ਬਿਹਾਰ ਸਕੂਲ ਪ੍ਰੀਖਿਆ ਬੋਰਡ (BSEB) ਨੇ ਅੱਜ 12ਵੀਂ ਜਮਾਤ ਦੀਆਂ ਬੋਰਡ ਪ੍ਰੀਖਿਆਵਾਂ ਦੇ ਨਤੀਜੇ ਜਾਰੀ ਕਰ ਦਿੱਤੇ ਹਨ। ਵਿਦਿਆਰਥੀ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਕੇ ਆਪਣੇ ਨਤੀਜੇ ਦੇਖ ਸਕਦੇ ਹਨ। ਇਸ ਦੌਰਾਨ ਪ੍ਰੀਖਿਆ ‘ਚ ਟਾਪ ਕਰਨ ਵਾਲੇ ਵਿਦਿਆਰਥੀਆਂ ਲਈ ਇਕ ਹੋਰ ਖੁਸ਼ਖਬਰੀ ਸਾਹਮਣੇ ਆਈ ਹੈ। ਬਿਹਾਰ ਬੋਰਡ ਪ੍ਰੀਖਿਆ ਦੇ ਨਤੀਜਿਆਂ ਵਿੱਚ ਟਾਪਰ ਵਿਦਿਆਰਥੀਆਂ ਨੂੰ ਲੈਪਟਾਪ, ਨਕਦ ਇਨਾਮ ਅਤੇ ਹੋਰ ਬਹੁਤ ਕੁਝ ਦਿੱਤਾ ਜਾਵੇਗਾ।
ਰੈਂਕ 1 – -ਇਕ-ਇੱਕ ਲੈਪਟਾਪ, ਇੱਕ ਲੱਖ ਨਕਦ ਇਨਾਮ ਅਤੇ ਕਿੰਡਲ ਈ-ਬੁੱਕ ਰੀਡਰ।
ਰੈਂਕ 2 – ਇਕ-ਇੱਕ ਲੈਪਟਾਪ, 75,000 ਰੁਪਏ ਦਾ ਨਕਦ ਇਨਾਮ ਅਤੇ ਇੱਕ ਕਿੰਡਲ ਈ-ਰੀਡਰ।
ਰੈਂਕ 3 – ਇਕ-ਇੱਕ ਲੈਪਟਾਪ, 50,000 ਰੁਪਏ ਦਾ ਨਕਦ ਇਨਾਮ ਅਤੇ ਇੱਕ ਕਿੰਡਲ ਈ-ਰੀਡਰ।
ਰੈਂਕ 4 – ਇਕ-ਇੱਕ ਲੈਪਟਾਪ, 50,000 ਰੁਪਏ ਦਾ ਨਕਦ ਇਨਾਮ ਅਤੇ ਇੱਕ ਕਿੰਡਲ ਈ-ਰੀਡਰ।
ਰੈਂਕ 5 – ਇਕ-ਇੱਕ ਲੈਪਟਾਪ, 15,000 ਰੁਪਏ ਨਕਦ ਇਨਾਮ।
ਰੈਂਕ 6 – ਇਕ-ਇੱਕ ਲੈਪਟਾਪ, 15,000 ਰੁਪਏ ਨਕਦ ਇਨਾਮ।
ਦੱਸ ਦਈਏ ਕਿ ਬਿਹਾਰ ਬੋਰਡ ਇੰਟਰ 2023 ਦਾ ਸਮੁੱਚਾ ਨਤੀਜਾ 83.07 ਫੀਸਦੀ ਰਿਹਾ ਹੈ। ਆਰਟਸ ਦਾ ਨਤੀਜਾ 82.74 ਫੀਸਦੀ, ਕਾਮਰਸ ਦਾ ਨਤੀਜਾ 93.85 ਫੀਸਦੀ ਅਤੇ ਸਾਇੰਸ ਸਟ੍ਰੀਮ ਦਾ ਨਤੀਜਾ 83.92 ਫੀਸਦੀ ਰਿਹਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਆਯੂਸ਼ੀ ਨੰਦਨ ਨੇ ਸਾਇੰਸ ਸਟ੍ਰੀਮ ਵਿੱਚ 474 ਅੰਕ (94.8%)], ਸੌਮਿਆ ਸ਼ਰਮਾ ਅਤੇ ਰਜਨੀਸ਼ ਨੇ ਕਾਮਰਸ ਵਿੱਚ 475 ਅੰਕ (95%) ਅਤੇ ਪੂਰਨੀਆ ਦੀ ਮੋਹਨੀਸਾ ਨੇ ਆਰਟਸ ਵਿੱਚ 475 ਅੰਕ (95%) ਪ੍ਰਾਪਤ ਕੀਤੇ ਹਨ।