ਸੈਂਟਰਲ ਬੋਰਡ ਆਫ਼ ਸੈਕੰਡਰੀ ਐਜੂਕੇਸ਼ਨ( ਸੀਬੀਐਸਈ) ਨੇ 12ਵੀਂ ਜਮਾਤ ਦਾ ਟਰਮ 1 ਦਾ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਜਿਨ੍ਹਾਂ ਵਿਦਿਆਰਥੀਆਂ ਨੇ ਇਸ ਵਾਰ ਸੀਬੀਐਸਈ ਬੋਰਡ ਦੇ ਤਹਿਤ ਪ੍ਰੀਖਿਆ ਦਿੱਤੀ ਸੀ, ਉਹ ਹੁਣ ਨਤੀਜਾ ਦੇਖ ਸਕਦੇ ਹਨ। ਪਹਿਲੀ ਵਾਰ ਸੀਬੀਐਸਈ ਨੇ ਦੋ ਟਰਮਾ ਵਿੱਚ ਪ੍ਰੀਖਿਆ ਕਰਵਾਈ ਸੀ, 12ਵੀਂ ਜਮਾਤ ਦੀਆਂ ਪ੍ਰੀਖਿਆਵਾਂ 1 ਦਸੰਬਰ ਨੂੰ ਸ਼ੁਰੂ ਹੋਈਆਂ ਅਤੇ 22 ਦਸੰਬਰ ਨੂੰ ਸਮਾਪਤ ਹੋਈਆਂ। ਵਿਦਿਆਰਥੀ ਆਪਣੇ ਨਤੀਜਿਆਂ ਲਈ ਆਪਣੇ ਸਬੰਧਿਤ ਸਕੂਲਾਂ ਨਾਲ ਸੰਪਰਕ ਕਰ ਸਕਦੇ ਹਨ।
CBSE ਕਲਾਸ 12ਵੀਂ ਟਰਮ 1 ਦਾ ਨਤੀਜਾ ਅਧਿਕਾਰਤ ਵੈੱਬਸਾਈਟ- cbse.gov.in, cbseresults.nic.in ‘ਤੇ ਉਪਲਬਧ ਕਰਾਇਆ ਗਿਆ ਹੈ। ਦਸੰਬਰ ‘ਚ ਹੋਈ 12ਵੀਂ ਜਮਾਤ ਦੀ ਟਰਮ 1 ਦੀ ਪ੍ਰੀਖਿਆ ‘ਚ 36 ਲੱਖ ਤੋਂ ਜ਼ਿਆਦਾ ਵਿਦਿਆਰਥੀਆਂ ਨੇ ਹਿੱਸਾ ਲਿਆ ਸੀ। CBSE 26 ਅਪ੍ਰੈਲ ਤੋਂ ਟਰਮ 2 ਦੀ ਪ੍ਰੀਖਿਆ ਕਰਵਾਏਗਾ। ਟਰਮ 2 ਦੀ ਪ੍ਰੀਖਿਆ ਵਿੱਚ ਅਬਜੈਕਟਿਵ ਅਤੇ ਸਬਜੈਕਟਿਵ ਦੋਨਾਂ ਤਰਾਂ ਦੇ ਪ੍ਰਸ਼ਨ ਹੋਣਗੇ।