਕੋਵੈਕਸੀਨ ਦੀ ਖੁਰਾਕ ਲਈ ਹੈ ਉਹਨਾਂ ਲਈ ਟੀਕਾਕਰਨ ਸਰਟੀਫਿਕੇਟ ਵੀ ਵੈਧ ਹਨ ।
ਭਾਰਤ ਬਾਇਓਟੈਕ ਨੇ ਕਿਹਾ – ਕੋਵੈਕਸੀਨ ਦੀ ਗੁਣਵੱਤਾ ਨਾਲ ਕਿਸੇ ਵੀ ਸਮੇਂ ਸਮਝੌਤਾ ਨਹੀਂ ਕੀਤਾ ਗਿਆ ਹੈ। ਐਮਰਜੈਂਸੀ ਵਿੱਚ ਕੋਵਿਡ-19 ਦੀ ਰੋਕਥਾਮ ਲਈ ਕੋਵੈਕਸੀਨ ਸਭ ਤੋਂ ਪ੍ਰਮੁੱਖ ਦਵਾਈ ਸੀ। ਕੰਪਨੀ ਨੇ ਵੈਕਸੀਨ ਬਣਾਉਣ ਲਈ ਸਾਰੇ ਮਾਪਦੰਡ ਸਖ਼ਤ ਰੱਖੇ ਹੋਏ ਸਨ। ਕੰਪਨੀ ਨੇ ਸਪੱਸ਼ਟ ਕੀਤਾ ਕਿ ਉਹ ਗਲੋਬਲ ਮੰਗ ਦੇ ਮੁਤਾਬਕ ਸੁਧਾਰ ਅਤੇ ਵਿਕਾਸ ਦੀ ਪ੍ਰਕਿਰਿਆ ਜਾਰੀ ਰੱਖੇਗੀ।
ਹੈਦਰਾਬਾਦ ਵਿੱਚ ਭਾਰਤ ਬਾਇਓਟੈਕ ਦੇ ਬੁਲਾਰੇ ਨੇ ਕਿਹਾ – ਕੰਪਨੀ ਸੁਵਿਧਾ ਅਨੁਕੂਲਨ ਲਈ ਕੋਵੈਕਸੀਨ ਦੇ ਉਤਪਾਦਨ ਨੂੰ ਹੌਲੀ ਕਰ ਰਹੀ ਹੈ। ਆਉਣ ਵਾਲੇ ਸਮੇਂ ਵਿੱਚ, ਅਸੀਂ ਇਸਨੂੰ ਅਪਡੇਟ ਕੀਤੇ ਤਰੀਕੇ ਨਾਲ ਲਿਆਵਾਂਗੇ। ਇਸ ਦੇ ਲਈ ਕੰਪਨੀ ਰੱਖ-ਰਖਾਅ, ਨਿਰਮਾਣ ਪ੍ਰਕਿਰਿਆ ਅਤੇ ਸਟੋਰੇਜ ਸੁਵਿਧਾਵਾਂ ਨੂੰ ਵਧਾਉਣ ‘ਤੇ ਧਿਆਨ ਦੇਵੇਗੀ।